ກອງທັບປະຊາຊົນລາວ
 
ວັນຈັນ, ວັນທີ 16 ພະຈິກ 2026

  

ປຶກ​​​ສາ​ຫາລື​ການ​ລາດຕະເວນ​ຮ່ວມ​ກັນ ລະຫວ່າງ ໜ່ວຍ​ປະສານ​ງານ​ຕ້ານ ສະກັດ​ກັ້ນ ແລະ ແກ້​ໄຂ​ບັນຫາ​ຢາ​ເສບ​ຕິດ ປະຈຳ​ພື້ນ​ທີ່​ແຂວງ​ຄຳ​ມ່ວນ ກັບ ຈັງຫວັດ​ນະຄອນ​ພະນົມ
ເວລາອອກຂ່າວ: 2026-10-09 09:14:06 | ຜູ້ຂຽນ : admin1 | ຈຳນວນຄົນເຂົ້າຊົມ: 282 | ຄວາມນິຍົມ:



ວັນ​ທີ 6 ຕຸລາ 2026, ຢູ່​ທີ່​ຫ້ອງ​ປະຊຸມ​ຮ້ານ​ອາຫານ​ເວດ​ຕ້າ ເມືອງ​ທ່າ​ແຂກ, ແຂວງ​ຄຳ​ມ່ວນໄດ້​ຈັດ​ກອງ​ປະຊຸມ​ປຶກສາ​ຫາລື ການ​ລາດຕະເວນ​ຮ່ວມ​ກັນ​ສອງ​ຝ່າຍ ( ແບບ​ບໍ່​ເປັນ​ທາງ​ການ ) ລະຫວ່າງ ໜ່ວຍ​ປະສານ​ງານ​ຕ້ານ ສະກັດ​ກັ້ນ ແລະ ແກ້​ໄຂ​ບັນຫາ​ຢາ​ເສບ​ຕິດ ປະຈຳ​ພື້ນ​ທີ່​ແຂວງ​ຄຳ​ມ່ວນ ​ສປປ ລາວ ກັບ ຈັງຫວັດ​ນະຄອນ​ພະນົມ ຣາ​ຊາ​ອານາຈັກ​ໄທ, ໂດຍ​ມີ ທ່ານ ພັນ​ເອກ ບຸນ​ເລີດ ບຸບຜາ​ວັນ ຫົວໜ້າ​ການ​ທະຫານ ກອງ​ບັນຊາ​ການ​ທະຫານ​ແຂວງ ຫົວ​ໜ້າ​ໜ່ວຍ​ປະສານ​ງານ​ຕ້ານ ສະກັດ​ກັ້ນ ແລະ ແກ້​ໄຂ​ບັນຫາ​ຢາ​ເສບ​ຕິດ​ປະຈຳ​ຟື້ນ​ທີ່ ແຂວງ​ຄຳ​ມວ່ນ ​ສປປ ລາວ, ທ່ານ ພັນ​ເອກ ຄົມ​ສັກ ພຣາວ​ສີ​​ຣ ຮອງ​ຜູ້​ບັນຊາ​ການ ກອງ​ບັງ​ຂັບ​ການ​ຄວບ​ຄຸມ​ທີ 1 ກອງ​ກຳລັງ​ສຸລະ​ສັກ​ມົນຕີ ຮອງ​ຫົວໜ້າ​ໜ່ວຍ​ປະສານ​ງານ​ຕ້ານ ສະກັດ​ກັ້ນ ແລະ ແກ້​ໄຂ​ບັນຫາ​ຢາ​ເສບ​ຕິດ ປະຈຳ​ພື້ນ​ທີ່​ຈັງຫວັດ​ນະຄອນ​ພະນົມ ຣາ​ຊາ​ອານາຈັກ​ໄທ ພ້ອມ​ດ້ວຍ ຄະນະ​ທັງ​ສອງ​ຝ່າຍ ເຂົ້າ​ຮ່ວມ. ຄະນະ​ທັງ​ສອງ​ຝ່າຍໄດ້ພ້ອມກັນ​ປຶກສາ​ຫາລື​ກ່ຽວ​ກັບ​ການ​ກະກຽມ​ຄວາມ​ພ້ອມ​ໃນ​ການ​ລາດ​ຕະເວນ​ຮ່ວມ​ກັນ​ສອງ​ຝ່າຍ​ໃນຕໍ່ໜ້າ, ພ້ອມ​ທັງ ລາຍ​ງານ​ກ່ຽວ​ກັບ​ການ​ຕ້ານ ແລະ ສະກັດ​ກັ້ນ ການ​ຄ້າຂາຍ​ຢາ​ເສບ​ຕິດ, ການ​ລັກລອບ ເຂົ້າ-ອອກ ປະເທດ​ທີ່​ຜິດ​ກົດໝາຍ, ການ​ກໍ່​ອາ​ຊະ​ຍາ​ກຳ, ການ​ລຸກ​ລ້ຳ​ເສັ້ນ​ຊາຍ​ແດນ​ຂອງ​ຜູ້​ປະກອບ​ການ​ທຸລະ​ກິດ, ປະກົດ​ການ​ຫຍໍ້ທໍ້​ອື່ນໆ​ຕາມ​ບໍ ລິເວນ​ຊາຍ​ແດນ​ໃຫ້​ກັນ ແລະ ກັນ ໄດ້​ຮັບ​ຊາບ; ເພື່ອ​ພ້ອມ​ກັນ​ແກ້​ໄຂ ແລະ ປະສານ​ສົມທົບ​ກັນ​ຢ່າງ​ວ່ອງໄວ ໃຫ້​ທັນ​ກັບ​ສະພາບ​ການ​ທີ່​ເກີດ​ຂຶ້ນ, ເພື່ອ​ເຮັດ​ໃຫ້​ຂອບ​ເຂດ​ຊາຍ​ແດນ​ແຂວງ​ຄຳ​ມ່ວນ ກັບ ຈັງ ຫວັດ​ນະຄອນ​ພະນົມ ມີ​ຄວາມ​ສະ ຫງົບ ແລະ ເປັນ​ລະບຽບ​ຮຽບ​ຮ້ອຍ, ໂອກາດ​ດຽວ​ກັນ​ນີ້ ຍັງ​ໄດ້​ມອບ​ຂອງຂວັນ​ທີ່​ລະນຶກ​ເຊິ່ງ​ກັນ ແລະ ກັນ​ອີກ​ດ້ວຍ. ໂດຍ : ເກດ​ມະນີ ສຸວັນນະ​ລາດ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ