POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 16 ຕຸລາ 2026

ປະຕິບັດ 5 ຫຼັກການຕົ້ນຕໍ ເພື່ອໃຫ້ການພັດທະນາຊົນນະບົດ ແລະ ການແກ້ໄຂຄວາມທຸກຍາກໄດ້ຮັບຜົນສຳເລັດ
ເວລາອອກຂ່າວ: 2026-10-02 09:09:30 | ຜູ້ຂຽນ : admin1 | ຈຳນວນຄົນເຂົ້າຊົມ: 181 | ຄວາມນິຍົມ:

ວຽກງານການພັດທະນາຊົນນະບົດ ແລະ ການແກ້ໄຂຄວາມທຸກຍາກແມ່ນໜຶ່ງໃນວຽກ ງານຍຸດທະສາດທີ່ສຳຄັນຂອງພັກ ແລະ ລັດຖະບານ ນັບຕັ້ງ ແຕ່ສະຖາປະນາ ສປປ ລາວ ເປັນຕົ້ນມາ. ຈຸດປະສົງຫຼັກແມ່ນເພື່ອຫຼຸດຜ່ອນຄວາມແຕກໂຕນ ລະຫວ່າງຕົວເມືອງ ແລະ ຊົນນະ ບົດ, ພ້ອມທັງນຳພາປະເທດຊາດ ໃຫ້ຫຼຸດພົ້ນອອກຈາກສະຖານະພາບປະເທດດ້ອຍພັດທະນາ. ເນື້ອໃນວາລະແຫ່ງຊາດ ວ່າດ້ວຍການພັດທະນາຊົນນະບົດ ແລະ ແກ້ໄຂຄວາມທຸກຍາກໄລ ຍະ 2027-2030, ທີ່ນຳມາເຜີຍ ແຜ່ໃນກອງປະຊຸມ ເມື່ອວັນທີ 21 ກັນຍາທີ່ຜ່ານມາ ທີ່ຫໍປະຊຸມແຫ່ງ ຊາດຊີ້ໃຫ້ເຫັນວ່າ ແມ່ນເພື່ອຜັນ ຂະຫຍາຍມະຕິກອງປະຊຸມໃຫຍ່ ຄັ້ງທີ XII ຂອງພັກ, ແຜນພັດ ທະນາເສດຖະກິດ-ສັງຄົມ ແຫ່ງຊາດ 5 ປີ ຄັ້ງທີ X (2026-2030), ເພື່ອລະດົມກຳລັງແຮງ ສັງລວມໃນການແກ້ໄຂຄວາມ ທຸກຍາກ ສ້າງພື້ນຖານໂຄງລ່າງຢູ່ເຂດຊົນນະບົດ ແລະ ປັບປຸງຊີວິດການເປັນຢູ່ຂອງປະຊາຊົນໃຫ້ດີຂຶ້ນ. ເພື່ອກຳນົດແຜນວຽກງານຕົວຈິງທີ່ເປັນບູລິມະສິດ ແລະ ຈຳເປັນຮີບດ່ວນໃນການປຸກ ລະດົມກຳລັງແຮງ ແລະ ຄວາມສາມາດບົ່ມຊ້ອນຂອງທົ່ວສັງຄົມ ເຂົ້າໃນການແກ້ໄຂຄວາມທຸກຍາກ ແລະ ປັບປຸງຊີວິດການເປັນ ຢູ່ຂອງປະຊາຊົນ ເພື່ອກ້າວໄປ ສູ່ຄວາມຢູ່ດີກິນດີ ສູ້ຊົນສ້າງຄອບຄົວພົ້ນທຸກໃຫ້ໄດ້ຫຼາຍກວ່າ 100.000 ຄອບຄົວ (ເພື່ອດຶງອັດ ຕາຄວາມທຸກຍາກໃຫ້ຫຼຸດລົງ ເຫຼືອພຽງໜຶ່ງໂຕເລກ); ສ້າງ ບ້ານພົ້ນທຸກໃຫ້ໄດ້ຫຼາຍກວ່າ 1.000 ບ້ານ ສ້າງເມືອງພົ້ນທຸກ ໃຫ້ໄດ້ຫຼາຍກວ່າ 25 ເມືອງພ້ອມ ທັງສ້າງບ້ານຈຸດສຸມຕົວແບບ ຢ່າງໜ້ອຍ ແຂວງລະ 4-5 ບ້ານ ນອກຈາກນີ້ ຍັງສຸມໃສ່ສ້າງອາ ຊີບ ເຂົ້າເຖິງລະບົບປົກປ້ອງສັງ ຄົມ ພັດທະນາພື້ນຖານໂຄງລ່າງ ຈັດສັນພູມລຳເນົາ ແລະ ປັບປຸງລະບົບການເມືອງ ຢູ່ຮາກຖານໃຫ້ ເຂັ້ມແຂງ. ເພື່ອໃຫ້ໄດ້ຮັບຜົນສຳເລັດ ຕ້ອງຮັບປະກັນໃຫ້ໄດ້ 5 ຫຼັກການ ຕົ້້ນຕໍ ເຊັ່ນ: ຮັບປະກັນຄວາມເຂັ້ມງວດ-ເດັດຂາດ ທີ່ສະແດງເຖິງຄວາມຕັດສິນໃຈສູງສຸດຂອງ ພັກ ແລະ ລັດ ບົນພື້ນຖານຄວາມ ເຂົ້າໃຈ ແລະ ເປັນເອກະພາບສູງ ຕໍ່ຄວາມຈຳເປັນທີ່ຕ້ອງໄດ້ຜັນຂະ ຫຍາຍມາດຕະການຢ່າງເຂັ້ມງວດ-ເດັດຂາດບົນພື້ນຖານກົດ ໝາຍ ແລະ ລະບຽບການ, ຄວາມ ຍຸຕິທຳ, ເຮັດແທ້ທຳຈິງ ແລະ ມີການນຳພາ-ຊີ້ນຳການຈັດຕັ້ງປະ ຕິບັດເປັນລະບົບ ແລະ ຕໍ່ເນື່ອງ; ຮັບປະກັນຄວາມໂປ່ງໃສໃນການ ຈັດຕັ້ງປະຕິບັດວາລະແຫ່ງຊາດ, ທຸກຊັ້ນຄົນໃນສັງຄົມສາມາດເຂົ້າຮ່ວມ ແລະ ຕິດຕາມ-ກວດກາຄວາມຄືບໜ້າ ແລະ ຂໍ້ຄົງຄ້າງໃນການຈັດຕັ້ງປະຕິບັດວາລະແຫ່ງ ຊາດ ແລະ ຫຼັກການຄວາມໂປ່ງ ໃສແມ່ນປັດໄຈຕັດສິນຜົນສຳ ເລັດຂອງການປະຕິບັດຄາດໝາຍຂອງວາລະແຫ່ງຊາດ, ທັງເປັນ ການສືບຕໍ່ສ້າງຄວາມເຊື່ອໝັ້ນ ຕໍ່ສັງຄົມ ແລະ ສາກົນກ່ຽວກັບຄວາມມຸ່ງໝັ້ນຂອງລັດຖະບານໃນການພັດທະນາຊົນນະບົດ ແລະ ແກ້ໄຂຄວາມທຸກຍາກເພື່ອ ເປັນ ການສ້າງຄວາມຈູງໃຈໃຫ້ທຸກຊັ້ນ ຄົນໃນສັງຄົມໃຫ້ ການສະໜັບສະ ໜູນ ແລະ ມີສ່ວນຮ່ວມໃນການ ຈັດຕັ້ງປະຕິບັດຢ່າງຕັ້ງໜ້າ; ນອກ ຈາກນັ້ນ ແມ່ນຮັບປະກັນດ້ານວິທະຍາສາດ-ວິຊາການ ແລະ ການມີສ່ວນຮ່ວມຕ້ອງອີງໃສ່ຫຼັກວິທະຍາສາດ ແລະ ວິຊາການ ເພື່ອຄົ້ນຄວ້າ, ວິເຄາະ, ວິໄຈຂໍ້ມູນ, ບັນຫາຕ່າງໆຢູ່ຊົນນະບົດເພື່ອວາງແຜນໃນການພັດທະນາໂດຍການມີສ່ວນຮ່ວມຂອງທຸກພາກສ່ວນລວມທັງການຈັດຕັ້ງບ້ານ ແລະ ປະຊາຊົນບັນດາເຜົ່າສອດຄ່ອງກັບຄວາມຮຽກຮ້ອງຕ້ອງການຕົວຈິງຂອງຮາກຖານ ແລະ ແຜນພັດທະນາເສດຖະກິດ-ສັງຄົມຂອງທ້ອງຖິ່ນ; ຮັບປະກັນຄວາມເປັນມືອາ ຊີບການພັດທະນາຊົນນະບົດ ແລະ ແກ້ໄຂຄວາມທຸກຍາກຈຳ ເປັນຕ້ອງມີການວາງແຜນຢ່າງເປັນລະບົບ, ມີການນຳພາ-ຊີ້ນຳຢ່າງລວມສູນເປັນເອກະພາບ, ມີການນຳໃຊ້ບຸກຄະລາກອນທີ່ ມີຄວາມຮູ້ຄວາມສາມາດ, ມີຄຸນ ສົມບັດ, ມີຈັນຍາບັນ-ຈັນຍາທຳ ແລະ ຄວາມຊຳນານທາງດ້ານຫຼັກວິຊາການ ແລະ ວິຊາສະເພາະລະດັບທີ່ແນ່ນອນ ແລະ ມີຄວາມຮັບຜິດຊອບສູງ, ບໍ່ອາດເຮັດຕາມລຳພັງໃຈ, ຕາມຄວາມຮູ້ສຶກອັດຕະວິໄສຂອງຜູ້ໃດຜູ້ໜຶ່ງ; ຮັບປະກັນຄຸນນະພາບ ແລະ ຄວາມຍືນຍົງຕ້ອງຍົກສູງປະ ສິດທິພາບ ແລະ ປະສິດທິຜົນໃນການປະຕິບັດວຽກງານໃຫ້ໄດ້ມາດຕະຖານທັງຮັບປະກັນໃຫ້ຄອບຄົວ, ບ້ານ ແລະ ເມືອງທີ່ພົ້ນທຸກແລ້ວບໍ່ໃຫ້ກັບຄືນມາທຸກອີກ; ຫຼຸດຜ່ອນຄວາມຜິດພາດ, ຄວາມຊັກຊ້າ ແລະ ຄວາມສ່ຽງເພື່ອສ້າງຄວາມເຊື່ອໝັ້ນ,ຄວາມເພິ່ງພໍໃຈໃຫ້ແກ່ສັງຄົມ ແລະ ສາ ກົນພ້ອມທັງເພີ່ມທະວີຄວາມເປັນເຈົ້າການປົກປັກຮັກສາ, ຄຸ້ມຄອງ ແລະ ນຳໃຊ້ຜົນສຳເລັດຢ່າງຕໍ່ເນື່ອງໃນໄລຍະຍາວ. ສັງລວມແລ້ວທັດສະນະຂອງການນຳພາ ຂອງພັກ-ລັດເຮົາຕໍ່ການພັດທະນາຊົນນະບົດ ແລະ ແກ້ໄຂຄວາມທຸກຍາກບໍ່ໄດ້ແຍກອອກຈາກວຽກງານປົກປັກຮັກສາ ແລະ ສ້າງສາພັດທະນາປະເທດຊາດແມ່ນການພັດທະນາແບບກວມລວມ ແລະ ຍືນຍົງ ທີ່ເອົາປະຊາຊົນເປັນໃຈກາງ, ການແກ້ໄຂຄວາມທຸກຍາກບໍ່ແມ່ນໜ້າ ທີ່ຂອງກະຊວງ ຫຼື ຂະແໜງການ ໃດໜຶ່ງ, ແຕ່ແມ່ນຄວາມຮັບຜິດ ຊອບລວມ ຂອງທົ່ວພັກ, ທົ່ວລັດ, ທົ່ວກຳລັງປະກອບອາວຸດ ແລະ ທົ່ວປວງຊົນລາວທັງຊາດ ຈະຕ້ອງໄດ້ພ້ອມກັນຜ່ານຜ່າ ແລະ ທຸກພາກສ່ວນ ຕ້ອງຫັນປ່ຽນຈິນຕະນາການ, ເຮັດແທ້ທຳຈິງ, ມີການປະສານງານທີ່ກົມກຽວ ແລະ ນຳໃຊ້ຊັບພະຍາກອນທີ່ມີຈຳກັດ ໃຫ້ມີປະສິດທິຜົນສູງສຸດ ແລະ ເຊື່ອໝັ້ນຢ່າງໜັກແໜ້ນ ວ່າ ພວກເຮົາ ຈະສາມາດຍົກລະດັບຊີວິດການເປັນຢູ່ຂອງປະຊາຊົນບັນດາເຜົ່າໃຫ້ດີຂຶ້ນເລື້ອຍໆ, ປະເທດຊາດຈະກ້າວອອກຈາກສະຖານະພາບດ້ອຍພັດທະນາ ແລະ ກ້າວສູ່ຄວາມຈະເລີນຮຸ່ງ ເຮືອງສີວິໄລ ຕາມຈຸດໝາຍທີ່ພັກ-ລັດໄດ້ຕັ້ງເປົ້າໝາຍເອົາໄວ້.

news to day and hot news