POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 16 ຕຸລາ 2026

ຫວຽດນາມ-ກຳປູເຈຍ ເພີ່ມທະວີ ການສົມທົບກັນໃນວຽກງານກວດກາ
ເວລາອອກຂ່າວ: 2026-10-02 09:03:55 | ຜູ້ຂຽນ : admin1 | ຈຳນວນຄົນເຂົ້າຊົມ: 178 | ຄວາມນິຍົມ:

ຕາມຂ່າວ ກປ.ອອນໄລ, ຕອນບ່າຍວັນທີ 29 ກັນຍາ ຜ່ານມາ, ທ່ານ ເລມິງຮືງ ນາຍົກລັດ ຖະມົນຕີ ໄດ້ຕ້ອນຮັບທ່ານ Sok Soken ລັດຖະມົນຕີກະຊວງກວດກາ ກຳປູເຈຍ ພ້ອມດ້ວຍຄະ ນະຜູ້ແທນ ໄດ້ໄປຢ້ຽມຢາມ ແລະ ເຮັດວຽກຢູ່ ຫວຽດນາມ. ຕີລາຄາການຢ້ຽມຢາມຂອງຄະນະມີຄວາມໝາຍແທດຈິງ ເພື່ອໃຫ້ອົງການກວດກາຂອງສອງປະເທດແລກ ປ່ຽນບົດຮຽນ, ເປັນເອກະພາບຕໍ່ກຳນົດທິດ, ມາດຕະການ ເພື່ອຍົກສູງປະສິດທິຜົນການຮ່ວມມືລະຫວ່າງສອງອົງການໃນໄລຍະຈະມາເຖິງ, ປະກອບສ່ວນເຮັດໃຫ້ການພົວພັນອັນດີງາມລະຫວ່າງສອງປະເທດໃຫ້ເລິກເຊິ່ງຂຶ້ນຕື່ມ, ທ່ານ ເລມິງຮືງ ນາຍົກລັດຖະມົນຕີ ໄດ້ຮັບຮູ້ ແລະຕີລາຄາສູງຕໍ່ການສົມທົບກັນຢ່າງມີປະສິດທິຜົນ, ແທດຈິງລະຫວ່າງອົງການກວດກາລັດຖະບານຫວຽດນາມ ແລະ ກະຊວງກວດກາກຳປູເຈຍ ໃນໄລຍະຜ່ານມາ. ທ່ານ ເລມິງຮືງ ຢືນຢັນວ່າ:ລັດຖະບານຫວຽດນາມ ຍາມໃດກໍສະໜັບສະໜູນ ແລະ ສ້າງເງື່ອນໄຂສະດວກ ເພື່ອໃຫ້ບັນດາກະຊວງ, ຂະແໜງການຂອງສອງປະເທດ, ໃນນັ້ນ ມີສອງອົງການກວດກາຍູ້ແຮງການເຄື່ອນ ໄຫວຮ່ວມມືໃຫ້ຫຼາຍກວ່າອີກ, ຜ່ານນັ້ນປະກອບສ່ວນຍົກສູງປະສິດທິພາບ, ປະສິດທິຜົນການ ຄຸ້ມຄອງແຫ່ງລັດ, ກໍ່ສ້າງ ແລະ ປັບປຸງລະບອບລະບຽບການ, ກົດ ໝາຍໃຫ້ສົມບູນແບບ, ປ້ອງກັນ ແລະ ເຕືອນໄພການລະເມີດ, ຮັບໃຊ້ປະຊາຊົນ ແລະ ວິສາຫະກິດຢູ່ແຕ່ລະປະເທດ, ປະກອບສ່ວນຢ່າງແທດຈິງເຂົ້າໃນການປັບ ປຸງ ແລະ ພັດທະນາການພົວພັນ ຫວຽດນາມ-ກຳປູເຈຍ. ທ່ານ ເລມິງຮືງ ນາຍົກລັດຖະມົນຕີ ສະເໜີໃນໄລຍະຈະມາເຖິງ, ບົນພື້ນຖານເສີມຂະຫຍາຍໝາກຜົນທີ່ບັນລຸໄດ້, ອົງການກວດກາລັດຖະບານຫວຽດນາມ ແລະ ກະຊວງກວດກາກຳປູເຈຍ ຈະແລກປ່ຽນ, ສົມທົບກັນກວດ ກາຄືນ, ຕີລາຄາໝາກຜົນຢ່າງເປັນປະຈຳ ແລະ ຊຸກຍູ້ການຮ່ວມມືໃຫ້ຫຼາຍກວ່າເກົ່າ; ຮັກສາການແລກ ປ່ຽນຄະນະຜູ້ແທນທຸກຂັ້ນ, ເພີ່ມທະວີການແລກປ່ຽນ, ແບ່ງ ປັນບົດຮຽນ; ເພີ່ມທະວີການສົມ ທົບກັນໃນວຽກງານກວດກາຕໍ່ກັບຂົງເຂດທີ່ກ່ຽວຂ້ອງເຖິງການຮ່ວມມືດ້ານເສດຖະກິດ, ການຄ້າ, ການລົງທຶນລະຫວ່າງສອງປະເທດ, ໜູນຊ່ວຍບັນດາວິສາຫະກິດປະຕິບັດຕາມກົດໝາຍ ແລະ ປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງສອງຝ່າຍ; ຍູ້ແຮງການຮ່ວມມື ບຳລຸງ-ກໍ່ສ້າງ ແລະ ຍົກສູງກຳ ລັງຄວາມສາມາດໃຫ້ແກ່ຖັນແຖວພະນັກ ງານ; ຮ່ວມມືໝູນໃຊ້ເຕັກໂນໂລຊີດີຈີຕອນໃນຂົງເຂດກວດກາ. ທ່ານ Sok Soken ແຈ້ງໃຫ້ທ່ານນາຍົກລັດຖະມົນຕີຊາບ ກ່ຽວກັບໝາກຜົນການເຄື່ອນ ໄຫວຢ້ຽມຢາມໃນຄັ້ງນີ້, ໄດ້ຕີລາຄາສູງຜົນງານຂອງອົງການກວດກາລັດຖະບານຫວຽດນາມ ແລະ ສະແດງຄວາມຂອບໃຈຢ່າງເລິກເຊິ່ງຕໍ່ການເຄື່ອນໄຫວຮ່ວມມື, ໃຫ້ການໜູນຊ່ວຍຢ່າງມີປະສິດທິຜົນແກ່ກະຊວງກວດກາ ກຳປູເຈຍ ໃນໄລຍະຜ່ານມາ. ກະຊວງກວດກາກຳປູເຈຍ ຈະສືບຕໍ່ເພີ່ມທະວີການຮ່ວມມືກັບອົງ ການກວດກາລັດຖະບານຫວຽດ ນາມ, ພິເສດແມ່ນບັນດາເນື້ອໃນ, ຂົງເຂດທີ່ທ່ານນາຍົກລັດຖະມົນ ຕີ ໄດ້ມີຄຳເຫັນແລ້ວ. ທ່ານ Sok Soken ຫວັງວ່າ ທ່ານນາຍົກ ລັດຖະມົນຕີຈະສືບຕໍ່ສະໜັບ ສະໜູນເພື່ອໃຫ້ການຮ່ວມມືລະ ຫວ່າງສອງອົງການ ບັນລຸໄດ້ໝາກຜົນອັນໃຫຍ່ຫຼວງກວ່າອີກ ໃນໄລຍະຈະມາເຖິງ, ປະກອບ ສ່ວນຢ່າງຕັ້ງໜ້າເຂົ້າໃນໝາກ ຜົນການຮ່ວມມື ລະຫວ່າງສອງລັດຖະບານ ແລະ ການພົວພັນອັນດີງາມລະຫວ່າງສອງປະເທດ.

news to day and hot news