POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 16 ຕຸລາ 2026

ຮູ້ຈັກຈັອສ ຣັສເຊວ ໃຫ້ຫຼາຍຂຶ້ນໃນວົງການ F1
ເວລາອອກຂ່າວ: 2026-10-01 09:20:09 | ຜູ້ຂຽນ : admin1 | ຈຳນວນຄົນເຂົ້າຊົມ: 260 | ຄວາມນິຍົມ:

v ຈັອສ ຣັສເຊວ (George Russell) ອາຍຸ 28 ປີ ຄົນປະເທດອັງກິດ ຈາກທີມ ເມຊີເດັດ (Mercedes) ເປັນນັກກິລາຂັບລົດແຂ່ງລົດສູດໜຶ່ງ (Formula One - F1 Driver) ທີ່ມີຊື່ສຽງໂດ່ງດັງ ແລະ ຖືກຈັດໃຫ້ເປັນໜຶ່ງໃນຍອດນັກແຂ່ງແຖວໜ້າຂອງໂລກໃນຍຸກປັດຈຸບັນ. ຈຸດເລີ່ມຕົ້ນທຳອິດ ແມ່ນລິເລີ່ມຫຼິ້ນກິລາຂັບລົດໂກກາດ ຕັ້ງແຕ່ອາຍຸ 7 ປີ ແລະ ຄວ້າແຊັມປຽນເອີຣົບໄດ້ຫຼາຍລາຍການ ກ່ອນຈະຕາເຕົ້າຂຶ້ນສູ່ລຸ້ນຟໍມູລາຕ່າງໆ ເຊັ່ນ: ຄວ້າແຊັມປຽນ BRDC Formula 4 ໃນປີ 2014, ແຊັມປຽນ GP3 Series ໃນປີ 2017 ແລະ ແຊັມປຽນ FIA Formula 2 (F2) ໃນປີ 2018. ໃນເສັ້ນທາງໃນການແຂ່ງຂັນ Formula One (F1) ໄດ້ເລີ່ມຕົ້ນກັບທີມ ວິນລຽມສ໌ (Williams - ປີ 2019-2021) ເລີ່ມລົງແຂ່ງຂັນ F1 ຢ່າງເປັນທາງການຄັ້ງທຳອິດໃນປີ 2019 ເຖິງແມ່ນວ່າລົດຂອງທີມ Williams ຈະມີປະສິດທິພາບຕ່ຳ ແຕ່ຣັສເຊວມັກຈະສ້າງຜົນງານທີ່ໂດດເດັ່ນໃນຮອບຄັດເລືອກ ຈົນໄດ້ຮັບສາຍາວ່າ "Mr. Saturday" (ພໍ່ມົນດຳວັນເສົາ) ເຊິ່ງໃນປີ 2021 ລາວສາມາດພາທີມ Williams ຄວ້າໂພດຽມ (Podium) ໄດ້ຢ່າງບໍ່ຄາດຄິດ ຫຼັງຈາກການແຂ່ງຂັນຖືກຕັດສັ້ນລົງຍ້ອນຝົນຕົກໜັກ. ຕໍ່ມາລາວໄດ້ກ້າວຂຶ້ນສູ່ທີມໃຫຍ່ ເມຊີເດັສ ໃນປີ 2022 ຮອດປັດຈຸບັນ, ເຊິ່ງປີ 2022 ຖືກດຶງໂຕມາຮ່ວມທີມ Mercedes ເພື່ອຈັບຄູ່ກັບ ລູວິສ ເຮມິລຕັນ (Lewis Hamilton) ສາມາດຄວ້າແຊັມປຽນສະໜາມ F1 ໄດ້ເປັນຄັ້ງທຳອິດໃນຊີວິດ ໃນການແຂ່ງຂັນທີ່ປະເທດບຣາຊິນ. ສ່ວນວ່າຜົນງານໂດຍລວມຖືວ່າເປັນກຳລັງຫຼັກຂອງທີມ Mercedes ໄດ້ຢ່າງຕໍ່ເນື່ອງ ສາມາດຄວ້າແຊັມປຽນສະໜາມ ແລະ ຂຶ້ນໂພດຽມມາເລື້ອຍໆໃນແຕ່ລະລະດູການ ລວມເຖິງຜົນງານອັນໂດດເດັ່ນໃນລະດູການ 2024-2026 ທີ່ລາວສາມາດຂັບສູ້ກັບກຸ່ມນຳໄດ້ຢ່າງຄືກຄື້ນ ແລະ ເປັນໜຶ່ງໃນໂຕເຕັງລຸ້ນແຊັມປຽນໂລກ. ລ່າສຸດແມ່ນການແຂ່ງຂັນລົດສູດໜຶ່ງ ຟໍຣມູລ້າວັນ ສະໜາມທີ 15 ຂອງປີ ລາຍການ Azerbaijan Grand Prix ທີ່ສະໜາມ Baku City Circuit, ນະຄອນຫຼວງບາກູ ປະເທດອາແຊກໄບຊານ ໃນທ້າຍອາທິດຜ່ານມາ. ຜົນປະກົດວ່າ: ຈັອສ ຣັສເຊວ ຈາກທີມເມີຊີເດັສ ອອກຕົວເປັນຄົນທຳອິດ ແລະ ປະຄອງລົດຄູ່ໃຈເຂົ້າເສັ້ນໄຊເປັນຄົນທຳອິດ ດ້ວຍເວລາ 1 ຊົ່ວໂມງ 38 ນາທີ 02.143 ວິນາທີ ເອົາຊະນະ ແມັກ ເວີສະແຕັບເປິ້ນ ແຊັມໂລກ 4 ສະໄໝ ຄົນປະເທດໂຮນລັງ ຮອງແຊັມໂລກປີຜ່ານມາ ຈາກຄ້າຍ Red Bull Racing-Ford ພຽງສ້ຽວວິນາທີ 0.196 ວິນາທີ. ຈັອສ ຣັສເຊວ ໄດ້ແຊັມເປັນລາຍການທີ 3 ໃນປີນີ້ ຕໍ່ຈາກ ສະໜາມທຳອິດ Australian Grand Prix ແລະ ສະໜາມທີ 8 Austrian Grand Prix ແລະ ແຊັມເປັນສະໜາມທີ 8 ໃນອາຊີບ ພ້ອມກັບໄດ້ແຊັມລາຍການນີ້ຄັ້ງທຳອິດ ເຊິ່ງເປັນນັກກິລາຈາກປະເທດອັງກິດຄົນທີສອງ ທີ່ສາມາດພິຊິດແຊັມສະໜາມນີ້ ຕໍ່ຈາກ ລຸຍ ຮາມິນຕັນ ໃນປີ 2018. ຈັອສ ໄວສຸດໃນສະໜາມນີ້ ທັງຮອບຄັດເລືອກ ໄດ້ຕຳແໜ່ງໂພໂປຊີຊັ່ນ, ເຮັດເວລາຕໍ່ຮອບກໍໄວສຸດ. ສ່ວນ ທີ 3 ສະໜາມນີ້ເປັນຂອງ ອີຊັກ ແຮດຈ້າ ນັກຂັບຄົນຝຣັ່ງເຊື້ອສາຍອານເຊຣີ ຈາກທີມ Red Bull Racing-Ford ຕາມຫຼັງແຊັມ 10 ກວ່າວິນາທີ, ຂະນະທີ່ ແຊັມເກົ່າ ແລນໂດຣ ນໍຣຣິສ ຈາກຄ້າຍ McLaren-Mercedes ແຂ່ງບໍ່ຈົບ ລົດມີບັນຫາໃນຮອບທີ 35, ທາງດ້ານ ຄີມີ້ ອັນໂຕເນວລີ້ ດາວເດັ່ນ ອາຍຸ 19 ປີ ຈາກອີຕາລີ ຈາກທີມເມີຊີເດັສ ຜູ້ນຳຄະແນນລວມ ຈົບອັນດັບທີ 5 ຕາມຫຼັງ 14 ກວ່າວິນາທີ, ສ່ວນວ່າ ລຸຍ ຮາມິນຕັນ ແຊັມໂລກ 7 ສະໄໝ ຈາກທີມເຟີຣາຣີ ຈົບທີ 6, ຊາວ ເລັກເລີ ຊາວໂມນາໂຄ ເພື່ອນຮ່ວມທີມ ຈົບທີ 4. ໃນນີ້ ເຟີນັນໂດ ອາລອນໂຊ້ ແຊັມໂລກ 2 ສະໄໝ ຄົນປະເທດແອັສປາຍ ຈາກທີມ Aston Martin Aramco-Honda ແຂ່ງບໍ່ຈົບ ລົດມີບັນຫາໃນຮອບທີ 20. ສະຫຼຸບຄະແນນນັກຂັບຜ່ານໄປ 15 ສະໜາມ ຜູ້ນຳຍັງຄົງແມ່ນ ຄີມີ້ ອັນໂຕເນວລີ້ ມີ 302 ຄະແນນ, ທີສອງ ຈັອສ ຣັສເຊວ ມີ 236 ຄະແນນ, ທີ 3 ລຸຍ ຮາມິນຕັນ ມີ 199 ຄະແນນ, ສ່ວນ ແຊັມເກົ່າ ແລນໂດຣ ນໍຣຣິສ ຢູ່ທີ 4 ມີ 186 ຄະແນນ. ສະຫຼຸບຄະແນນທີມຜູ້ສ້າງ ຜູ້ນຳແມ່ນ ເມີຊີເດັສ ມີ 538 ຄະແນນ, ທີສອງ ເຟີຣາຣີ້ 378 ຄະແນນ, ທີສາມ ເມັກຄາເຣນ-ເມີຊີເດັຊ ມີ 306 ຄະແນນ. ໃນສະໜາມຕໍ່ໄປ ສະໜາມທີ 16 ລາຍການ Bahrain Grand Prix ແຕ່ໄປແຂ່ງທີ່ສະໜາມ Sepang International Circuit, ເມືອງເຊປັງ ປະເທດມາເລເຊຍ ຈະແຂ່ງຂັນວັນທີ 4 ຕຸລາ 2026 ນີ້.

news to day and hot news