ວັນສຸກ, ວັນທີ 16 ຕຸລາ 2026
ທີມກະຕໍ້ສາວລາວ ມີຫຼຽນທອງຄ້ອງຄໍແລ້ວ ໃນເອຊຽນເກມ ຄັ້ງທີ 20
ເວລາອອກຂ່າວ: 2026-09-29 09:05:52 | ຜູ້ຂຽນ : admin1 | ຈຳນວນຄົນເຂົ້າຊົມ: 203 | ຄວາມນິຍົມ: 
ນັກກິລາກະຕໍ້ຍິງລາວລົງຮ່ວມການແຂ່ງຂັນໃນນາມ ທີມຊາດລາວ ໂດຍໄດ້ສ້າງຜົນງານຢ່າງຫຼາຍຫຼາຍເປັນທີ່ປະຈັກຕາໃນຜ່ານມາ ດ້ວຍການຍາດໄດ້ຫຼຽນປະຫວັດສາດ ເຊັ່ນ: ຫຼຽນທອງຈາກປະເພດທີມ 4 ຄົນ ໃນງານມະຫະກຳກິລາເອຊຽນເກມ ທີ່ຜ່ານມາໃນປີ 2022 ທີ່ເມືອງຫາງໂຈ ປະເທດຈີນ ລວມທັງການຍາດຫຼຽນລາງວັນໃນເວທີລະດັບພາກພື້ນ ແລະ ເກມສາກົນອື່ນໆຢ່າງຕໍ່ເນື່ອງ. ເຊິ່ງໃນເອຊຽນເກມ 2026 ສຳລັບການແຂ່ງຂັນທີ່ເມືອງນາໂກຢາ ປະເທດຍີ່ປຸ່ນປີນີ້, ທັບນັກກິລາກະຕໍ້ຍິງລາວ ກໍໄດ້ກະກຽມຄວາມພ້ອມຢ່າງຕັ້ງໜ້າ ເພື່ອສູ້ຊົນຍາດຜົນງານກັບປະເທດຕ່າງໆໃນອາຊີ ເຊັ່ນ: ໄທ, ຫວຽດນາມ, ມຽນມາ, ເກົາຫຼີໃຕ້ ແລະ ເຈົ້າພາບຍີ່ປຸ່ນ ດ້ວຍຄວາມມຸ່ງຫວັງທີ່ຈະສ້າງຊື່ສຽງ ແລະ ຍາດຫຼຽນລາງວັນມາຝາກແຟນກິລາຊາວລາວທົ່ວປະເທດ.
ນັກກິລາກະຕໍ້ຍິງທີມຊາດລາວ ຫຼັງຈາກທີ່ໄດ້ເຂົ້າຮ່ວມການແຂ່ງຂັນ ໃນເອຊຽນເກມ ຄັ້ງທີ 20 ລົງແຂ່ງຂັນປະເດີມສະໜາມໃນປະເພດຍິງຄູ່ ສາມາດຍາດເອົາຊະນະໄດ້ທັງ ທີມຫວຽດນາມ ແລະ ທີມມາເລເຊຍ ຢ່າງງົດງາມ ສາມາດທະລຸເຂົ້າຮອບຮອງຊະນະເລີດ ຫຼື ຮອບ 4 ທີມ ໄດ້ສຳເລັດ ເຊິ່ງໝາຍຄວາມວ່າ ຕ້ອງມີຫຼຽນທອງຄອງຄໍໄວ້ແລ້ວເປັນຢ່າງໜ້ອຍ. ໃນການແຂ່ງຂັນກະຕໍ້ ປະເພດທີມຄູ່ຍິງ ໃນເອຊຽນເກມ ຄັ້ງທີ 20 ໄດ້ເປີດສາກຂຶ້ນ ໃນມຶ້ນີ້ 27 ກັນຍາ 2026 ເຊິ່ງທີມກະຕໍ້ທີມຊາດລາວ ສາມາດເກັບໄຊຊະນະໄດ້ທັງ 2 ນັດຕິດຕໍ່ກັນ ໃນຮອບແບ່ງກຸ່ມ. ເຊິ່ງກຸ່ມ ເອ ໂດຍໃນນັດທຳອິດ ທີມຊາດລາວ ຊະນະ ທີມຊາດຫວຽດນາມ ໄປຢ່າງວຸດຫວິດ 2 ຕໍ່ 1 ເຊັດ ດ້ວຍຄະແນນ 12-15, 15-10 ແລະ 15-9. ຈາກນັ້ນ, ໃນນັດທີສອງ ສາວລາວຍິ່ງມີຄວາມໝັ້ນໃຈ ສາມາດເອົາຊະນະ ສາວມາເລເຊຍ ໄປຂາດຮອຍ 2 ຕໍ່ 0 ເຊັດ 15-12 ແລະ 15-7.
ຈາກຜົນຊະນະທັງສອງນັດ ເຮັດໃຫ້ທີມຊາດລາວ ຂຶ້ນນຳເປັນ ອັນດັບໜຶ່ງຂອງກຸ່ມເອ ຊົ່ວຄາວທັນທີ ແລະ ສາມາດຜ່ານເຂົ້າຮອບຮອງຊະນະເລີດ ຫຼື 4 ທີມສຸດທ້າຍ ເປັນທີ່ຮຽບຮ້ອຍ ພ້ອມທັງມີຫຼຽນທອງຄອງຄໍເປັນທີ່ແນ່ນອນແລ້ວ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
