ວັນສຸກ, ວັນທີ 16 ຕຸລາ 2026
ຄະນະນຳ, ຄູເຝິກ ແລະ ນັກກິລາ ທີມຊາດລາວ ຊຸດໃຫຍ່ ເດີນທາງເຂົ້າຮ່ວມແຂ່ງຂັນ ຟີຟາ ອາຊຽນ ຄັບ 2026
ເວລາອອກຂ່າວ: 2026-09-23 09:00:35 | ຜູ້ຂຽນ : admin1 | ຈຳນວນຄົນເຂົ້າຊົມ: 269 | ຄວາມນິຍົມ: 
ຄະນະນຳ, ຄະນະຄູເຝິກ ແລະ ນັກກິລາ ທີມຊາດລາວ ຊຸດໃຫຍ່ ອອກເດີນທາງໄປທີ່ ເຂດປົກຄອງພິເສດ ຮົງກົງ ສປ ຈີນ ເພື່ອເຂົ້າຮ່ວມການແຂ່ງຂັນ ລາຍການ ຟີຟາ ອາຊຽນ ຄັບ 2026 (FIFA ASEAN Cup 2026). ເຊິ່ງການແຂ່ງຂັນ ລາຍການ ຟີຟາ ອາຊຽນ ຄັບ 2026 (FIFA ASEAN Cup 2026) ທີ່ຈະເລີ່ມເປີດສາກຂຶ້ນຢ່າງເປັນທາງການ ລະຫວ່າງວັນທີ 24 ກັນຍາ ຫາ ວັນທີ 3 ຕຸລາ 2026, ໃນການແຂ່ງຂັນ ໄດ້ຖືກແບ່ງອອກເປັນ 2 ລະດັບດິວິຊັນ (Division) ໂດຍມີລາຍລະອຽດດັ່ງນີ້: Division 1: ຈັດຂຶ້ນທີ່ ປະ
ເທດອິນໂດເນເຊຍ ປະກອບມີ: ອິນໂດເນເຊຍ (ເຈົ້າພາບ), ໄທ, ຫວຽດນາມ, ຟິລິບປິນ, ມາເລເຊຍ, ສິງກະໂປ, ບັງກະລາເທດ ແລະ ປາກິດສະຖານ, Division 2: ຈັດຂຶ້ນທີ່ ເຂດປົກຄອງພິເສດຮົງກົງ ສປ ຈີນ ປະກອບມີ: ຮົງກົງ (ເຈົ້າພາບ) , ມຽນມາ, ລາວ, ກຳປູເຈຍ, ບຣູໄນ ແລະ ຕີມໍເລສເຕ.
ທີມຊາດລາວຖືກຈັດຢູ່ໃນ ກຸ່ມ ເອ (Group A) Division 2 ຮ່ວມກັບ ຮົງກົງ (ເຈົ້າພາບ) ແລະ ບຣູໄນ, ສ່ວນກຸ່ມ ບີ ( Group B ) ມີ: ມຽນມາ, ກຳປູເຈຍ ແລະ ຕີມໍ ເລສເຕ. ທີມໄດ້ອັນດັບ 1 ກຸ່ມ ເອ ແລະ ບີ ຈະໄດ້ຜ່ານເຂົ້າສູ່ຮອບຊີງຊະນະເລີດ.
ຕາຕະລາງການແຂ່ງຂັນຂອງ ທີມຊາດລາວມີຄື: ວັນທີ 24 ກັນຍາ 2026 ເວລາ 16:00 ໂມງ ບຣູໄນ ພົບກັບ ລາວ, ແຂ່ງຂັນຢູ່ທີ່ສະໜາມກິລາ Mong Kok Stadium ແລະ ວັນທີ 27 ກັນຍາ 2026 ເວລາ 14:00 ໂມງ ຮົງກົງ ພົບກັບ ລາວ, ຈະແຂ່ງຂັນຢູ່ທີ່ສະໜາມກິລາ Kai Tak Stadium.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
