ວັນຈັນ, ວັນທີ 12 ຕຸລາ 2026
ກອງປະຊຸມ ສະຫຼຸບວຽກງານປະກັນສັງຄົມ ທົ່ວກົມໃຫຍ່ເຕັກນິກກອງທັບ ປະຈຳ 6 ເດືອນຕົ້ນປີ
ເວລາອອກຂ່າວ: 2026-09-17 10:14:16 | ຜູ້ຂຽນ : admin1 | ຈຳນວນຄົນເຂົ້າຊົມ: 102 | ຄວາມນິຍົມ: 
ວັນທີ 10 ກັນຍາ 2026 ນີ້, ພະແນກປະກັນສັງຄົມ ຫ້ອງການເມືອງ ກົມໃຫຍ່ເຕັກນິກກອງທັບ ໄດ້ຈັດກອງປະຊຸມ ສະຫຼຸບວຽກງານປະກັນສັງຄົມ ປະ
ຈຳ 6 ເດືອນຕົ້ນປີ ແລະ ທິດທາງແຜນການທ້າຍປີ 2026 ໂດຍການເປັນປະທານຂອງ ສະຫາຍ ພັນເອກ ວຽງທອງ ພັດທະສິດ ຄະນະພັກອົງການກົມໃຫຍ່ ຫົວໜ້າຫ້ອງການເມືອງ ກົມໃຫຍ່ເຕັກນິກກອງທັບ, ມີຄະນະກົມ, ຄະນະຫ້ອງ, ຄະນະພັກ-ຄະນະບັນຊາກົມກອງຮາກຖານ, ພະແນກການທີ່ກ່ຽວຂ້ອງເຂົ້າຮ່ວມ.
ສະຫາຍ ພັນໂທ ທົງໄຊ ກິນນະວົງ ຫົວໜ້າພະແນກປະກັນສັງຄົມ ກົມໃຫຍ່ເຕັກນິກກອງທັບ ໄດ້ຂຶ້ນຜ່ານບົດສະຫຼຸບ ການຈັດຕັ້ງປະຕິບັດວຽກງານປະກັນສັງຄົມ ປະຈຳ 6 ເດືອນຕົ້ນປີ 2026 ແລະ ວາງທິດທາງແຜນການປະຈຳ 6 ເດືອນທ້າຍປີ 2026ເຊິ່ງໃນແຕ່ລະໄລຍະກໍໄດ້ຈັດຕັ້ງປະຕິບັດຕາມແຜນການເປັນຕົ້ນການເກັບກຳ ແລະ ຂຶ້ນທະບຽນສະມາຊິກປະກັນສັງຄົມເພື່ອອອກບັດໃຫ້ ເປັນເຈົ້າການໃນສະມາຊິກປະກັນສັງຄົມເພື່ອເປັນບ່ອນອີງໃນການຂໍຮັບອຸດໜູນປະເພດຕ່າງໆ, ການຈັດຕັ້ງປະຕິບັດເຜີຍແຜ່ບັນດາ ຄຳສັ່ງແນະນຳ, ຂໍ້ກຳ
ນົດ, ນິຕິກຳທີ່ກ່ຽວຂ້ອງກັບວຽກງານປະກັນສັງຄົມໃຫ້ນາຍ ແລະພົນທະຫານ ທີ່ຂຶ້ນກັບກົມໃຫຍ່ເຕັກນິກກອງທັບ ໃຫ້ຮັບຮູ້ຢ່າງທົ່ວເຖິງ, ຈາກນັ້ນ ບັນດາພະ
ແນກການ ແລະ ຂະແໜງປະກັນສັງຄົມທີ່ເຂົ້າຮ່ວມກອງປະຊຸມກໍໄດ້ຂຶ້ນລາຍງານຫຍໍ້ໃນການຈັດຕັ້ງປະຕິບັດວຽກງານປະກັນສັງຄົມໃນໄລຍະຜ່ານມາ ສະເໜີໃຫ້ເຫັນທັງ ຂໍ້ສະດວກ, ຂໍ້ຫຍຸ້ງຍາກ ແລະ ບົດຮຽນທີ່ຖອດຖອນໄດ້ໃຫ້ກັນ ແລະ ກັນໄດ້ຮັບຊາບ, ພ້ອມດຽວກັນນັ້ນບັນດາສະຫາຍທີ່ເຮັດວຽກງານປະກັນສັງຄົມ ຂອງແຕ່ລະກົມກອງກໍໄດ້ຜັດປ່ຽນກັນຂຶ້ນປະກອບຄຳຄິດເຫັນເພື່ອຖອດຖອນບົດຮຽນ ແລະ ແລກປ່ຽນບັນຫາຕ່າງໆໃນບາງຈຸດ ທີ່ຍັງບໍ່ທັນເຊື່ອມ
ຊຶມຢ່າງຈະແຈ້ງ ເພື່ອພ້ອມກັນນຳໄປປັບປຸງແກ້ໄຂໃນຕໍ່ໜ້າໃຫ້ດີຂຶ້ນ.ໂດຍ: ຄຳສອນ ພົມໄຊຍາ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
