ວັນອັງຄານ, ວັນທີ 13 ຕຸລາ 2026
ໂຮງໝໍສູນກາງ 103 ກອງທັບ ມອບເງິນອຸດໜູນບຳນານໃຫ້ນາຍທະຫານຂອງຕົນ
ເວລາອອກຂ່າວ: 2026-09-16 15:35:35 | ຜູ້ຂຽນ : admin1 | ຈຳນວນຄົນເຂົ້າຊົມ: 132 | ຄວາມນິຍົມ: 
ວັນທີ 10 ກັນຍາ 2026 ນີ້, ໂຮງໝໍສູນກາງ 103 ກອງທັບ ໄດ້ຈັດພິທີມອບເງິນອຸດໜູນບຳ ນານ ໃຫ້ນາຍທະຫານຢູ່ພາຍໃນກົມກອງຂອງຕົນ, ໂດຍການເປັນປະທານ ຂອງສະຫາຍ ພັນເອກ ດຣ ພູໂຂງ ແພງຄຳກີບ ຮອງຫົວ ໜ້າການເມືອງ, ຫົວໜ້າຫ້ອງການເມືອງໂຮງໝໍສູນກາງ 103 ກອງທັບ, ມີຄະນະພັກ-ຄະນະຫ້ອງ 5 ຫ້ອງ, ພະແນກການ ແລະ ພະນັກງານຜູ້ທີ່ພັກການຮັບບຳນານ ເຂົ້າຮ່ວມ.
ສະຫາຍ ພັນໂທ ນາງສຸດສາຄອນ ສີຊົມມະລາດ ຫົວໜ້າພະແນກພະນັກງານຫ້ອງການເມືອງໂຮງໝໍສູນກາງ 103 ກອງທັບ ໄດ້ຜ່ານຂໍ້ຕົກລົງ ຂອງກະຊວງປ້ອງກັນປະເທດ ວ່າດ້ວຍການອະນຸມັດ ໃຫ້ນາຍທະຫານຢູ່ໂຮງ ໝໍສູນກາງ 103 ກອງທັບ ພັກການເຂົ້າຮັບເບ້ຍບຳນານ ມີຈຳ ນວນ 13 ສະຫາຍ ຄື: ຊັ້ນພັນໂທ 6 ສະຫາຍ, ຊັ້ນພັນຕີ 6 ສະຫາຍ ແລະ ຊັ້ນ ຮ້ອຍເອກ 1 ສະຫາຍ.
ໂອກາດນີ້, ສະຫາຍ ພັນເອກ ດຣ ພູໂຂງ ແພງຄຳກີບ ໄດ້ຂຶ້ນມອບຂໍ້ຕົກລົງຂອງຂັ້ນເທິງໃຫ້ພະນັກງານບຳນານ, ພ້ອມທັງ ກ່າວສະແດງຄວາມຮູ້ບຸນຄຸນຕໍ່ອະດີດພະນັກງານນາຍທະຫານໂຮງໝໍສູນກາງ 103 ກອງທັບ ທີ່ໄດ້ເຮັດສຳເລັດໜ້າທີ່ການເມືອງອັນມີກຽດຂອງຕົນ ແລະ ສຸມສະ ຕິປັນຍາ ເຫື່ອແຮງເຂົ້າໃນພາ ລະກິດປົກປັກຮັກສາ ແລະ ສ້າງ ສາພັດທະນາປະເທດຊາດໃນ ໄລຍະທີ່ຜ່ານມາ ແລະ ຮຽກຮ້ອງ ໃຫ້ຮັກສາມູນເຊື້ອ, ຄຸນງາມ ຄວາມດີຂອງຕົນ, ເປັນແບບຢ່າງທີ່ດີ ໃນການປະຕິບັດແນວທາງນະໂຍບາຍຂອງພັກ ກໍຄືຂໍ້ກຳນົດກົດລະບຽບຂອງລັດວາງອອກ ໃຫ້ຖືກຕ້ອງ, ມີຄວາມສາມັກຄີກັບອຳນາດການປົກຄອງທ້ອງ ຖິ່ນ, ສືບຕໍ່ສຶກສາອົບຮົມລູກຫຼານໃຫ້ເປັນຄົນຮູ້ຜູ້ດີ ແລະ ເປັນຜູ້ສືບທອດອັນດີງາມ.
ໂດຍ: ໂຄສະນາ103, ອານຸສັກ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
