ວັນອັງຄານ, ວັນທີ 13 ຕຸລາ 2026
ເປີດຊຸດເຝິກອົບຮົມວຽກງານຕ້ານ ແລະ ສະກັດກັ້ນອັກຄີໄພ
ເວລາອອກຂ່າວ: 2026-09-16 15:05:58 | ຜູ້ຂຽນ : admin1 | ຈຳນວນຄົນເຂົ້າຊົມ: 142 | ຄວາມນິຍົມ: 
ວັນທີ 9 ກັນຍາ 2026 ນີ້, ຢູ່ທີ່ ກອງພັນໃຫຍ່ 643 ໄດ້ເປີດຊຸດເຝິກອົບຮົມວຽກງານສະກັດກັ້ນ ແລະ ຕ້ານອັກຄີໄພ ໃຫ້ພະ ນັກງານ-ນັກຮົບ, ໂດຍການເປັນປະທານ ຂອງ ສະຫາຍ ພັນໂທ ຈິດຕະສອນ ພັນທະວົງ ຮອງຫົວໜ້້າກົມຕຳຫຼວດ ສະກັດກັ້ນ ແລະ ຕ້ານອັກຄີໄພ ກະຊວງປ້ອງກັນ ຄວາມສະຫງົບ, ມີ ສະຫາຍ ພັນ ໂທ ຖາວອນ ແສງສະທອງ ຫົວ ໜ້າພະແນກການເມືອງ ກອງພັນໃຫຍ່ 643, ສະຫາຍ ພັນໂທ ຈັນທອງຫວ່າງ ຫົວໜ້າພະແນກ ສະ
ກັດກັ້ນ ແລະ ຕ້ານອັກຄີໄພ ກອງບັນຊາການ ປກສ ແຂວງຊຽງຂວາງ, ມີ ທ່ານ ສີໄວ ຄຳພຸດທະວົງ ບໍລິສັດ ລາວດັບເພີງ ປະຈຳແຂວງຊຽງຂວາງ ພ້ອມດ້ວຍຄູເຝິກ ແລະ ພະນັກງານ-ນັກຮົບ ເຂົ້າຮ່ວມ.
ຈຸດປະສົງການເຝິກອົບຮົມ ເພື່ອເຮັດໃຫ້ພະນັກງານ-ນັກຮົບ ໄດ້ຮັບຮູ້ ແລະ ເຂົ້າໃຈກຽ່ວກັບຄວາມຮູ້ພື້ນຖານທາງດ້ານທິດສະດີ ແລະ ພຶດຕິກຳຕົວຈິງ ໃນການສະກັດກັ້ນ ແລະ ຕ້ານອັກຄີໄພ ເປັນຕົ້ນ ວິທີປ້ອງກັນຄວາມສ່ຽງຕ່າງໆ, ການແຈ້ງເຕືອນ, ເຕັກນິກການມອດໄຟທີ່ຖືກວິທີ ແລະ ການນຳໃຊ້ອຸປະກອນແຕ່ລະຊະນິດໃນການມອດໄຟ, ການບຳລຸງຮັກສາອຸປະກອນມອດໄຟ, ການປະເມີນສະຖານະການ ກ່ອນເຂົ້າຄວມຄຸມສະຖານະການ, ການຊ່ວຍຕົນເອງ ແລະ ຄົນອື່ນ ອອກຈາກສະຖານທີ່ເກີດອັກຄີໄພ. ຈາກນັ້ນ, ຄູເຝິກ ແລະ ພະນັກ
ງານ-ນັກຮົບ ທີ່ເຂົ້າຮ່ວມເຝິກອົບຮົມ ໄດ້ສາທິດປະຕິບັດຕົວຈິງ ກ່ຽວກັບວິທີການມອດໄຟຈາກການຮົ່ວໄຫຼ ຂອງເຕົາແກັດ, ວິທີມອດໄຟ ໂດຍໃຊ້ບັ້ງດັບເພີງ ແລະ
ວິທີມອດໄຟຈາກອຸປະກອນອື່ນໆ ຕື່ມອີກ. ທັງນີ້ເພື່ອເຮັດໃຫ້ພະນັກ
ງານ-ນັກຮົບ ສາມາດແກ້ໄຂກໍລະນີສຸກເສີນຈາກອັກຄີໄພ ໄດ້ຢ່າງທັນການ ແລະ ມີປະສິດຜົນສູງ.
ໂດຍ: ພູວອນ ໄຊຍະແສງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
