ວັນສຸກ, ວັນທີ 16 ຕຸລາ 2026
ເອົາໃຈໃສ່ວຽກງານເຕັກນິກ ແກ້ໄຂບັນຫາ ພາຫະນະເປ່ເພ ຢ່າງທັນການ ໃນບັ້ນເຝິກຊ້ອມ ຂະບວນລົດໄຟສັນຕິພາບ-2026
ເວລາອອກຂ່າວ: 2026-09-16 10:42:57 | ຜູ້ຂຽນ : admin1 | ຈຳນວນຄົນເຂົ້າຊົມ: 145 | ຄວາມນິຍົມ: 
ສະຫາຍ ພັນເອກ ວິລະວອນ ບຸນທະວົງ ຮອງຫົວໜ້າກົມເສນາເຕັກນິກ ກົມໃຫຍ່ພະລາທິການກອງທັບ, ຫົວໜ້າອະນຸກຳມະ ການເຕັກນິກ ບັ້ນເຝິກຊ້ອມຮ່ວມ ກອງທັບ ລາວ-ຈີນ ພາຍໃຕ້ລະ ຫັດ “ຂະບວນລົດໄຟສັນຕິພາບ- 2026” ໃຫ້ສຳພາດວ່າ: ພາຍ ຫຼັງໄດ້ຮັບຄຳສັ່ງຈາກຂັ້ນເທິງ, ອະນຸກຳມະການເຕັກນິກໄດ້ຮີບຮ້ອນເຊື່ອມຊຶມ ແລະ ວາງແຜນຈັດຕັ້ງປະຕິບັດ ໂດຍເລີ່ມເຂົ້າຍຶດສະໜາມແຕ່ວັນທີ 5 ກັນຍາ 2026. ຈາກນັ້ນ ໄດ້ຈັດຕັ້ງພາກສະໜາມ ແລະ ມອບໝາຍໜ້າທີ່ໃຫ້ແຕ່ລະພາກສ່ວນຮັບຜິດຊອບ ເພື່ອຮັບປະກັນວຽກງານເຕັກນິກ ມີຄວາມພ້ອມ ແລະ ສາມາດຮັບ ປະກັນການເຝິກຊ້ອມໄດ້ຢ່າງມີປະສິດທິພາບ ເຊິ່ງໃນການຈັດກຳລັງພາກສະໜາມປະກອບມີ: ໜ່ວຍງານສ້ອມແປງ ສຳລັບກວດກາ ແລະ ແກ້ໄຂພາຫະນະ, ເຄື່ອງຈັກ ແລະ ອຸປະກອນທີ່ໃຊ້ໃນການເຝິກຊ້ອມ; ມີລົດດັບເພີງດ່ວນ ເພື່ອກຽມພ້ອມຮັບມືກັບເຫດອັກຄີໄພ ແລະ ນຳໃຊ້ເຄື່ອງຈັກຍົກຍໍໜັກ ເພື່ອສະໜັບສະໜູນວຽກງານທີ່ຈຳເປັນຢູ່ພາກສະ ໜາມ.
ສຳລັບການປະຕິບັດໜ້າທີ່ມີ ທັງຂໍ້ສະດວກ ແລະ ຂໍ້ຫຍຸ້ງຍາກ. ໃນນັ້ນແມ່ນພາຫະນະບາງຄັນທີ່ນຳມາໃຊ້ໃນການເຝິກຊ້ອມມີອາຍຸການນຳໃຊ້ມາດົນ, ຈຶ່ງອາດເກີດການຂັດຂ້ອງ ຫຼື ເປ່ເພໄດ້ໃນ ລະຫວ່າງປະຕິບັດງານຢູ່ພາກສະໜາມ ແຕ່ດ້ວຍປະສົບການ ແລະ ການກະກຽມຄວາມພ້ອມ ຂອງພະນັກງານເຕັກນິກ ແລະ ການຈັດກຳລັງຮັບປະກັນ, ເມື່ອເກີດບັນຫາ ກໍສາມາດກວດກາ ແລະ ແກ້ໄຂໄດ້ຢ່າງທັນການ.
ສະຫາຍ ພັນເອກ ວິລະວອນ ບຸນທະວົງ ໃຫ້ສຳພາດຕື່ມວ່າ: ເຖິງຈະມີຂໍ້ຫຍຸ້ງຍາກຈາກສະ ພາບພາຫະນະ ແລະ ອຸປະກອນ, ແຕ່ດ້ວຍຄວາມຮັບຜິດຊອບສູງ ແລະ ເປັນເຈົ້າການຂອງພະນັກ ງານເຕັກນິກ ຈຶ່ງສາມາດແກ້ໄຂ ໄດ້ຢ່າງທັນການ ເພື່ອປະກອບ ສ່ວນຮັບປະກັນໃຫ້ບັ້ນເຝິກຊ້ອມ “ຂະບວນລົດໄຟສັນຕິພາບ- 2026” ສຳເລັດຢ່າງຈົບງາມ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
