ວັນສຸກ, ວັນທີ 16 ຕຸລາ 2026
ຍົກສູງການເຝິກຊ້ອມ ທັງຮຽນຮູ້ເຄື່ອງມືທັນສະໄໝ ເພື່ອວຽກງານກອບກູ້ຜູ້ປະສົບໄພ
ເວລາອອກຂ່າວ: 2026-09-15 09:20:54 | ຜູ້ຂຽນ : admin1 | ຈຳນວນຄົນເຂົ້າຊົມ: 141 | ຄວາມນິຍົມ: 
ສະຫາຍ ຮ້ອຍໂທ ຄຳຫຼ້າ ບົວລະພາ ນັກສຶກສາປະລິນຍາຕີ ປີທີ 6 ວິທະຍາຄານການແພດກອງທັບ ໄດ້ເຂົ້າຮ່ວມການເຝິກຊ້ອມຮ່ວມ ກອງທັບລາວ-ຈີນ ໃນພາລະກິດດ້ານມະ ນຸດສະທຳ ແລະ ການບໍລິການດ້ານການແພດ ໃຫ້ສຳພາດວ່າ: ການເຂົ້າຮ່ວມເຝິກຊ້ອມໃນຄັ້ງນີ້ ນອກຈາກເປັນໂອກາດໃນການນຳເອົາຄວາມຮູ້ຈາກບົດຮຽນມາທົດສອບໃນສະພາບການເຝິກຊ້ອມຕົວຈິງແລ້ວ ຍັງເປັນບົດຮຽນສຳຄັນໃນການກະກຽມຄວາມພ້ອມ ໃຫ້ສາມາດປະຕິບັດພາລະກິດຊ່ວຍເຫຼືອປະຊາຊົນເມື່ອເກີດເຫດສຸກເສີນ ຫຼື ໄພພິ ບັດ.
ສຳລັບການເຝິກຊ້ອມໃນສະ ຖານະການສຸກເສີນນີ້ ເນື້ອໃນສຳຄັນແມ່ນການກອບກູ້ຄົ້ນຫາ ແລະ ຊ່ວຍເຫຼືອຜູ້ປະສົບໄພ ໂດຍເນັ້ນການກະກຽມກຳລັງພົນ, ອຸ ປະກອນ, ພາຫະນະ ແລະ ວິທີການປະສານງານໃຫ້ມີຄວາມພ້ອມ ໃນຂັ້ນຕອນນີ້ຖືເປັນບົດ ຮຽນພື້ນຖານທີ່ສຳຄັນ ເພາະການກອບກູ້ຜູ້ປະສົບໄພຕ້ອງອາໄສ ທັງຄວາມຮູ້ວິຊາການ, ມີລະບຽບວິໄນ, ຄວາມສາມັກຄີ ແລະ ການຮ່ວມມືເປັນທີມ.
ການເຝິກຊ້ອມຍັງເນັ້ນໜັກ ໃຫ້ກຳລັງພົນຮູ້ຈັກການນຳໃຊ້ອຸ ປະກອນ ແລະ ເຄື່ອງມືທັນສະໄໝ ທີ່ຄະນະຄູເຝິກແພດກອງທັບ ສປ ຈີນ ນຳມາແນະນຳ ແລະ ຖ່າຍທອດບົດຮຽນ. ສິ່ງນີ້ຊ່ວຍເສີມສ້າງຄວາມຮູ້, ທັກສະ ແລະ ຄວາມຊຳນານໃນການປະສານງານ ລະຫວ່າງກຳລັງແພດຂອງສອງກອງທັບ.
ສະຫາຍ ຮ້ອຍໂທ ຄຳຫຼ້າ ບົວລະພາ ໄດ້ສະແດງຄວາມຮູ້ ສຶກວ່າ: ບົດຮຽນຈາກການເຝິກ ຊ້ອມຄັ້ງນີ້ ຈະເປັນທຶນຄວາມຮູ້ທີ່ສຳຄັນໃນການປະຕິບັດໜ້າທີ່ຕົວຈິງ. ພ້ອມກັນນັ້ນ, ການເຝິກຊ້ອມຮ່ວມກອງທັບ ລາວ-ຈີນ ຍັງເປັນສະໜາມເຝິກຊ້ອມແລກປ່ຽນປະສົບການ ແລະ ຍົກສູງຄວາມພ້ອມຮ່ວມກັນ ໃນການຮັບມືກັບພາລະກິດມະນຸດສະທຳ ແລະ ຊ່ວຍເຫຼືອປະຊາຊົນ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
