ວັນອັງຄານ, ວັນທີ 13 ຕຸລາ 2026
ພະແນກສະຫະພັນແມ່ຍິງ ກອງບັນຊາການທະຫານແຂວງໄຊສົມບູນ ເປີດກອງປະຊຸມສະຫຼຸບການຈັດຕັ້ງປະຕິບັດຂໍ້ແຂ່ງຂັນ 3 ດີ
ເວລາອອກຂ່າວ: 2026-09-15 09:14:49 | ຜູ້ຂຽນ : admin1 | ຈຳນວນຄົນເຂົ້າຊົມ: 139 | ຄວາມນິຍົມ: 
ໃນວັນທີ 9 ກັນຍາ 2026 ນີ້, ພະແນກສະຫະພັນແມ່ຍິງ ກອງ ບັນຊາການທະຫານແຂວງໄຊສົມບູນ ໄດ້ເປີດກອງປະຊຸມ ສະຫຼຸບການຈັດຕັ້ງປະຕິບັດຂໍ້ແຂ່ງຂັນ 3 ດີ ປະຈຳປີ 2026 ແລະ ທິດທາງແຜນການ ປະຈຳປີ 2027 ຂຶ້ນ ໂດຍການເຂົ້າຮ່ວມເປັນປະທານຂອງສະຫາຍ ພັນເອກ ສຸດໃຈ ເຈີບົວແພງ ຫົວໜ້າຫ້ອງການເມືອງ ກອງບັນຊາການທະຫານແຂວງໄຊສົມບູນ, ສະຫາຍ ພັນໂທ ນາງ ສົມພອນ ສີບຸນເຮືອງ ຫົວໜ້າພະແນກສະຫະພັນແມ່ຍິງ ກອງບັນ ຊາການທະຫານແຂວງໄຊສົມ ບູນ, ມີຄະນະໜ່ວຍສະຫະພັນແມ່ ຍິງ, ແຂກຖືກເຊີນ ຕະຫຼອດຮອດສະມາຊິກສະຫະພັນແມ່ຍິງກອງບັນຊາການເຂົ້າຮ່ວມ.
ສະຫາຍ ພັນໂທ ນາງ ຕຸ້ຍ ນຸນທະຫວາ ຮອງຫົວໜ້າພະແນກສະຫະພັນແມ່ຍິງ ຂຶ້ນຜ່ານບົດສະຫຼຸບການຈັດຕັ້ງປະຕິບັດເນື້ອໃນຂໍ້ແຂ່ງຂັນ 3 ດີ ປະຈຳປີ 2026 ໃນໄລຍະ 1 ປີຜ່ານມາພະແນກສະຫະພັນແມ່ຍິງ ໄດ້ຖືເອົາວຽກງານການສຶກສາອົບຮົມການເມືອງ-ແນວຄິດ ໃຫ້ແກ່ສະ ມາຊິກເປັນວຽກງານຕົ້ນຕໍຕິດ ພັນກັບວຽກງານເສດຖະກິດແກ້ ໄຂຊີວິດການເປັນຢູ່ຂອງເອື້ອຍນ້ອງແມ່ຍິງ ຕາມທິດນຳເພິ່ງຕົນ ແລະ ສ້າງຄວາມເຂັ້ມແຂງດ້ວຍຕົນເອງ ພ້ອມທັງປຸກລະດົມສະ ມາຊິກແມ່ຍິງເຂົ້າຮ່ວມກຸ່ມທ້ອນເງິນ ເພື່ອແກ້ໄຂໃຫ້ພະນັກງານ-ນັກຮົບໃນຍາມຈຳເປັນ ໃນ 1 ປີຜ່ານມາ ມີເງິນຝາກທັງໝົດ 266.000.000 ກີບ ກອງປະຊຸມຍັງໄດ້ຜ່ານຂໍ້ຕົກລົງຂອງສູນ ກາງສະຫະພັນແມ່ຍິງລາວ ວ່າດ່ວຍການຍ້ອງຍໍ-ຊົມເຊີຍ ໃຫ້ບຸກຄົນ ທີ່ມີຜົນງານດີເດັ່ນໃນການ ຈັດຕັ້ງປະຕິບັດຂໍ້ແຂ່ງຂັນ 3 ດີ ສະໄໝ VIII (2021-2025) ໃນນີ້ໃບຍ້ອງຍໍ ຈຳນວນ 60 ສະຫາຍ ແລະ ໃບຊົມເຊີຍ ຈຳນວນ 34 ສະຫາຍ, ພ້ອມທັງຜ່ານເນື້ອໃນຂໍ້ແຂ່ງຂັນ 3 ດີ ຂອງສະຫະພັນແມ່ຍິງລາວ ແລະ ຂຶ້ນຈັບມືຮັບ ຮອງເອົາຂໍ້ແຂ່ງຂັນ 3 ດີ.
ໂດຍ: ກ້າຈີທໍ່ ໄຊສົມບູນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
