POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 12 ຕຸລາ 2026

ຄະນະພັກ ກອງບັນຊາການທະຫານແຂວງວຽງຈັນ ເຄື່ອນໄຫວເຜີຍແຜ່ກົດລະບຽບ ຂອງກອງທັບປະຊາຊົນລາວ ຢູ່ບັນດາກົມກອງຮາກຖານ
ເວລາອອກຂ່າວ: 2026-09-07 14:16:49 | ຜູ້ຂຽນ : admin2 | ຈຳນວນຄົນເຂົ້າຊົມ: 143 | ຄວາມນິຍົມ:

ໃນລະຫວ່າງ ວັນທີ 1-4 ກັນຍາ 2026 ນີ້, ສະຫາຍ ພັນໂທ ຫຸມພັນ ສີສົມພອນ ກໍາມະການຄະນະພັກກອງບັນຊາການ, ຮອງຫົວໜ້າຫ້ອງການເມືອງ ກອງບັນຊາການທະຫານແຂວງວຽງຈັນ ພ້ອມດ້ວຍຄະນະ ໄດ້ເຄື່ອນໄຫວເຜີຍແຜ່ ກົດລະບຽບ ຂອງກອງທັບປະຊາຊົນລາວ ສະບັບປີ 2026 ຢູ່ບັນດາກົມກອງຮາກຖານ ຄື: ກອງຮ້ອຍ 201, ກອງບັນຊາການເມືອງຫີນເຫີບ, ເມືອງວັງວຽງ, ເມືອງກາສີ, ເມືອງແມດ ແລະ ກອງພັນ 102, ມີຄະນະພັກ-ຄະນະບັນຊາ ແລະ ພະນັກງານ-ນັກຮົບ ແຕ່ລະກົມກອງເຂົ້າຮ່ວມ. ໃນພິທີ ສະຫາຍ ພັນໂທ ຊ່າລໍ່ ຈົງເຕັ່ງເຈ້ຍຊາ ຮອງຫົວໜ້າຫ້ອງເສນາທິການ ກອງບັນຊາການທະຫານແຂວງວຽງຈັນ ໄດ້ເຜີຍແຜ່ກົດລະບຽບ ຂອງກອງທັບປະຊາຊົນລາວ ສະບັບປີ 2026 ເຊິ່ງລວມມີ XVI ພາກ, 56 ໝວດ 299 ມາດຕາ. ຈຸດປະສົງ ເພື່ອເຮັດໃຫ້ຄະນະພັກ-ຄະນະບັນຊາທຸກຂັ້ນ ຕະຫຼອດຮອດນາຍ ແລະ ພົນທະຫານ ໄດ້ຮັບຮູ້ເຂົ້າໃຈຕໍ່ບັນດາຂໍ້ກຳນົດ, ກົດລະບຽບດັ່ງກ່າວ ເພື່ອພ້ອມກັນຕັ້ງໜ້າປັບປຸງແກ້ໄຂ ແລະ ປະຕິບັດໃຫ້ຖືກຕ້ອງ ຕາມລະບຽບການ ຂອງກອງທັບປະຊາຊົນລາວ ຢ່າງເຂັ້ມງວດ ໃນການຈັດຕັ້ງເຄື່ອນໄຫວປະຕິບັດໜ້າທີ່, ປັບປຸງກໍ່ສ້າງກໍາລັງຢ່າງເປັນເອກະພາບ ແລະ ກາຍເປັນກຳລັງແຮງສັງລວມໃຫ້ກອງທັບ ສາມາດເຮັດສຳເລັດໜ້າທີ່ ຕາມການຈັດຕັ້ງຂັ້ນເທິງມອບໝາຍ ເຊິ່ງກົດລະບຽບສະບັບນີ້ ແມ່ນຄໍາສັ່ງອັນເດັດຂາດ ຂອງຜູ້ບັນຊາສູງສຸດ, ແມ່ນກົດບັງຄັບໃຫ້ນາຍ ແລະ ພົນທະຫານ ຂອງກອງທັບປະຊາຊົນລາວທຸກຄົນ ຕ້ອງໄດ້ປະຕິບັດຢ່າງເຂັ້ມງວດ ຍ້ອນແນວນັ້ນ, ຈຶ່ງມີຄວາມໝາຍຄວາມສໍາຄັນຕັດສິນເຖິງການເຕີບໃຫຍ່ຂະຫຍາຍຕົວ ແລະ ຄວາມເຂັ້ມແຂງ ຂອງກອງທັບປະຊາຊົນລາວ ທັງເປັນເຂັມຊີ້ທິດໃຫ້ແກ່ການປັບປຸງກໍ່ສ້າງກອງທັບປະຊາຊົນລາວໃຫ້ໜັກແໜ້ນ, ເຂັ້ມແຂງ, ເປັນກອງທັບປະຕິວັດ, ມີແບບແຜນອັນແຫຼມຄົມ ແລະ ທັນສະໄໝ, ເດັດດ່ຽວຮັບປະກັນເຮັດໃຫ້ປະເທດຊາດ ກໍຄືຂອບເຂດກົມກອງຮັບຜິດຊອບ ໃຫ້ມີຄວາມສະຫງົບຢ່າງໜັກແໜ້ນ. ໂອກາດດັ່ງກ່າວ ສະຫາຍ ພັນໂທ ຫຸມພັນ ສີສົມພອນ ຍັງໄດ້ເຜີຍແຜ່ ກົດລະບຽບ ພັກປະຊາຊົນປະຕິວັດລາວ ສະໄໝທີ XII ແລະ ຂໍ້ກໍານົດ ຂອງກອງບັນຊາການທະຫານແຂວງວຽງຈັນ ຈໍານວນໜຶ່ງ ພ້ອມທັງ ເນັ້ນໜັກໃຫ້ຄະນະພັກ-ຄະນະບັນຊາແຕ່ລະກົມກອງ ແລະ ພະນັກງານ-ນັກຮົບທຸກສະຫາຍ ຈົ່ງນຳເອົາເນື້ອໃນການເຜີຍແຜ່ຄັ້ງນີ້ ໄປຈັດຕັ້ງເຊື່ອມຊຶມຜັນຂະຫຍາຍໃຫ້ທົ່ວເຖິງ ແລະ ເປັນຂະບວນການຢ່າງກວ້າງຂວາງ. ໂດຍ: ສາຍຄໍາ ພອນມະນີ ພາບ: ຈາກກົມກອງ

news to day and hot news