POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 12 ຕຸລາ 2026

ສະຫະພັນແມ່ຍິງ ກອງພັນໃຫຍ່ 202 ເຊື່ອມຊຶມເອກະສານຂອງສະຫະພັນແມ່ຍິງລາວ
ເວລາອອກຂ່າວ: 2026-09-07 09:46:49 | ຜູ້ຂຽນ : admin1 | ຈຳນວນຄົນເຂົ້າຊົມ: 161 | ຄວາມນິຍົມ:

ເມື່ອບໍ່ດົນມານີ້, ຂະແໜງ ສະຫະພັນແມ່ຍີງ ກອງພັນໃຫຍ່ 202 ກອງພົນທີ 2 ຈັດຕັ້ງເຊື່ອມ ຊຶມເອກະສານກ່ຽວກັບທີ່ຕັ້ງ, ພາລະບົດບາດ, ສິດ ແລະ ໜ້າທີ່ຂອງສະຫະພັນແມ່ຍິງລາວ ສະບັບປັບປຸງໃໝ່ໃນມະຕິກອງປະຊຸມໃຫຍ່ ຄັ້ງທີ IX, ໂດຍການເປັນປະທານຂອງ ສະຫາຍ ຮອ ອຳພອນ ສີສະໝອນ ຮອງຫົວໜ້າພະແນກການເມືອງ ຜູ້ຊີ້ນຳວຽກງານອົງການຈັດຕັ້ງມະຫາຊົນ ກອງພັນໃຫຍ່ 202, ມີຄະນະພັກ-ຄະນະບັນຊາພະແນກການ, ກົມກອງ, ຄະນະໜ່ວຍ ຕະຫຼອດຮອດສະມາຊິກສະຫະພັນແມ່ຍິງທົ່ວກົມກອງເຂົ້າຮ່ວມ. ສະຫາຍ ພັນໂທ ນາງ ພຽງວິໄລ ວຽງມະນີ ຫົວໜ້າຂະແໜງສະຫະພັນແມ່ຍິງ ພະແນກ ການເມືອງ ກອງພັນໃຫຍ່ 202 ຂຶ້ນເຜີຍແຜ່ເນື້ອໃນເອກະສານ ກ່ຽວກັບທີ່ຕັ້ງ, ພະລາບົດບາດ, ສິດ ແລະ ໜ້າທີ່ ຂອງສະຫະພັນແມ່ຍິງລາວປັບປຸງໃໝ່ໃນມະຕິກອງປະຊຸມໃຫຍ່ ຄັ້ງທີ IX. ສະຫະພັນແມ່ຍິງລາວແມ່ນອົງການຈັດຕັ້ງມະຫາຊົນໃນລະບົບການເມືອງ ຂອງລະບອບປະຊາທິປະໄຕປະຊາຊົນລາວ ພາຍໃຕ້ການນຳພາຂອງພັກປະ ຊາຊົນລາວ, ມີລະບົບສາຍໄຍການຈັດຕັ້ງ ແຕ່ຂັ້ນສູນກາງຮອດທ້ອງຖີ່ນ, ມີຖານະບົດບາດທຽບເທົ່າກັບອົງການຈັດຕັ້ງມະຫາຊົນອື່ນ, ເປັນຕົວແທນໃນການປົກປ້ອງສິດ ແລະ ຜົນປະໂຫຍດອັນຊອບທຳຂອງແມ່ຍິງ ແລະ ເດັກ ແລະ ຄວາມສະເໝີພາບລະຫວ່າງ ຍິງ-ຊາຍ, ການເຕົ້າໂຮມຄວາມສາມັກຄີ, ໃນເຂົ້າຮ່ວມໃນພາລະກິດປົກປັກຮັກສາ ແລະ ພັດທະນາປະເທດຊາດ, ເຂົ້າຮ່ວມການ ຈັດຕັ້ງປະຕິບັດແນວທາງ, ນະໂຍ ບາຍ, ມະຕິຄຳສັ່ງຂອງພັກ, ລັດຖະທຳມະນູນ, ກົດໝາຍ ແລະ ກົດລະບຽບ ຂອງສະຫະພັນແມ່ຍິງລາວ, ອະນຸລັກ ແລະ ສົ່ງ ເສີມມູນເຊື້ອວັດທະນະທຳ, ຮິດ ຄອງປະເພນີອັນດີງາມຂອງຊາດ, ເສີມຂະຫຍາຍຄຸນລັກສະນະທີ່ເປັນມູນເຊື້ອຂອງແມ່ຍິງລາວບັນດາເຜົ່າ, ເຂົ້າຮ່ວມການເຄື່ອນໄຫວວຽກງານຂອງການ ຈັດຕັ້ງພັກ-ລັດ, ອົງການແນວ ລາວສ້າງຊາດ, ອົງການຈັດຕັ້ງ ມະຫາຊົນ ແລະ ການຈັດຕັ້ງສັງ ຄົມອື່ນໆຕາມພາລະບົດບາດຂອງຕົນ, ເຂົ້າຮ່ວມຄົ້ນຄວ້າ ແລະ ປະກອບຄຳຄິດເຫັນ ຕໍ່ການສ້າງຕັ້ງສະມາຄົມ, ມູນນິທິຕ່າງໆ, ປະຕິບັດຕາມແນວທາງການຕ່າງປະເທດຂອງພັກ, ລັດຖະ ບານ ໃນການພົວພັນຮ່ວມມືກັບສາກົນ ແລະ ປະຕິບັດໜ້າທີ່ອື່ນໆ ຕາມທີ່ໄດ້ກຳນົດໃນກົດໝາຍ, ລະບຽບການ ແລະ ຕາມການມອບໝາຍ.

news to day and hot news