POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພະຫັດ, ວັນທີ 17 ກັນຍາ 2026

ປະຫວັດຄວາມເປັນມາ ຂອງກິລາຟັນດາບ
ເວລາອອກຂ່າວ: 2026-09-02 09:44:47 | ຜູ້ຂຽນ : admin3 | ຈຳນວນຄົນເຂົ້າຊົມ: 153 | ຄວາມນິຍົມ:

ກິລາຟັນດາບ (Fencing) ແມ່ນກິລາປະເພດຕໍ່ສູ້ທີ່ໃຊ້ດາບເປັນອາວຸດ ໂດຍມີການຕໍ່ສູ້ກັນແບບຕົວຕໍ່ຕົວ ຢູ່ເທິງລານແຂ່ງຂັນ (Piste) ເຊິ່ງຜູ້ເຂົ້າແຂ່ງຂັນຕ້ອງໃສ່ຊຸດປ້ອງກັນ, ໜ້າກາກ, ແລະ ກົກມືຢ່າງຮັດກຸມ ແລະ ຜູ້ທີ່ສາມາດແທງ ຫຼື ຟັນຖືກຈຸດເປົ້າໝາຍຂອງຄູ່ຕໍ່ສູ້ຕາມລະບຽບການແຂ່ງຂັນໄດ້ກ່ອນ ຈະໄດ້ຮັບຄະແນນ. ເຊິ່ງວ່າ ກິລາຟັນດາບສາກົນແບ່ງອອກເປັນ 3 ປະເພດອາວຸດ ຕາມກົດກະຕິກາທີ່ຕ່າງກັນຄື: ດາບຟອຍ (Foil): ເປັນດາບທີ່ມີນ້ຳໜັກເບົາ, ໃຊ້ປາຍດາບແທງເທົ່ານັ້ນ. ເປົ້າໝາຍການໂຈມຕີແມ່ນສະເພາະບໍລິເວນລຳໂຕ (ບໍ່ລວມແຂນ, ຂາ ແລະ ຫົວ). ດາບເອເປ: ເປັນດາບທີ່ມີນ້ຳໜັກຫຼາຍກວ່າ, ໃຊ້ປາຍດາບແທງເທົ່ານັ້ນ, ສາມາດແທງໄດ້ທຸກສ່ວນຂອງຮ່າງກາຍ (ຕັ້ງແຕ່ຫົວຈົນຮອດຕີນ) ແລະ ດາບຊາເບຣ (Sabre): ເປັນດາບທີ່ໃຊ້ໄດ້ທັງການແທງ ແລະ ການຟັນ ເປົ້າໝາຍການໂຈມຕີແມ່ນສ່ວນເທິງຂອງຮ່າງກາຍ (ຕັ້ງແຕ່ແອວຂຶ້ນໄປ ເຊິ່ງລວມທັງແຂນ ແລະ ຫົວ). ຄວາມເປັນມາຂອງກິລາຟັນດາບ ມີຕົ້ນກຳເນີດ: ມີຮາກຖານມາຈາກການຕໍ່ສູ້ ແລະ ການໃຊ້ອາວຸດດາບໃນຍຸກບູຮານເຊັ່ນ: ອີຢິບ, ເກັຣກ ແລະ ໂຣມັນ. ໃນຍຸກກາງຂອງເອີຣົບ ການຟັນດາບໄດ້ວິວັດທະນາການມາຈາກວິທີການຕໍ່ສູ້ຂອງທະຫານ ແລະ ການຕໍ່ສູ້ກັນໂດຍໃຊ້ດາບ ຕໍ່ມາໃນສະຕະວັດທີ 18-19 ຢູ່ອິຕາລີ ແລະ ຝຣັ່ງ ໄດ້ມີການປັບປ່ຽນຮູບແບບຈາກການຕໍ່ສູ້ແທ້ ມາເປັນກິລາ ແລະ ຖືກບັນຈຸເຂົ້າໃນກິລາໂອແລມປິກສະໄໝໃໝ່ ຕັ້ງແຕ່ປີ 1896 ເປັນຕົ້ນມາ. ເຊິ່ງວ່າຄວາມເປັນມາຂອງກິລາຊະນິດນີ້ໃນປະເທດລາວ ການໃຊ້ດາບແບບດັ້ງເດີມ: ໃນປະຫວັດສາດລາວ, ການໃຊ້ດາບ ຫຼື "ສິລະປະການຟັນດາບລາວ" ແມ່ນມີມາແຕ່ບູຮານນະການ ເຊິ່ງເປັນສິລະປະການຕໍ່ສູ້ປ້ອງກັນຕົວຂອງບັນພະບຸລຸດລາວ ເຊັ່ນ: ການຟັນດາບເຫຼັກ, ການໃຊ້ດາບສອງມື ທີ່ໃຊ້ໃນການສູ້ຮົບ ແລະ ປ້ອງກັນບ້ານເມືອງ. ກິລາຟັນດາບສາກົນໃນລາວ: ກິລາຟັນດາບແບບສາກົນ (Fencing) ຖືເປັນກິລາສະໄໝໃໝ່ທີ່ຫາເຂົ້າມາມີບົດບາດໃນລາວ ໂດຍຢູ່ພາຍໃຕ້ການຊຸກຍູ້ຂອງສະຫະພັນກິລາ ແລະ ຄະນະກຳມະການໂອລິມປິກແຫ່ງຊາດລາວ ເພື່ອສົ່ງເສີມໃຫ້ນັກກິລາລາວໄດ້ມີໂອກາດເຂົ້າຮ່ວມການແຂ່ງຂັນໃນລະດັບພູມິພາກ ເຊັ່ນ: ກິລາຊີເກມ ແລະ ລະດັບສາກົນ. ໃນກະຕິກາພື້ນຖານຂອງກິລາຟັນດາບສາກົນ (Fencing) ມີຂໍ້ກຳນົດຕົ້ນຕໍດັ່ງນີ້: ພື້ນທີ່ ແລະ ອຸປະກອນການແຂ່ງຂັນ ລານແຂ່ງຂັນ ແມ່ນຕັ້ງຢູ່ເທິງພື້ນ ທີ່ຮາບພຽງ ມີຄວາມຍາວ 14 ແມັດ ແລະ ກວ້າງ 1.5-2 ແມັດ. ຊຸດປ້ອງກັນ: ນັກກິລາຕ້ອງໃສ່ຊຸດປ້ອງກັນພິເສດ, ໜ້າກາກເຫຼັກ, ກົກມື ແລະ ເສື້ອເກາະໄຟຟ້າ (ສຳລັບ Foil ແລະ Sabre) ເພື່ອເຊື່ອມຕໍ່ກັບລະບົບນັບຄະແນນອັດໂຕໂນມັດ, ຈຸດເປົ້າໝາຍການໂຈມຕີ ແມ່ນຕ່າງກັນຕາມປະເພດດາບ. ໃນນີ້, ສປປ ລາວ ເຮົາ ເລີ່ມສົ່ງນັກກິລາຟັນດາບເຂົ້າຮ່ວມການແຂ່ງຂັນໃນລະດັບພູມີພາກຄື: ກິລາຊີເກມ ຢ່າງເປັນທາງການ ເລີ່ມແຕ່ປີ 2007-2009 (ໂດຍສະເພາະແມ່ນງານມະຫະກຳກິລາຊີເກມ ຄັ້ງທີ 25 ປີ 2009 ທີ່ ສປປ ລາວ ໄດ້ຮັບກຽດເປັນເຈົ້າພາບ ເປັນຕົ້ນມາ) ແລະ ນັກກິລາຟັນດາບລາວ ຍັງຄົງຖືກສົ່ງເຂົ້າຮ່ວມການແຂ່ງຂັນຕ່າງໆ ລະດັບນານາຊາດ ແລະ ຊີເກມຢ່າງຕໍ່ເນື່ອງ.

news to day and hot news