ວັນພະຫັດ, ວັນທີ 17 ກັນຍາ 2026
ເມືອງໂຂງ ເກັບກຳຂໍ້ມູນສະເໜີ ລຳສີພັນດອນ ເປັນມໍລະດົກແຫ່ງຊາດ ດ້ານວັດທະນະທຳທ້ອງຖິ່ນ
ເວລາອອກຂ່າວ: 2026-09-01 09:58:03 | ຜູ້ຂຽນ : admin3 | ຈຳນວນຄົນເຂົ້າຊົມ: 205 | ຄວາມນິຍົມ: 
ວັນທີ 26 ສິງຫາ 2026 ທີ່ຜ່ານມາ, ຫ້ອງການວັດທະນະທຳ ແລະ ການທ່ອງທ່ຽວ ເມືອງໂຂງ ຮ່ວມກັບອຳນາດການປົກຄອງ ແລະ ສະມາຄົມໝໍລຳສີພັນດອນ ໄດ້ຈັດກອງປະຊຸມປຶກສາຫາລື ກ່ຽວກັບການເກັບກຳຂໍ້ມູນດ້ານວັດທະນະທຳ ລຳສີພັນດອນ ທີ່ຫ້ອງການບ້ານດົງ, ໂດຍການເປັນປະທານຂອງ ສະຫາຍ ໄພວັນ ສໍຄົງສີນ ກຳມະການພັກເມືອງ ຫົວໜ້າຫ້ອງການວັດທະນະທຳ ແລະ ການທ່ອງທຽ່ວເມືອງໂຂງ, ມີຄະນະກຳ ມະການປົກຄອງຕາ ແສງດອນໂຂງ, ສະມາຄົມໝໍລຳ ສີພັນດອນ ແລະ ພາກສ່ວນກ່ຽວຂ້ອງ ເຂົ້າຮ່ວມ.
ສະຫາຍ ໄພວັນ ສໍຄົງສີນ ໄດ້ສະ ເໜີຈຸດປະສົງໃນການລົງມາຄັ້ງນີ້ ເພື່ອເກັບກຳຂໍ້ມູນປະຫວັດຄວາມເປັນມາຂອງລຳສີພັນດອນ ເພື່ອນຳໄປປະກອບເອກະສານນຳສະ ເໜິຕໍ່ຂັ້ນເທິງຮັບຮອງເປັນມໍລະ ດົກແຫ່ງຊາດທາງດ້ານວັດທະ ນະທຳລະດັບທ້ອງຖິ່ນ (ທີ່ບໍ່ເປັນ ວັດຖຸນາມມະທຳ) ຂອງເມືອງ ໂຂງ.
ສະຫາຍ ບົວຜັນ ຫົວໜ້າສະມາ ຄົມໝໍລຳໃຫ້ຮູ້ວ່າ: ລຳສີພັນດອນ ແມ່ນສິລະປະການສະແດງທີ່ມີ ທຳນອງ ແລະ ຈັງຫວະທີ່ມ່ວນ ຊື່ນສະແດງເຖິງວິຖີຊີວິດທີ່ຜູກພັນກັບສາຍນໍ້າ, ການຫາປາ ແລະ ຄວາມງຽບສະຫງົບທີ່ມີ ອົງປະກອບເປັນເຄື່ອງດົນຕີພື້ນ ເມືອງເປັນຕົ້ນແມ່ນສຽງແຄນ, ກອງຊະນິດຕ່າງໆ, ແຊ່ງ, ນອກນີ້; ສະຫາຍ ຍັງໄດ້ເລົ່າເຖິງການແຕ່ງການ, ການແຕ່ງກອນລຳປັດ ຈຸບັນໄດ້ມີການສົ່ງເສີມເຝິກແອບລູກຫຼານໃນການຮັກສາເອກະລັກ ວັດທະນະທຳ ໝໍລຳສີພັນດອນໄດ້ໃຫ້ຢູ່ຄູ່ບ້ານຄູ່ເມືອງໄວ້ອີກດ້ວຍ.
ໂດຍ: ເມືອງໂຂງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
