POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພະຫັດ, ວັນທີ 17 ກັນຍາ 2026

ສປປ ລາວ ຈະເປັນເຈົ້າພາບ ຈັດກອງປະຊຸມທົບທວນ ສົນທິສັນຍາ ວ່າດ້ວຍການເກືອດຫ້າມລະເບີດລູກຫວ່ານ ຮອບວຽນທີ 3 ປີ 2026
ເວລາອອກຂ່າວ: 2026-09-01 09:57:33 | ຜູ້ຂຽນ : admin3 | ຈຳນວນຄົນເຂົ້າຊົມ: 124 | ຄວາມນິຍົມ:

ວັນທີ 27 ສິງຫາ 2026 ນີ້, ສະຫາຍ ທອງສະຫວັນ ພົມວິຫານ ຮອງນາຍົກລັດຖະມົນຕີ, ລັດຖະ ມົນຕີກະຊວງການຕ່າງປະເທດ, ປະທານຄະນະກຳມະການຄຸ້ມຄອງແຫ່ງຊາດ ເພື່ອແກ້ໄຂບັນ ຫາລະເບີດບໍ່ທັນແຕກທີ່ຕົກຄ້າງ ຢູ່ ສປປ ລາວ (ຄຊກລ) ໄດ້ໃຫ້ສຳພາດຕໍ່ສື່ມວນຊົນວ່າ: ການທີ່ ສປປ ລາວ ໄດ້ຮັບກຽດເປັນເຈົ້າພາບຈັດກອງປະຊຸມທົບທວນ ສົນທິສັນຍາ ວ່າດ້ວຍການເກືອດຫ້າມລະເບີດລູກຫວ່ານ ຮອບວຽນທີ 3 (3RC CCM) ໃນປີ 2026 ນີ້, ມີຄວາມສຳຄັນຕໍ່ພາລະບົດບາດຂອງ ສປປ ລາວ ໃນເວທີສາກົນທີ່ ສປປ ລາວ ໄດ້ຮັບກຽດເປັນເຈົ້າພາບ ແລະ ປະທານກອງປະຊຸມທົບທວນ ສົນທິສັນຍາ ວ່າດ້ວຍການເກືອດຫ້າມລະເບີດລູກຫວ່ານ ຮອບວຽນທີ 3 ປຽບເໝືອນການກັບຄືນສູ່ບ້ານຂອງສົນທີສັນຍາ ດັ່ງກ່າວອີກຄັ້ງ, ເນື່ອງຈາກນະ ຄອນຫຼວງວຽງຈັນ ແມ່ນສະຖານ ທີ່ ທີ່ໄດ້ຈັດກອງປະຊຸມຄັ້ງທຳອິດ ຂອງລັດພາຄີຂອງສົນທິສັນຍາດັ່ງກ່າວ ແລະ ສປປ ລາວ ຍັງເປັນໜຶ່ງໃນປະເທດທຳອິດທີ່ໄດ້ ຊຸກຍູ້ການສ້າງຕັ້ງ ແລະ ຮັບຮອງສົນທິສັນຍາສະບັບນີ້. ສປປ ລາວ ມີຄວາມພາກພູມໃຈ ແລະ ເປັນກຽດຢ່າງສູງ ທີ່ໄດ້ຮັບໜ້າທີ່ ເປັນປະທານ ແລະ ໄດ້ຮັບຄວາມ ໄວ້ວາງໃຈຈາກວົງຄະນະຍາດ ສາກົນ ໃຫ້ເປັນຜູ້ນຳພາລະກິດ ອັນສຳຄັນ ແລະ ສູງສົ່ງນີ້, ການ ກັບມາເປັນເຈົ້າພາບຢູ່ນະຄອນ ຫຼວງວຽງຈັນອີກຄັ້ງ ເປັນການ ສະແດງເຈດຕະນາລົມອັນໝັ້ນ ຄົງ ແລະ ສະເໝີຕົ້ນສະເໝີປາຍ ຂອງ ສປປ ລາວ ກໍຄື ການຢັ້ງ ຢືນເຖິງຄວາມໝາຍໝັ້ນອັນແຮງ ກ້າຂອງ ສປປ ລາວ ໃນບົດບາດ ນຳພາ ແລະ ການເປັນຂົວຕໍ່ ເພື່ອເຕົ້າໂຮມບັນດາລັດພາຄີ ແລະ ຄູ່ ຮ່ວມພັດທະນາທົ່ວໂລກມາເຕົ້າ ໂຮມກັນ ເພື່ອປຶກສາຫາລື, ຮັດແໜ້ນການຮ່ວມມື ແລະ ຢໍ້າຄືນຄວາມໝາຍໝັ້ນຮ່ວມ ເພື່ອປະ ກອບສ່ວນສ້າງສັນຕິພາບໃນໂລກ ຜ່ານຂະບວນການຂອງສົນທິສັນຍາ ແລະ ການກ້າວໄປສູ່ຍຸກສະໄໝໃໝ່ ກໍຄື ການສ້າງໂລກທີ່ປອດໄພ, ປາສະຈາກໄພຄຸກຄາມຈາກລະເບີດລູກຫວ່ານ ແລະ ການຊຸກຍູ້ແນວທາງການພັດທະນາແບບຍືນຍົງ. ສຳລັບການກະກຽມຄວາມພ້ອມໃນການເປັນເຈົ້າພາບຈັດກອງປະຊຸມທົບທວນ ສົນທິສັນຍາ ວ່າດ້ວຍການເກືອດຫ້າມລະເບີດລູກຫວ່ານຮອບວຽນທີ 3 ແມ່ນ ມີຄວາມຄືບໜ້າດີໃນຫຼາຍດ້ານ ບໍ່ວ່າຈະເປັນດ້ານພະລາທິການ, ດ້ານເນື້ອໃນ ແລະ ການເຈລະ ຈາເອກະສານສຳຄັນ ເປັນຕົ້ນແມ່ນແຜນປະຕິບັດງານນະຄອນ ຫຼວງວຽງຈັນ 2027-2032 (VCAP) ແລະ ຮ່າງຖະແຫຼງ ການ ການເມືອງທີ່ຈະມີການຮັບຮອງເອົາໃນໄລຍະກອງປະ ຊຸມ. ໃນໄລຍະທີ່ຜ່ານມານີ້, ຫ້ອງວ່າການສຳນັກງານນາຍົກ ລັດຖະມົນຕີໄດ້ອອກຂໍ້ຕົກ ລົງ ວ່າດ້ວຍການແຕ່ງຕັ້ງຄະນະກຳ ມະການຊີ້ນຳລະດັບຊາດ ແລະ ຄະນະຮັບຜິດຊອບອະນຸກຳມະ ການຕ່າງໆ ເພື່ອກະກຽມການເປັນປະທານ ກໍຄື ຄວາມພ້ອມການເປັນເຈົ້າພາບຈັດກອງປະ ຊຸມທົບທວນສົນທິສັນຍາ ວ່າດ້ວຍການເກືອດຫ້າມລະເບີດລູກ ຫວ່ານ ຮອບວຽນທີ 3 ເຊິ່ງປະ ກອບດ້ວຍຫຼາຍອະນຸກຳມະການທີ່ກ່ຽວຂ້ອງ ທັງຢູ່ສູນກາງ ແລະ ທ້ອງຖິ່ນ ແລະ ການປະສານສົມ ທົບກັບອົງການຈັດຕັ້ງສາກົນ ກໍໄດ້ພ້ອມພຽງກັນ ແລະ ປະສານສົມທົບກັນຮອບດ້ານໃນການກະ ກຽມຕ້ອນຮັບແຂກສາກົນຫຼາຍກວ່າ 500 ຄົນ ທີ່ຄາດຄະເນວ່າຈະເດີນທາງມາຮ່ວມຕົວກັນ ທີ່ ສປປ ລາວ, ລວມທັງການກະກຽມດ້ານຄວາມປອດໄພຢູ່ ສະຖານທີ່ຕ່າງໆ, ການເດີນທາງ, ສະຖານທີ່ພັກເຊົ່າ ແລະ ການອຳນວຍຄວາມສະດວກທີ່ນະ ຄອນຫຼວງວຽງຈັນ ເຊິ່ງຈະເປັນບ່ອນຈັດກອງປະຊຸມຫຼັກ ແລະ ຄວາມພ້ອມຢູ່ພາກສະໜາມທີ່ນະຄອນຫຼວງພະບາງ. ມາຮອດປັດຈຸບັນເຫັນວ່າພວກເຮົາມີຄວາມພ້ອມໃນການຕ້ອນ ຮັບ ແລະ ການເປັນເຈົ້າພາບຈັດ ກອງປະຊຸມສາກົນທີ່ສຳຄັນນີ້. ການຈັດກອງປະຊຸມຄັ້ງນີ້ ມີຄວາມໝາຍຄວາມສຳຄັນຢ່າງຍິງ, ການຕັດສິນໃຈເປັນເຈົ້າພາບກອງປະຊຸມນີ້ ລັດຖະບານສະ ແດງໃຫ້ເຫັນເຖິງເຈດຈຳນົງອັນ ສະເໝີຕົ້ນສະເໝີປາຍ ຂອງລັດ ຖະບານ ສປປ ລາວ ໃນການ ປະກອບສ່ວນເຂົ້າໃນຄວາມພະ ຍາຍາມຂອງສາກົນ ເພື່ອພາລະ ກິດການປົກປັກຮັກສາສັນຕິພາບໃນໂລກ ໂດຍຜ່ານຂະບວນການຂອງສົນທິສັນຍາ CCM ໄປ ຄຽງຄູ່ກັບການແກ້ໄຂບັນຫາລະເບີດບໍ່ທັນແຕກທີ່ຍັງຕົກຄ້າງ ຢູ່ພາຍໃນປະເທດ ເຊິ່ງຈະປະ ກອບສ່ວນຜົນປະໂຫຍດໂດຍກົງຕໍ່ປະຊາຊົນລາວ ໂດຍສະເພາະ ແມ່ນການບັນລຸເປົ້າໝາຍການພັດທະນາແບບຍືນຍົງແຫ່ງຊາດ ທີ 18 ວ່າດ້ວຍຊີວິດປອດໄພຈາກລະເບີດບໍ່ທັນແຕກ (SDG18). ການເປັນເຈົ້າພາບຈັດກອງປະ ຊຸມສາກົນຄັ້ງນີ້ ເປັນໂອກາດອັນ ສຳຄັນສຳລັບ ສປປ ລາວ ໃນ ການຫັນຄວາມສົນໃຈ ແລະ ຄຳ ໝັ້ນສັນຍາຂອງສາກົນ ໃຫ້ກາຍ ເປັນຜົນປະໂຫຍດທີ່ເປັນຮູບປະທຳແກ່ປະຊາຊົນ ແລະ ຊຸມຊົນທ້ອງຖິ່ນທີ່ໄດ້ຮັບຜົນກະທົບຈາກລະເບີດບໍ່ທັນແຕກ. ເຖິງແມ່ນວ່າກອງປະຊຸມດັ່ງກ່າວ ບໍ່ແມ່ນການປະຕິບັດງານເກັບກູ້ລະເບີດໂດຍກົງ, ແຕ່ໄດ້ສ້າງເວທີລະດັບສູງ ເພື່ອສະແດງໃຫ້ເຫັນເຖິງຜົນກະທົບຈາກລະເບີດບໍ່ທັນແຕກທີ່ຍັງສືບຕໍ່ເປັນໄພຂົ່ມຂູ່, ສ້າງຜົນກະທົບດ້ານມະນຸດສະທຳ ແລະ ເປັນອຸປະສັກຕໍ່ການພັດທະນາເສດຖະກິດ-ສັງຄົມ ຂອງປະເທດ. ໂດຍ: ສຸເວດ ສີດາຄຳ

news to day and hot news