POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພະຫັດ, ວັນທີ 17 ກັນຍາ 2026

30 ກວ່າບ້ານ ໃນແຂວງຫຼວງນ້ຳທາ ຜະເຊີນກັບໄພພິບັດນ້ຳຖ້ວມ
ເວລາອອກຂ່າວ: 2026-09-01 09:56:54 | ຜູ້ຂຽນ : admin3 | ຈຳນວນຄົນເຂົ້າຊົມ: 124 | ຄວາມນິຍົມ:

ໃນວັນທີ 28-29 ສິງຫາ 2026 ແຂວງຫຼວງນໍ້າທາ ມີຝົນ ຕົກໜັກ ແລະ ຝົນຕົກຕໍ່ເນື່ອງໃນ ຫຼາຍພື້ນທີ່ ເຮັດໃຫ້ລະດັບນໍ້າຫ້ວຍ, ແມ່ນ້ຳຫຼາຍສາຍເພີ່ມສູງຂຶ້ນ ເຮັດໃຫ້ເກີດນ້ຳຖ້ວມຫຼາຍກວ່າ 30 ບ້ານ ໃນທົ່ວແຂວງທີ່ຢູ່ ລຽບສອງຝັ່ງນ້ຳທາ, ນ້ຳທຸງ, ນ້ຳແງ້ນ, ນ້ຳຫອຍ, ນ້ຳດີ, ເຂດເສດຖະກິດພິເສດບໍ່ເຕ່ນ, ດ່ານສາ ກົນບໍ່ເຕ່ນ ແລະ ເຂດອື່ນໆ ໄດ້ຮັບຜົນກະທົບ ແລະ ເສຍຫາຍເປັນຈຳ ນວນຫຼວງຫຼາຍ. ນອກຈາກນີ້, ພື້ນທີ່ກະສິກຳໄຮ່, ນາ, ຮົ້ວສວນ, ເຮືອນຊານບ້ານຊ່ອງ, ເສັ້ນທາງ, ຫ້ອງການ, ໂຮງຮຽນ ແລະ ອື່ນໆ ຖືກນໍ້າຖ້ວມອັ່ງ ແລະ ຖ້ວມຊູ. ສຳລັບຈຳນວນຄົນ, ຄອບຄົວ, ເຮືອນ, ພື້ນທີ່ກະສິກຳ, ຖະໜົນ ແລະ ຂົວທີ່ເສຍຫາຍໃຫ້ລໍຖ້າການເກັບກຳຂໍ້ມູນລາຍລະອຽດ. ໃນຂະນະທີ່ຄະນະກຳມະການຄຸ້ມຄອງໄພພິບັດແຂວງ ແລະ ຂັ້ນເມືອງ ແຕ່ລະເມືອງກໍໄດ້ຕິດຕາມສະພາບຝົນຕົກ ແລະ ລະດັບນ້ຳ, ກວດກາຈຸດສ່ຽງ, ກຽມພ້ອມກຳ ລັງພົນ, ພາຫະນະວັດຖຸອຸປະ ກອນ, ທີ່ພັກພິງຊົ່ວຄາວ, ອາ ຫານ, ຢາປົວພະຍາດ ແລະ ສິ່ງຂອງຈຳເປັນອື່ນໆ ເພື່ອຊ່ວຍເຫຼືອປະຊາຊົນ. ສະຫາຍ ວົງມະນີ ເພື່ອປະຊາ ກຳມະການປະຈຳພັກແຂວງ, ຮອງຄະນະກຳມະການປົກຄອງແຂວງ, ປະທານຄະນະກຳມະ ການໄພພິບັດຂັ້ນແຂວງຫຼວງນ້ຳທາ ໄດ້ຖະແຫຼງຂ່າວກ່ຽວກັບສະ ພາບໄພພິບັດນ້ຳຖ້ວມ ປະຈຳວັນທີ 29 ສິງຫາ 2026 ໂດຍມີບາງຕອນໃຫ້ຮູ້ວ່າ: ໃນໄລຍະ 2-3 ວັນຜ່ານມາ, ຫຼວງນ້ຳທາມີຝົນຕົກໜັກຕໍ່ເນື່ອງ ເຮັດໃຫ້ລະດັບນໍ້າ ຫ້ວຍ, ແມ່ນໍ້າຫຼາຍສາຍເພີ່ມສູງຂຶ້ນ ແລະ ກໍໃຫ້ເກີດໄພພິບັດນ້ຳຖ້ວມເປັນວົງກວ້າງ ສົ່ງຜົນໃຫ້ມີນໍ້າປ່າໄຫຼຫຼາກ, ນໍ້າລົ້ນຝັ່ງ ແລະ ນໍ້າຖ້ວມຂັງໃນພື້ນທີ່ຕໍ່າ. ຄະນະນຳຂອງແຂວງ ກໍໄດ້ເປີດກອງປະຊຸມຮີບດ່ວນ ເພື່ອປຶກສາຫາລືກະກຽມຮັບມືກັບສະພາບດັ່ງກ່າວ. ພ້ອມນີ້, ຄະນະນຳຂອງ ແຂວງ, ຂອງເມືອງ ພ້ອມດ້ວຍຄະນະກຳມະການຄຸ້ມຄອງໄພພິ ບັດຂັ້ນແຂວງ, ຂັ້ນເມືອງ, ຕາ ແສງ ແລະ ຂະແໜງການທີ່ກ່ຽວ ຂ້ອງ ລວມໄປເຖິງອົງການຈັດຕັ້ງບ້ານ ແຕ່ລະບ້ານທີ່ມີຄວາມສ່ຽງໄພພິບັດ ກໍໄດ້ເອົາໃຈໃສ່ຕິດຕາມລະດັບແມ່ນ້ຳ, ຫ້ວຍຮອງຢ່າງໃກ້ຊິດ ຈາກການສັງເກດ ແລະ ຈາກຂໍ້ມູນຈາກແຫຼ່ງຕ່າງໆ ຢ່າງຕໍ່ເນື່ອງ. ຜ່ານການລົງຕິດຕາມກວດ ກາ ແລະ ປະສານງານຄະນະນຳແຂວງ ໄດ້ເລັ່ງໃສ່ເຂດພື້ນທີ່ມີຄວາມສ່ຽງ ແລະ ຖືກຜົນກະທົບ ເປັນຕົ້ນ ບັນດາບ້ານທີ່ຢູ່ລຽບຕາມສອງຝັ່ງແມ່ນ້ຳທາ, ນ້ຳທຸງ, ນ້ຳແງ້ນ, ນ້ຳຫອຍ, ນ້ຳດີ ແລະ ບັນດາພື້ນທີ່ເຂດແຄມຫ້ວຍຮ່ອງຕ່າງໆ ເຊັ່ນວ່າ: ເຂດເສດຖະກິດພິເສດບໍ່ເຕ່ນ, ບ້ານບໍ່ເຕ່ນ, ບ້ານບໍ່ປຽດ, ບ້ານຕີນຕົກ, ບ້ານຕີນສານ, ບ້ານນາເຕີຍ, ບ້ານນໍ້າທຸງ, ບ້ານທົ່ງຂວາ, ບ້ານປຸ່ງ, ບ້ານປ່າສັກ, ບ້ານໃໝ່, ບ້ານທົ່ງໄຈ້ເໜືອ, ບ້ານທົ່ງໄຈ້ໃຕ້, ບ້ານດອນສຳພັນ, ບ້ານທົ່ງອົ້ມ, ບ້ານວຽງເໜືອ, ບ້ານວຽງໃຕ້, ບ້ານຫຼວງ, ບ້ານຂອນ, ບ້ານດອນຄູນ, ບ້ານທ່າອໍ້. ເວລາປະມານ 6:00 ໂມງ ຂອງວັນທີ 29 ສິງຫາ ຢູ່ເຂດບໍ່ ເຕ່ນໄດ້ມີນໍ້າໄຫຼຊູລົງມາຈາກຫ້ວຍຮ່ອງ ແລະ ລົ້ນທາງ, ໄຫຼເຂົ້າຖ້ວມບ້ານເຮືອນປະຊາຊົນ, ສຳນັກງານຫ້ອງການເຂດເສດ ຖະກິດພິເສດບໍ່ເຕ່ນແດນງາມ, ເຂດດ່ານສາກົນບໍ່ເຕ່ນ ແລະ ບັນ ດາບ້ານຢູ່ລຽບຕາມແຄມແມ່ ນໍ້າທຸງ (ບ້ານບໍ່ເຕ່ນ, ບ້ານບໍ່ ປຽດ, ບ້ານຕີນຕົກ, ບ້ານຕີນ ສານ, ບ້ານນາເຕີຍ). ຕໍ່ກັບ ເຫດການດັ່ງກ່າວ, ກໍໄດ້ຕິດຕາມ ປະສານງານກັບຄະນະ ເພື່ອ ຕິດຕາມສະພາບການຢ່າງໃກ້ ຊິດ ແລະ ພົວພັນປະສານງານກັບພາກສ່ວນທີ່ຢູ່ເຂດພື້ນທີ່ ທີ່ມີຄວາມສ່ຽງ ແລະ ຖືກຜົນກະ ທົບແລ້ວຢ່າງຕໍ່ເນື່ອງ ເພື່ອວາງແຜນຮັບມື ແລະ ຊ່ວຍເຫຼືອ. ສຳ ລັບເຂດພື້ນທີ່ ເມືອງຫຼວງນ້ຳທາ ເວລາປະມານ 9 ໂມງ ກໍແຈ້ງດ່ວນເຖິງບັນດາບ້ານພື້ນທີ່ສ່ຽງດັ່ງກ່າວ, ໃຫ້ແຈ້ງຕໍ່ໃຫ້ພໍ່ແມ່ປະ ຊາຊົນມີສະຕິ, ກະກຽມ, ມ້ຽນ ເຄື່ອງຂອງຂຶ້ນຢູ່ບ່ອນສູງ ຫຼື ເຄື່ອນໄຫວອອກໄປໄວ້ຢູ່ສະຖານ ທີ່ປອດໄພ ເນື່ອງຈາກວ່າລະດັບນ້ຳຢູ່ເຂດຕົ້ນນ້ຳກຳລັງໄຫຼຫຼັ່ງລົງຢູ່ເຂດນ້ຳຕອນໃຕ້ ໃນປະລິມານຫຼວງຫຼາຍ. ພ້ອມນີ້, ກໍຍັງໄດ້ ແຕ່ງຕັ້ງພະນັກງານປະຈຳການ, ກະກຽມຈຳນວນພົນ, ເຄື່ອງມື, ລົດ, ເຮືອເພື່ອລົງຊ່ວຍເຫຼືອຜູ້ປະ ສົບໄພໃຫ້ທັນການ. ຂໍໃຫ້ປະຊາຊົນໃນເຂດສ່ຽງ ຕິດຕາມຂ່າວສານຈາກທາງການ, ບໍ່ຢູ່ໃກ້ຫ້ວຍ, ແມ່ນ້ຳ ແລະ ເຂດທີ່ມີນ້ຳໄຫຼແຮງ, ລະວັງດິນເຈື່ອນ ແລະ ນ້ຳປ່າໄຫຼຫຼາກ. ຕໍ່ສະພາບການດັ່ງກ່າວ, ແຂວງຫຼວງນ້ຳທາຍັງສືບຕໍ່ຕິດ ຕາມສະພາບຝົນ ແລະ ລະດັບນ້ຳຢ່າງໃກ້ຊິດ, ພ້ອມທັງເລັ່ງສຳຫຼວດຄວາມເສຍຫາຍ, ຊ່ວຍເຫຼືອ ແລະ ຟື້ນຟູພື້ນທີ່ ທີ່ປະສົບໄພໃຫ້ກັບຄືນສູ່ສະພາບປົກກະຕິ. ຄະນະນຳຂອງແຂວງ, ປະທານຄະນະກຳມະການຄຸ້ມຄອງໄພພິບັດຂັ້ນ ແຂວງ ຮຽກຮ້ອງມາຍັງອົງການ ຈັດຕັ້ງ, ຫົວໜ່ວຍທຸລະກິດ, ຫ້າງຮ້ານ, ພໍ່ຄ້າຊາວຂາຍ, ພໍ່ແມ່ປະ ຊາຊົນລາວບັນດາເຜົ່າ ແລະ ທຸກພາກສ່ວນຂອງສັງຄົມ ທີ່ມີຄວາມສະດວກແບ່ງປັນນໍ້າໃຈ ເຂົ້າມາໃຫ້ການຊ່ວຍເຫຼືອທາງດ້ານວັດຖຸປັດໄຈ, ເຂົ້າສານອາຫານແຫ້ງ ແລະ ເຄື່ອງໃຊ້ຂອງສອຍຕ່າງໆ ເຂົ້າຊ່ວຍເຫຼືອຜູ້ປະສົບໄພໃນຄັ້ງນີ້ດ້ວຍ. ໂດຍ: ກິດຕາ

news to day and hot news