POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພະຫັດ, ວັນທີ 17 ກັນຍາ 2026

ມູນເຊື້ອອັນພິລະອາດຫານ ແລະ ຜົນງານອັນພົ້ນເດັ່ນ ຂອງໂຮງໝໍສູນກາງ 103 ກອງທັບ ຕະຫຼອດໄລຍະ 50 ປີຜ່ານມາ
ເວລາອອກຂ່າວ: 2026-09-01 09:29:21 | ຜູ້ຂຽນ : admin3 | ຈຳນວນຄົນເຂົ້າຊົມ: 468 | ຄວາມນິຍົມ:

ໂຮງໝໍສູນກາງ 103 ກອງ ທັບປະຊາຊົນລາວ ແມ່ນພາກ ສ່ວນໜຶ່ງທີ່ສຳຄັນຂອງກຳລັງເສນາຮັກ, ກຳເນີດເກີດຂຶ້ນໃນແປວໄຟແຫ່ງການປະຕິວັດ ຕໍ່ສູ້ກູ້ຊາດຕ້ານຈັກກະພັດຜູ້ຮຸກຮານ, ເພື່ອຮັບໃຊ້ກອງທັບ, ຮັບປະກັນສຸຂະພາບໃຫ້ນາຍ ແລະ ພົນທະ ຫານໃນກອງທັບ ໃນການຕໍ່ສູ້ຍາດເອົາໄຊຊະນະ. ນັບແຕ່ມື້ກຳ ເນີດ ໄດ້ຕິດແທດກອງທັບກັບທຸກສະໜາມຮົບທັງໃຫຍ່-ນ້ອຍ, ທຸກພູມີປະເທດທີ່ທຸລະກັນດານ, ເຂດຫ່າງໄກສອກຫຼີກ, ພູສູງເຫວຊັນ, ປະດົງຕຶບໝາ ໄດ້ເຮັດສຳເລັດທຸກ ໜ້າທີ່ ທີ່ກອງທັບມອບໝາຍໃຫ້. ໄປຄຽງຄູ່ກັບການເຕີບໃຫຍ່ຂະ ຫຍາຍຕົວ ຂອງກອງທັບປົດປ່ອຍປະຊາຊົນລາວ, ເຫຼົ່າຮົບເສນາຮັກ ໄດ້ເອົາໃຈໃສ່ປັບປຸງກໍ່ສ້າງກຳລັງເສນາຮັກ ຢ່າງບໍ່ຢຸດຢັ້ງ ແລະ ໄດ້ ຜັນຂະຫຍາຍຕາໜ່າງເຊີດຊູກະ ທັນຫັນຢູ່ທຸກສະໜາມຮົບ, ໃນເບື້ອງຕົ້ນກຳລັງແພດໝໍພວກເຮົາ ມີພຽງແຕ່ແພດປະຈຳສະໜາມ, ແພດສຸກເສີນເຄື່ອນທີ່, ຕໍ່ມາໄດ້ປັບປຸງເປັນໜ່ວຍແພດສະໜາມ, ໜ່ວຍແພດສຸກເສີນເຄື່ອນທີ່, ໜ່ວຍແພດຜ່າຕັດເຄື່ອນທີ່, ໂຮງ ໝໍດ້ານຮົບ ແລະ ໂຮງໝໍເຂດທີ່ໝັ້ນ. ກ່ອນວັນຢຶດອຳນາດທົ່ວປະ ເທດພຽງ 10 ວັນ ຄືວັນທີ ວັນທີ 13 ສິງຫາ 1975, ກອງບັນຊາການສູງສຸດກອງທັບປົດປ່ອຍປະ ຊາຊົນລາວ ໄດ້ຊີ້ນຳຫ້ອງພະລາ ທິການ, ພະແນກເສນາຮັກ ແຕ່ງ ຕັ້ງພະນັກງານເສນາຮັກຈຳ ນວນໜຶ່ງ ເຂົ້າຢຶດເອົາໂຮງໝໍສີສະ ຫວ່າງວົງ, ເຊິ່ງແມ່ນໂຮງໝໍຂອງກອງທັບຝ່າຍຂວາວຽງຈັນ ຢູ່ນະຄອນຫຼວງວຽງຈັນ. ພາຍຫຼັງປະເທດຊາດໄດ້ຮັບ ການປົດປ່ອຍ ແຕ່ໜ້າທີ່ອັນສຳ ຄັນ ແລະ ຫຍຸ້ງຍາກສັບສົນໃນໄລຍະນີ້ ແມ່ນພາລະກິດປົກປັກຮັກສາ ແລະ ສ້າງສາປະເທດຊາດ, ກຳລັງປະຕິວັດ ເຖິງໄດ້ຮັບໄຊຊະນະ ແຕ່ຍັງອ່ອນນ້ອຍ ຢືນຢູ່ໃນສະພາບການ ແລະ ປະເຊີນໜ້າກັບສັດຕູທັງພາຍໃນ ແລະ ພາຍນອກ, ພວກມັນຍັງຊອກທຸກກົນອຸບາຍເພື່ອທຳລາຍມ້າງເພການປະຕິວັດຂອງພວກເຮົາ. ຕໍ່ ໜ້າສະພາບການດັ່ງກ່າວ ກົມການເມືອງ-ສູນກາງພັກ ແລະ ກອງບັນຊາການທະຫານສູງສຸດ ໄດ້ຕົກລົງເອົາສະຖານທີ່ແຫ່ງ ນີ້ ນຳໃຊ້ເປັນບ່ອນກວດ ແລະ ປິ່ນປົວພະຍາດໃຫ້ແກ່ກຳລັງປະ ກອບອາວຸດ ກໍຄືພໍ່ແມ່ປະຊາຊົນບັນດາເຜົ່າ. ມາຮອດວັນທີ 12 ສິງຫາ ປີ 1976 ກອງບັນຊາ ການທະຫານສູງສຸດ ໄດ້ອອກຂໍ້ ຕົກລົງກຳນົດເອົາວັນທີ 12 ສິງ ຫາ 1976 ເປັນວັນສ້າງຕັ້ງໂຮງ ໝໍທະຫານ 103 ຢ່າງເປັນທາງ ການ. ພະນັກງານແພດໝໍຂອງ ໂຮງໝໍໃນເບື້ອງຕົ້ນແມ່ນໄດ້ຍ້າຍມາຈາກໂຮງໝໍ 102 ບ້ານນາຫວີດ ເມືອງວຽງໄຊ ແຂວງຫົວ ພັນ ເຊິ່ງແມ່ນໂຮງໝໍຂອງເສ ນາຮັກ ຫ້ອງພະລາທິການກອງບັນຊາການສູງສຸດກອງທັບປົດ ປ່ອຍປະຊາຊົນລາວ ແລະ ສົມ ທົບກັບແພດໝໍ ຂອງໂຮງໝໍສີສະ ຫວ່າງວົງໃນເມື່ອກ່ອນຈຳນວນໜຶ່ງ. ດັ່ງນັ້ນ, ອາດເວົ້າໄດ້ວ່າໂຮງ ໝໍທະຫານ 103 ແມ່ນສືບເນື່ອງ ມາຈາກໂຮງໝໍ 102 ນາຫວີດ ໃນເມື່ອກ່ອນ. ຕະຫຼອດໄລຍະການປະຕິບັດໜ້າທີ່ການເມືອງຂອງໂຮງໝໍ ເປັນເວລາ 50 ປີ, ໂດຍຜ່ານຜ່າ ທຸກໆອຸປະສັກຫຍຸ້ງຍາກນາໆປະ ການ ພາຍໃຕ້ການຊີ້ນຳໂດຍກົງ ຮອບດ້ານຂອງຫ້ອງພະລາທິ ການໃນເມືອກ່ອນຕໍ່ມາແມ່ນກົມ ໃຫຍ່ພະລາທິການກອງທັບ ແລະ ກະຊວງປ້ອງກັນປະເທດ ໃນປັດຈຸບັນ. ຄະນະພັກ-ຄະນະບັນ ຊາແຕ່ລະໄລຍະໄດ້ມີຄວາມ ສາ ມັກຄີເປັນປຶກແຜ່ນ, ເອົາໃຈໃສ່ປັບປຸງກົມກອງ, ປັບປຸງລະບອບ ແບບແຜນວິທິເຮັດວຽກໃຫ້ກ້າວ ໜ້າທັນສະໄໝ, ເອົາໃຈໃສ່ຍົກສູງ ແລະ ພັດທະນາເຕັກນິກວິຊາການ, ສຸມໃສ່ສ້າງພະນັກງານວິ ຊາການ, ພະນັກງານສືບທອດໃຫ້ ມີຄຸນທາດການເມືອງໜັກແໜ້ນ, ມີວິຊາສະເພາະເຂັ້ມ ແຂງ ແລະ ມີຄວາມຮັບຜິດຊອບສູງ. ນັບແຕ່ປີ 1976-1986 ແມ່ນໄລຍະທີ່ໂຮງໝໍຫາກໍໄດ້ຮັບ ການສ້າງຕັ້ງໃໝ່, ເປັນໄລຍະ ທີ່ຫຍຸ້ງຍາກສັບສົນທີ່ສຸດ, ທັງເຮັດໜ້າທີ່ປັບປຸງໂຮງໝໍ, ທັງກຽມພ້ອມສູ້ຮົບທຸກເວລາ. ໄລ ຍະນີ້ ໜ້າທີ່ສຳຄັນຂອງຄະນະພັກ-ຄະນະອຳນວຍການໂຮງໝໍ ແມ່ນເອົາໃຈໃສ່ສຶກສາອົບຮົມການເມືອງແນວຄິດ, ສ້າງຄວາມສາມັກຄີເປັນປຶກແຜ່ນ, ຍົກສູງນ້ຳໃຈຮັກຊາດ, ກຽມພ້ອມຮັບໃຊ້ຊາດ, ຮັບໃຊ້ປະຊາຊົນ, ເສຍ ສະຫຼະທຸກສິ່ງຢ່າງເພື່ອຜົນປະ ໂຫຍດລວມໝູ່ ແລະ ຜົນປະໂຫຍດ ຂອງປະເທດຊາດ, ເອົາໃຈໃສ່ ປັບປຸງລະບອບລະບຽບ, ແບບ ແຜນວິທີເຮັດວຽກ, ປັບປຸງບັນດາຂໍ້ກຳນົດ, ປັບປຸງການຈັດຕັ້ງ, ສັບ ຊ້ອນແບ່ງໜ້າທີ່ຮັບຜິດຊອບ, ບັນ ຈຸພະນັກງານແພດໝໍ ເຂົ້າໃສ່ແຕ່ລະພະແນກການ ໃຫ້ເໝາະສົມກັບວິຊາສະເພາະ, ເພື່ອກຽມພ້ອມຮັບໃຊ້ປິ່ນປົວ ແລະ ສຸກເສີນທຸກເວລາ. ນອກຈາກປະຕິບັດໜ້າທີ່ວິຊາສະເພາະຢູ່ໃນໂຮງໝໍແລ້ວ, ຍັງໄດ້ສົ່ງພະນັກງານໄປປະຈຳຢູ່ຈຸດສຸມ, ເຂດຊາຍແດນ, ເຂດຫ່າງໄກສອກຫຼີກ, ເຂດຫຼໍ່ແຫຼມ ເພື່ອປະກອບສ່ວນ ຮັບປະກັນໃຫ້ປະເທດຊາດມີຄວາມສະຫງົບ. ການສ້າງຕັ້ງໂຮງໝໍເບື້ອງຕົ້ນ ມີຊື່ວ່າ: ໂຮງໝໍທະຫານ 103, ໄລຍະນີ້ມີພຽງ 300 ຕຽງ, ມີພະນັກງານແພດທັງໝົດ 268 ສະຫາຍ, ມີ 6 ພະແນກການ ຄື: ພະແນກບໍລິຫານ, ພະແນກການເມືອງ, ພະແນກປິ່ນປົວພາຍນອກ, ພະແນກປິ່ນປົວພາຍໃນ, ພະແນກປະສູດ-ພະຍາດຍິງ ແລະ ພະແນກພະຍາດຕິດແປດ. ຄວາມສະມາດທາງດ້ານວິຊາສະເພາະໃນໄລຍະນີ້ ຍັງມີຂອດຈຳກັດ, ສາມາດແກ້ໄຂໄດ້ພະຍາດຂັ້ນພື້ນຖານ ເຊັ່ນ: ບາດແຜສ່ວນອ່ອນ, ຜ່າຕັດແກ້ໄຂບາດແຜຜົ້ງທ້ອງ, ບາດແຜກະດູກ, ຕັດກຸດ, ປິ່ນປົວບາດແຜຊຶມເຊື້ອ, ປິ່ນປົວໄຂ້ຍຸງ, ອັກເສບກະເພາະ-ລຳໄສ້, ອັກເສບປອດ, ປະສູດລູກ, ຜ່າຕັດເອົາລູກອອກ. ຕໍ່ມາໃນຊຸມປີ 80 ໄດ້ມີຫຼາຍທ່ານໝໍຮຽນຈົບມາ ຈາກອະດິດສະຫະພາບໂຊຫວຽດ ແລະ ສສ ຫວຽດນາມ ໄດ້ນຳເອົາຄວາມຮູ້ຄວາມສະມາດ, ປະສົບການ ມາພັດທະນາໂຮງໝໍ ເຮັດໃຫ້ວິຊາການມີຄວາມສາມາດແກ້ໄຂໄດ້ດີຂຶ້ນຕົ້ນຕໍແມ່ນການ ຜ່າຕັດ, ການປິ່ນປົວພະຍາດຍິງ, ພະຍາດເດັກນ້ອຍ, ພະຍາດສະເພາະທາງຫູ-ຕາ-ດັງ-ຄໍ ມີບາດກ້າວດີຂຶ້ນ. ພິເສດໃນໄລຍະນີ້ ໂຮງໝໍໄດ້ຄັດເລືອກສົ່ງພະນັກງານເຂົ້າ ຮ່ວມກ້ອນສ່ວນສະໜາມ ແລະ ເປັນກຳລັງຕົ້ນຕໍ ໃນການຮັກສາ ສຸຂະພາບໃຫ້ແກ່ພິທີສວນສະ ໜາມສະເຫຼີມສະຫຼອງວັນສະຖາ ປະນາ ສປປ ລາວ ຄົບຮອບ 10 ປີ ໃນປີ 1985 ສຳເລັດຢ່າງສະ ງ່າງາມ. ນັບແຕ່ປີ 1986-1996 ເປັນໄລຍະທີ່ໂຮງໝໍ ໄດ້ສຸມໃສ່ປັບປຸງພື້ນຖານໂຄງລ່າງ, ມີການ ຂະຫຍາຍສ້າງຕັ້ງຕື່ມ ບັນດາພະແນກທີ່ຈຳເປັນ ແລະ ແຍກອອກເພື່ອຂະຫຍາຍລົງເລິກພະແນກສະເພາະທາງ ເຊັ່ນ: ພະແນກປິ່ນປົວພະຍາດເດັກ, ພະແນກປິ່ນປົວພະຍາດລະບົບລະລາຍ, ພະແນກປິ່ນປົວພະຍາດຫົວໃຈ-ຂໍ່ກະດູກ-ໄຂ່ຫຼັງ-ຕ່ອມຂັບຍ່ອຍໃນ, ພະແນກປິ່ນປົວລະບົບປະ ສາດ, ພະແນກປິ່ນປົວສຸຂະພາບຈິດ, ພະແນກຜ່າຕັດກະທົບ-ກະ ດູກ, ພະແນກຜ່າຕັດລະບົບລະ ລາຍ, ພະແນກຜ່າຕັດລະບົບຖ່າຍເທ, ພະແນກຜ່າຕັດຜົ້ງເອິກ, ພະແນກຕາ, ພະແນກຫູດັງຄໍ, ພະແນກແຂ້ວຄາງໜ້າ, ພະແນກມໍລະສຸມຟື້ນຟູຊີບ, ພະແນກຫ້ອງກວດເຂດນອກ, ພະແນກຟີຊິກສາດ-ກາຍຍະບຳບັດ ແລະ ພະແນກວິເຄາະ, ພະແນກລັງສີ, ໄດ້ ສ້າງຕັ້ງໃໝ່ພະແນກປິ່ນປົວພະຍາດຕິດແປດ ແລະ ພະແນກປິ່ນ ປົວພະນັກງານ. ໃນຊຸມປີນີ້ ບັນດາພະນັກງານວິຊາການສຳຄັນ ຂອງໂຮງໝໍ ໄດ້ສຳເລັດຍົກລະ ດັບຊ່ຽວຊານ ຂັ້ນ 1 ຈຳນວນໜຶ່ງຈາກວິທະຍາຄານການແພດກອງທັບປະຊາຊົນຫວຽດນາມ ເຮັດໃຫ້ວິຊາການໄດ້ປັບປຸງດີຂຶ້ນ. ອີງຕາມການຂະຫຍາຍຕົວຂອງໂຮງໝໍໃນໄລຍະນີ້ ໂຮງໝໍມີ 400 ຕຽງ, ມີສາຍບັນຊາລວມ ຄື: ຄະນະອຳນວຍການໂຮງໝໍ, ພະແນກບໍລິຫານກອງ, ພະແນກບໍລິຫານການແພດ, ພະແນກການເມືອງ, ພະແນກພະລາ-ເຕັກນິກ, ບັນດາພະແນກການວິຊາສະ ເພາະ ໄດ້ແບ່ງເປັນ 3 ສາຍ ຄື: ສາຍ ກ ແມ່ນສາຍປິ່ນປົວດ້ວຍການຜ່າຕັດ, ສາຍ ຂ ແມ່ນສາຍປິ່ນປົວພະຍາດພາຍໃນ, ສາຍ ຄ ແມ່ນສາຍຊ່ວຍບົ່ງມະຕິ. ໄລ ຍະນີ້ ເກີດບັນຫາຂັດແຍ່ງຊາຍແດນລາວ-ໄທ ເຂດ 3 ໝູ່ບ້ານ, ເຂດບໍ່ແຕນ ແຂວງໄຊຍະບູລີ ເຮັດໃຫ້ເກີດຄວາມບໍ່ສະຫງົບ ແລະ ມີການປະທະທາງດ້ານອາວຸດສົງຄາມ ລະຫວ່າງ 2 ປະເທດ, ໂຮງໝໍທະຫານ 103 ກໍ ໄດ້ປະ ກອບສ່ວນຮັບປະກັນສຸຂະ ພາບ, ແກ້ໄຂສຸກເສີນ ແລະ ປິ່ນປົວບົວ ລະບັດຜູ້ບາດເຈັບ ແລະ ເຈັບປ່ວຍ, ໄດ້ແຕ່ງຕັ້ງພະນັກງານແພດໝໍ ໄປປະຈຳກັບກອງທະ ຫານຕີພິເສດ ຂອບເຂດທີ່ມີສະ ພາບຂັດແຍ່ງ ພ້ອມທັງໄດ້ສົ່ງພະນັກງານແພດໝໍຜູ້ທີ່ມີປະສົບການ ໄປສ້າງຕັ້ງໂຮງໝໍດ້ານຮົບ ເພື່ອຮັບປະກັນການແກ້ສຸກເສີນ ເຊີດຊູຂັ້ນຕົ້ນ, ສ່ວນຢູ່ໂຮງໝໍທະ ຫານ 103 ໄດ້ກາຍເປັນໂຮງໝໍແນວຫຼັງ ເພື່ອຮອງຮັບຜູ້ບາດເຈັບ ແລະ ເຈັບປ່ວຍທີ່ສົ່ງມາແຕ່ແນວໜ້າ. ພ້ອມກັນນັ້ນ, ເພື່ອປະຕິບັດພາລະກິດປົກປັກຮັກສາປະເທດຊາດ ກະຊວງປ້ອງກັນປະເທດ ໄດ້ເພີ່ມທະວີກຳລັງລົງຮາກຖານ ປະຊາຊົນ ປະຈຳແຕ່ລະຈຸດສຸມ ດ້ານຮົບ ໃນຂອບເຂດທີ່ມີການ ເຄື່ອນໄຫວຂອງກຸ່ມຄົນບໍດີ, ກຸ່ມຕໍ່ຕ້ານການປະຕິວັດລາວ ເຊັ່ນ: ດ້ານຮົບບ້ານຊ້ອນ, ເມືອງພູນ, ເມືອງໝອກ, ເມືອງຈ້າ, ເມືອງອ້ອມ, ຈຸດສຸມຖິ່ນອ່ອນ, ນ້ຳເຕົ້າສາມແສນ, ສັນຫຼວງ... ລ້ວນແຕ່ມີພະນັກງານແພດໝໍຂອງໂຮງໝໍທະຫານ 103 ຄຽງຂ້າງຕິດຕາມ ແລະ ຮັກສາສຸຂະພາບ ໃຫ້ແກ່ກອງທັບ ເພື່ອເຮັດໜ້າທີ່ປ້ອງກັນຊາດ.

news to day and hot news