POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອາທິດ, ວັນທີ 09 ສິງຫາ 2026

ຮັບຮອງເອົາ ນົກຂວາ ເປັນສັດປະຈຳແຂວງຫຼວງນ້ຳທາ
ເວລາອອກຂ່າວ: 2026-08-03 09:18:08 | ຜູ້ຂຽນ : admin3 | ຈຳນວນຄົນເຂົ້າຊົມ: 179 | ຄວາມນິຍົມ:

ແຫຼ່ງຂ່າວຈາກ ແຂວງຫຼວງນ້ຳທາ ໃຫ້ຮູ້ວ່າ: ແຂວງຫຼວງນ້ຳທາ ໄດ້ຕົກລົງຮັບຮອງເອົາ ສັດປະເພດ ນົກຂວາ ເປັນສັດປະຈຳແຂວງ,ເຊິ່ງຂໍ້ຕົກລົງດັ່ງກ່າວໄດ້ມີຂຶ້ນ ໃນກອງເຜີຍແຜ່ນິຕິກຳກ່ຽວກັບການພັດທະນາ, ຄຸ້ມຄອງ ແລະ ການຂະຫຍາຍແຜນແມ່ບົດ ວ່າດ້ວຍນົກຂວາ ສັດປະຈຳແຂວງຫຼວງນ້ຳທາ ໃນວັນທີ 28 ກໍລະກົດ 2026 ທີ່ເມືອງຫຼວງນ້ຳທາ ໂດຍມີທ່ານ ຄຳຜາຍ ອຸແປງວົງ ຮອງປະທານຄະນະກຳມະການປົກຄອງເມືອງຫຼວງນ້ຳທາ, ທ່ານ ວຽງຄຳ ໄຊຍະວົງ ຮອງຫົວໜ້າພະແນກວັດທະນະທຳ ແລະ ການທ່ອງທ່ຽວແຂວງຫຼວງນ້ຳທາ ພ້ອມດ້ວຍຫ້ອງການ, 2 ກອງບັນຊາການ ປກຊ-ປກສ, ຄະນະກຳມະການປົກຄອງຕາແສງ, ຫົວໜ່ວຍທຸລະກິດ, ພະນັກງານ-ລັດຖະກອນອ້ອມຂ້າງເມືອງ ແລະ ພາກສ່ວນທີ່ກ່ຽວຂ້ອງ ເຂົ້າຮ່ວມ. ນົກຂວາ ໄດ້ພົບເຫັນຢູ່ໃນເຂດປ່າສະຫງວນຂອງບ້ານ, ເມືອງ, ແຂວງ ແລະ ປ່າສະຫງວນແຫ່ງຊາດນ້ຳຫ້າ, ລັກສະນະຂອງນົກຂວາໂຕຜູ້: ໃບໜ້າມີແຜ່ນໜັງສີແດງເຂັ້ມ, ປາກສີຂາວ, ຕາສີດຳ ແລະ ມີຂົນຫອນເປັນສີດຳຍາວ. ສ່ວນນົກຂວາໂຕແມ່: ໃບໜ້າມີແຜ່ນສີແດງເລັກນ້ອຍ, ມີປາກສີເທົາ, ຕາສີດຳ ແລະ ຫົວມີຂົນຫອນເປັນສີດຳຍາວໄປທາງຫຼັງ, ເປົ້າໝາຍໃນການກຳນົດ ເປັນສັນຍາລັກສັດປະຈຳແຂວງຫຼວງນ້ຳທາ, ສ້າງເປັນອະນຸສອນສະຖານຢູ່ບັນດາສະຖານທີ່ສຳຄັນ ແລະ ແຫຼ່ງທ່ອງທ່ຽວທີ່ໂດດເດັ່ນຂອງແຂວງ ເພື່ອເປັນການ ໂຄສະນາ ແລະ ສົ່ງເສີມການທ່ອງທ່ຽວ ແບບອະນຸລັກປະຊາຊົນມີສ່ວນຮ່ວມ ໃນເຂດປ່າສະຫງວນແຫ່ງຊາດນ້ຳຫ້າ ສ້າງເປັນເຄື່ອງໝາຍການຄ້າ ຫຼື (ໂລໂກ້) ໃຫ້ແກ່ຜະລິດຕະພັນ, ສິນຄ້າ ແລະ ການບໍລິການຂອງແຂວງ, ໃຊ້ເປັນເຄື່ອງໝາຍ (ໂລໂກ້) ຕ່າງໆຂອງອົງການຈັດຕັ້ງພາກລັດ, ພາກເອກະຊົນ, ສ້າງເປັນເຄື່ອງທີ່ລະນຶກ ເພື່ອຈຳໜ່າຍໃຫ້ແກ່ນັກທ່ອງທ່ຽວ ແລະ ອື່ນໆ. ທັງນີ້ກໍເພື່ອເປັນການເອກອ້າງ ເຖິງຄວາມອຸດົມສົມບູນ ທາງດ້ານຊີວະນາໆພັນ ແລະ ລະບົບນິເວດວິທະຍາ ຢູ່ເຂດປ່າສະຫງວນແຫ່ງຊາດນ້ຳຫ້າ ທັງເປັນການໂຄສະນາດຶງດູດນັກທ່ອງທ່ຽວທັງພາຍໃນ ແລະ ຕ່າງປະເທດ ໃຫ້ເຂົ້າມາທ່ອງທ່ຽວນັບມື້ນັບຫຼາຍຂຶ້ນ ເພື່ອສົ່ງເສີມໃຫ້ມີການອະນຸລັກ ແລະ ການຂະຫຍາຍພັນຂອງປະຊາກອນນົກຂວາ ໃຫ້ມີປະລິມານເພີ່ມຂຶ້ນ ລວມທັງພື້ນທີ່ອາໄສຂອງນົກຂວາໃຫ້ມີຄວາມຍືນຍົງ. ສະນັ້ນ, ເພື່ອເປັນການປົກປັກຮັກສາສັດດັ່ງກ່າວ ທາງແຂວງຈະໄດ້ອອກມາດຕະການ ເພື່ອຄຸ້ມຄອງສັດປະຈຳແຂວງ (ນົກຂວາ), ພ້ອມທັງມີມາດຕະ ການ ຕໍ່ຜູ້ລະເມີດບຸກຄົນ, ນິຕິບຸກຄົນ ກໍຄື: ການລ່າ ຫຼື ຊື້-ຂາຍ, ມີໄວ້ຄອບຄອງ, ເຂົ້າໄປລ່າສັດເຂດປ່າສະຫງວນຫວງຫ້າມ, ການໃຊ້ກັບ-ດັກ, ແຮ້ວ ແລະ ເຄື່ອງມືລ່າສັດຕ່າງໆແບບດັບສູນ, ຖ້າຫາກພົບເຫັນທ່ານໃດລະເມີດ ຈະຖືກກ່າວເຕືອນ, ສຶກສາອົບຮົມ, ລົງວິໄນ, ປັບໃໝ, ຮັບຜິດຊອບທາງແພ່ງ ຫຼື ທາງອາຍາ ຕາມແຕ່ລະກໍລະນີ.

news to day and hot news