POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອັງຄານ, ວັນທີ 18 ສິງຫາ 2026

ແມ່ຍິງລາວ ຍາມໃດກໍອຸທິດສະຕິປັນຍາ ແລະ ເຫື່ອແຮງ ຄຽງບ່າຄຽງໄຫຼ່ກັບເພດຊາຍ ດ້ວຍຄວາມອົງອາດກ້າຫານ
ເວລາອອກຂ່າວ: 2026-07-21 09:13:30 | ຜູ້ຂຽນ : admin1 | ຈຳນວນຄົນເຂົ້າຊົມ: 151 | ຄວາມນິຍົມ:

ຕະຫຼອດໄລຍະເວລາ 71 ປີແຫ່ງການເຕີບໃຫຍ່ຂະຫຍາຍຕົວ, ແມ່ຍິງລາວ ໄດ້ຈາລຶກຜົນງານອັນຍິ່ງໃຫຍ່ໄວ້ໃນປະຫວັດສາດຂອງຊາດ, ນັບຕັ້ງແຕ່ໄລຍະສົງ ຄາມກູ້ຊາດ, ເອື້ອຍນ້ອງແມ່ຍິງ ໄດ້ເສຍສະຫຼະອຸທິດເຫື່ອແຮງ ແລະ ສະຕິປັນຍາ ເຂົ້າຮ່ວມການຕໍ່ສູ້ຄຽງບ່າຄຽງໄຫຼ່ກັບເພດຊາຍດ້ວຍຄວາມອົງອາດກ້າຫານ, ພາຍໃຕ້ການນຳພາ-ຊີ້ນຳຢ່າງໃກ້ຊິດ ຂອງພັກປະຊາຊົນປະຕິວັດລາວ, ອົງການຈັດຕັ້ງແມ່ຍິງ ໄດ້ຖືກສ້າງຕັ້ງຂຶ້ນເພື່ອເປັນຄັນທຸງຮວບຮວມເອົາແຮງງານ ແລະ ນ້ຳໃຈຮັກຊາດ ຂອງແມ່ຍິງທົ່ວປະເທດ ເຂົ້າໃນພາລະກິດປົດປ່ອຍຊາດ ໃນເວລານັ້ນ, ເອື້ອຍນ້ອງແມ່ຍິງ ໄດ້ສະແດງໃຫ້ເຫັນເຖິງຄວາມເດັດດ່ຽວໜຽວແໜ້ນ, ບໍ່ຍອມຈຳນົນ ແລະ ປົກປິດຄວາມລັບ ຂອງປະຕິວັດຢ່າງເດັດຂາດ ເຊິ່ງເປັນການສ້າງຊື່ສຽງ ແລະ ກຽດຕິຍົດອັນສູງສົ່ງ ໃຫ້ແກ່ແມ່ຍິງລາວມາເຖິງປັດຈຸບັນ. ເນື່ອງໃນໂອກາດວັນສ້າງຕັ້ງສະຫະພັນແມ່ຍິງລາວ ຄົບຮອບ 71 ປີ (20 ກໍລະກົດ 1955-20 ກໍລະກົດ 2026), ສະຫາຍ ພັນໂທ ນາງ ອຳມະລາ ຄຳບຸນເຮືອງ ຫົວໜ້າພະແນກສະຫະພັນແມ່ຍິງ ຫ້ອງວ່າການກະຊວງປ້ອງກັນປະເທດ ໄດ້ສະແດງທັດສະນະ ຂອງຕົນຕໍ່ວັນສຳຄັນດັ່ງກ່າວວ່າ: ໃນຕະຫຼອດໄລຍະຜ່ານມາ ມີແມ່ຍິງລາວຈຳນວນຫຼວງຫຼາຍ ທີ່ໄດ້ຮັບການຄັດເລືອກໃຫ້ເປັນບຸກຄົນແບບຢ່າງດີເດັ່ນໃນການປະກອບສ່ວນປົກປັກຮັກສາ ແລະ ສ້າງສາພັດທະນາປະເທດຊາດ ຜົນງານທີ່ເປັນປະຈັກຕາ ແລະ ສ້າງຄວາມພາກພູມໃຈໃຫ້ແກ່ສັງ ຄົມ ເຊິ່ງຢືນຢັນເຖິງການສົ່ງເສີມສິດສະເໝີພາບ ລະຫວ່າງຍິງ-ຊາຍ ຢ່າງແທ້ຈິງ ຄືການທີ່ແມ່ຍິງລາວ ໄດ້ຮັບຄວາມໄວ້ເນື້ອເຊື້ອໃຈຈາກການນຳພາ ຂອງພັກ-ລັດ ໃຫ້ດຳລົງຕຳແໜ່ງທີ່ສຳຄັນໃນກົນໄກບໍລິຫານປະເທດ ເປັນຕົ້ນແມ່ນຮອງປະທານປະເທດ, ປະ ທານສະພາແຫ່ງຊາດ, ລັດຖະ ມົນຕີ, ຮອງລັດຖະມົນຕີ ແລະ ຕຳແໜ່ງບໍລິຫານລະດັບສູງອື່ນໆ ອີກເປັນຈຳນວນຫຼວງຫຼາຍ. ໃນຍຸກໂລກາພິວັດ ເຖິງແມ່ນ ວ່າໃນປັດຈຸບັນ, ກະແສວັດທະ ນະທຳຕ່າງຊາດຈະແຜ່ຂະຫຍາຍຢ່າງກວ້າງຂວາງ ແລະ ສົ່ງຜົນກະທົບຕໍ່ຄ່ານິຍົມຂອງສັງຄົມ, ແຕ່ສຳລັບ ສປປ ລາວ ຍ້ອນການ ເອົາໃຈໃສ່ຊີ້ນຳຢ່າງໃກ້ຊິດ ຂອງພັກ-ລັດ ກໍຄືສະຫະພັນແມ່ຍິງລາວທຸກຂັ້ນ ທີ່ໄດ້ສຸມທຸກສະຕິປັນຍາເຂົ້າໃນວຽກງານສຶກສາ ອົບຮົມການເມືອງ-ນຳພາແນວ ຄິດ, ສອດຫ້ອຍເຂົ້າກັບທຸກຂົງ ເຂດວຽກງານ ຈຶ່ງເຮັດໃຫ້ແມ່ຍິງລາວ ມີສະຕິຕື່ນຕົວ, ຮູ້ຈັກກັ່ນຕອງ ແລະ ບໍ່ຕົກເປັນເຄື່ອງມືຂອງກຸ່ມຄົນບໍ່ຫວັງດີ. ພ້ອມກັນນັ້ນ, ຍັງສາມາດປົກປັກຮັກສາມູນເຊື້ອອັນດີງາມ ຂອງຊາດ, ຮີດຄອງປະເພນີຂອງແມ່ຍິງລາວ. ໃນປີ 2026 ບັນຍາກາດການສະເຫຼີມສະຫຼອງວັນປະ ຫວັດສາດດັ່ງກ່າວ ແມ່ນໄດ້ດຳ ເນີນໄປຢ່າງຟົດຟື້ນ ແລະ ມີຄວາມ ໝາຍເລິກເຊິ່ງນັບແຕ່ຂັ້ນ ສູນກາງຈົນຮອດທ້ອງຖິ່ນ ເວົ້າສະເພາະໃນຂົງເຂດກອງທັບ, ພະແນກສະ ຫະພັນແມ່ຍິງ ຫ້ອງວ່າການກະ ຊວງປ້ອງກັນປະເທດ ພາຍໃຕ້ ການຊີ້ນຳຢ່າງໃກ້ຊິດຂອງ ຫ້ອງ ການສະຫະພັນແມ່ຍິງກອງທັບ ໄດ້ເປັນເຈົ້າການຮ່ວມກັບຮາກຖານ ແລະ ໜ່ວຍສະຫະພັນແມ່ຍິງທີ່ຂຶ້ນກັບ ຈັດກິດຈະກຳ “ງານຕະຫຼາດນັດແມ່ຍິງກອງທັບ” ພາຍໃນງານໄດ້ມີການນຳເອົາຜະ ລິດຕະພັນອຸປະໂພກ-ບໍລິໂພກ, ເຄື່ອງຫັດຖະກຳ, ສິ້ນ, ເສື້ອແຜ່ ວັດທະນະທຳ, ອາຫານພື້ນເມືອງ ລວມເຖິງການບໍລິການດ້ານໂທ ລະຄົມມະນາຄົມມາວາງສະແດງ ແລະ ຈຳໜ່າຍ ເຊິ່ງໄດ້ຮັບຄວາມນິຍົມ ແລະ ການສະໜັບສະໜູນຈາກແຂກ ທັງພາຍໃນ ແລະ ພາຍນອກກອງທັບຢ່າງຫຼວງຫຼາຍ, ກິດຈະກຳດັ່ງກ່າວ ບໍ່ພຽງແຕ່ເປັນການຂ່ຳນັບຮັບຕ້ອນວັນສ້າງຕັ້ງສະຫະພັນແມ່ຍິງລາວເທົ່ານັ້ນ, ແຕ່ຍັງເປັນການຮັດແໜ້ນຄວາມສາມັກຄີຮັກແພງ ລະຫວ່າງ ເອື້ອຍນ້ອງແມ່ຍິງແຕ່ລະກົມກອງ ໃຫ້ມີຄວາມສະໜິດສະໜົມ ແລະ ໜັກແໜ້ນຂຶ້ນຕື່ມ. ເນື່ອງໃນໂອກາດອັນສະຫງ່າລາສີນີ້, ສະຫາຍ ພັນໂທ ນາງ ອຳມະລາ ຄຳບຸນເຮືອງ ຕາງໜ້າໃຫ້ພະນັກງານ, ສະມາຊິກສະຫະພັນແມ່ຍິງ ທົ່ວຫ້ອງວ່າການກະຊວງປ້ອງກັນປະເທດ ໄດ້ກ່າວອວຍ ພອນໄຊອັນປະເສີດມາຍັງ ຄະນະນຳສະຫະພັນແມ່ຍິງລາວ, ຄະນະນຳຫ້ອງການສະຫະພັນແມ່ຍິງກອງທັບ ຕະຫຼອດຮອດແມ່ຍິງລາວບັນດາເຜົ່າໃນຂອບເຂດທົ່ວ ປະເທດ ຈົ່ງມີສຸຂະພາບແຂງ ແຮງ, ພະລານາໄມສົມບູນ, ມີຄວາມຜາສຸກໃນຊີວິດສ່ວນຕົວ ແລະ ຄອບຄົວ ພ້ອມກັນສືບຕໍ່ສູ້ຊົນເຮັດສຳເລັດໜ້າທີ່ການເມືອງທີ່ການຈັດຕັ້ງມອບໝາຍໃຫ້ ແລະ ພ້ອມກັນປົກປັກຮັກສາ, ເສີມຂະ ຫຍາຍມູນເຊື້ອອັນດີງາມ ຂອງແມ່ຍິງລາວໃຫ້ຍືນຍົງຄົງໝັ້ນຄູ່ຊາດລາວຕະຫຼອດໄປ. ໂດຍ: ໜູແດງ

news to day and hot news