ວັນອັງຄານ, ວັນທີ 18 ສິງຫາ 2026
ຫ້ອງສຶກສາ ໂຮງຮຽນກໍ່ສ້າງນາຍສິບ ເລກ 2 ວຽງໄຊ ສ້າງໄດ້ຜົນງານຫຼາຍດ້ານ
ເວລາອອກຂ່າວ: 2026-07-21 09:11:36 | ຜູ້ຂຽນ : admin1 | ຈຳນວນຄົນເຂົ້າຊົມ: 150 | ຄວາມນິຍົມ: 
ສະຫາຍ ພັນເອກ ຄູຂັນ ແກ້ວບຸນມີ ຄະນະພັກໂຮງຮຽນ, ຫົວໜ້າຫ້ອງສຶກສາໂຮງຮຽນ ກໍ່ສ້າງນາຍສິບເລກ 2 ວຽງໄຊ ໃຫ້ຮູ້ວ່າ: ການຈັດຕັ້ງປະຕິບັດວຽກງານການເຄື່ອນໄຫວໃນໄລຍະ 6 ເດືອນຜ່ານມາ ຫ້ອງສຶກສາ ແມ່ນມີບົດບາດສຳຄັນໃນ ການກໍ່ສ້າງຮຸ່ນສືບທອດ ໃຫ້ກອງ ທັບຕາມທິດຊີ້ນຳຂອງກະຊວງປ້ອງກັນປະເທດ ແລະ ປະຕິບັດວຽກງານໂດຍປິ່ນອ້ອມ 4 ໜ້າທີ່ໃຫຍ່ 26 ແຜນງານທີ່ຄະນະພັກກະຊວງປ້ອງກັນປະເທດວາງອອກ ແລະ ໄດ້ຖືສຳຄັນໃນການສຶກສາອົບຮົມການເມືອງ-ນຳພາແນວຄິດເປັນກົກໃນການກໍ່ສ້າງຊ່ວຍເຫຼືອເຊີ່ງກັນ ແລະ ກັນ, ພະ ນັກງານ-ນັກຮົບເຂົ້າໃຈແຈ້ງຕໍ່ ແນວທາງນະໂຍບາຍຂອງພັກ- ລັດ ກໍຄືກອງທັບ.
ວຽກງານຮັບ ປະກັນເຮັດໃຫ້ສະພາບມີຄວາມສະຫງົບໄດ້ຈັດຕັ້ງປະຈຳການ 3 ຂັ້ນຕາມຄຳສັ່ງຂອງຂັ້ນເທິງເຮັດໃຫ້ສະພາບກົມກອງມີຄວາມສະຫງົບປອດໄພ 100% ແລະ ໄດ້ຫັນລົງກໍ່ສ້າງຮາກຖານຕາມຂອບເຂດຄວາມຮັບຜິດຊອບເຫັນວ່າມີຄວາມສະຫງົບໂດຍພື້ນຖານ.
ດ້ານວຽກງານວິຊາສະເພາະ ໄດ້ເອົາໃຈໃສ່ຢ່າງຕັ້ງໜ້າໃນການ ສິດສອນສົ່ງຄວາມຮູ້ໃຫ້ນັກຮຽນ ສາມາດປະເມີນໄດ້ດັ່ງນີ້: ນັກ ຮຽນຊັ້ນ ມ 6 ເສັງໄດ້ 100%, ຊັ້ນ ມ 7 ມີໜ້າສອບເສັງ 296 ສະຫາຍ,ໄດ້ໃບປະກາດແດງ 1 ສະຫາຍ, ສ້າງນັກຮຽນເກັ່ງໄປ ສອບເສັງຂັ້ນເມືອງ 4 ສະຫາຍ ຍາດໄດ້ອັນດັບ 1 ສອງວິຊາ, ອັນ ດັບ 2 ສອງວິຊາ, ສ້າງຄູສອນ ດີ-ສອນເກັ່ງໄດ້ 50 ສະຫາຍ ແລະ ສ້າງພະນັກງານແຂງໄດ້ 100%. ວຽກງານອົງການຈັດຕັ້ງມະຫາ ຊົນສ້າງຊາວໜຸ່ມນຳໜ້າ 4 ບຸກໄດ້ 49 ສະຫາຍເທົ່າກັບ 92,45%, ແມ່ຍິງ 3 ດີປະເພດ 1 ໄດ້ 83 ສະຫາຍ ແລະ ສາ ມາດສ້າງລາຍຮັບເຂົ້າຄັງຫ້ອງ ໄດ້ 18.978.000 ກີບ. ນອກ ນັ້ນ, ຍັງໄດ້ໄດ້ປະຕິບັດນະໂຍ ບາຍຕໍ່ພະນັກງານ-ຄູອາຈານ ທີ່ ເຈັບເປັນເຂົ້າໂຮງໝໍ ແລະ ອື່ນໆ ຕາມຄວາມເໝາະສົມ ຈາກຜົນ ງານທີ່ກ່າວມານັ້ນມີພະນັກງານ-ນັກຮົບພາຍໃນຫ້ອງໄດ້ຮັບການຍ້ອງຍໍປະເພດຕ່າງໆ.
ສະຫາຍ ພັນເອກ ຄູຂັນ ແກ້ວບຸນມີ ຍັງກ່າວຕື່ມອີກວ່າ: ໃນຕໍ່ໜ້າແມ່ນຈະໄດ້ພ້ອມກັນຍົກສູງຄວາມຮັບຜິດຊອບຕໍ່ໜ້າທີ່ການເມືອງ ແລະ ວິຊາສະເພາະໃຫ້ເລິກເຊິ່ງຕໍ່ວຽກງານການສຶກສາໃນໄລຍະໃໝ່, ຮັດແໜ້ນຄວາມສາມັກຄີພາຍໃນໃຫ້ແໜ້ນແຟ້ນ, ມີແບບແຜນວິທີເຮັດວຽກທີ່ສອດຄ່ອງກັບວິທະຍາສາດ, ເອົາໃຈໃສ່ຄົ້ນຄວ້າ ສິດສອນ, ຖອດຖອນບົດຮຽນ ແລະ ອອກແຮງແຂ່ງຂັນກັນສ້າງຕົນເອງກາຍເປັນຄູສອນດີ, ສອນເກັ່ງ, ສ້າງນັກຮຽນໃຫ້ກາຍເປັນນັກຮຽນດີ-ຮຽນເກັ່ງ ຮັບປະກັນໃຫ້ໄດ້ທັງປະລິມານ ແລະ ຄຸນນະພາບ.
ໂດຍ: ຄຳແປງ ຟອງສາຍໄໝ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
