ວັນອັງຄານ, ວັນທີ 18 ສິງຫາ 2026
ກອງພັນໃຫຍ່ 279 ປະດັບຫຼຽນໄຊ ແລະ ຍ້ອງຍໍຜົນງານ 5 ປີ
ເວລາອອກຂ່າວ: 2026-07-21 09:05:20 | ຜູ້ຂຽນ : admin1 | ຈຳນວນຄົນເຂົ້າຊົມ: 109 | ຄວາມນິຍົມ: 
ວັນທີ 14 ກໍລະກົດ 2026 ນີ້, ກອງພັນໃຫຍ່ 279 ໄດ້ຈັດພິທີ ປະດັບຫຼຽນໄຊ, ຫຼຽນກາ ແລະ ມອບໃບຍ້ອງຍໍຜົນງານ 5 ປີ, ເນື່ອງໃນໂອກາດສະເຫຼີມສະ ຫຼອງວັນສ້າງຕັ້ງກອງທັບປະ ຊາຊົນລາວ ຄົບຮອບ 75 ປີ, ຜົນ
ງານປ້ອງກັນກອງປະຊຸມອາຊຽນ ຄັ້ງທີ 44-45, ຜົນງານປ້ອງກັນຊ້ອມຮົບລາວໂຣດ ລາວ-ລັດເຊຍ ແລະ ຜົນງານຮັບໃຊ້ກອບກູ້ໄພພິບັດ ລາວ-ຫວຽດນາມ-ກຳປູເຈຍ, ໂດຍການເປັນປະທານຂອງສະຫາຍ ພັນເອກ ເມກສະຫວັນ ແກ້ວດວງດີ ເລຂາຄະນະພັກ ຫົວໜ້າການ ເມືອງ ກອງພັນໃຫຍ່ 279, ມີຄະນະພັກ-ຄະນະບັນຊາ ກອງພັນໃຫຍ່, ພະແນກການ, ກອງພັນ, ກອງຮ້ອຍເອກະລາດ ພ້ອມດ້ວຍພະນັກງານ-ນັກຮົບ ທົ່ວກົມກອງເຂົ້າຮ່ວມ.
ສະຫາຍ ພັນໂທ ອຳໄພ ຄຳວິສອນ ຄະນະພັກກອງພັນໃຫຍ່ ຮອງຫົວໜ້າພະແນກການເມືອງ ກອງພັນໃຫຍ່ 279, ໄດ້ຂຶ້້ນຜ່ານລັດຖະດຳລັດຂອງປະທານປະເທດແຫ່ງ ສປປ ລາວ ວ່າດ້ວຍການປະດັບຫຼຽນໄຊແຮງງານໃຫ້ແກ່ນາຍ ແລະ ພົນທະຫານ ຢູ່ກອງພັນໃຫຍ່ 279 ທີ່ມີຜົນງານດີເດັ່ນ ປະກອບສ່ວນເຂົ້າໃນການປະຕິບັດໜ້າທີ່ວຽກງານປ້ອງກັນຊາດ-ປ້ອງກັນຄວາມສະຫງົບ ຕະຫຼອດໄລຍະ 5 ປີ (2019-2024) ໃນນີ້ໄດ້ປະດັບຫຼຽນໄຊແຮງງານ ຊັ້ນ II ຈຳນວນ 30 ສະຫາຍ, ຊັ້ນ III ຈຳນວນ 74 ສະຫາຍ, ຜ່ານດຳລັດຂອງນາຍົກລັດຖະມົນຕີ ວ່າດ້ວຍການປະດັບຫຼຽນກາແຮງງານ ໃຫ້ນາຍແລະ ພົນທະຫານ ຢູ່ກອງພັນໃຫຍ່ 279 ຈຳນວນ 225 ສະຫາຍ, ມອບໃບຍ້ອງຍໍລັດຖະບານ 190
ສະຫາຍ, ພ້ອມທັງ ຜ່ານລັດຖະດຳ ລັດວ່າດ້ວຍການປະດັບຫຼຽນໄຊແຮງງານຂອງປະທານປະເທດ ໃຫ້ນາຍ ແລະ ພົນທະຫານຢູ່ກອງພັນໃຫຍ່ 279, ທີ່ມີຜົນງານດີເດັ່ນປະກອບສ່ວນເຫຼື່ອແຮງ, ສະຕິປັນຍາ ເຂົ້າໃນບັ້ນກະກຽມ ແລະ ດຳເນີນການເປັນປະທານອາຊຽນຂອງ ສປປ ລາວ ໃນປີ 2024 ໂດຍສະເພາະ ກອງປະຊຸມສຸດຍອດອາຊຽນ ຄັ້ງທີ 44-45 ແລະ ກອງປະຊຸມສຸດຕ່າງໆ ທີ່ກ່ຽວຂ້ອງຂອງອາຊຽນໃນໄລຍະຜ່ານມາ ໃນນີ້, ປະດັບຫຼຽນໄຊແຮງງານຊັ້ນ II ຈຳນວນ 3 ສະຫາຍ, ຫຼຽນໄຊແຮງງານຊັ້ນ III ຈຳນວນ 51 ສະຫາຍ ແລະ ຜ່ານດຳລັດຂອງນາຍົກລັດຖະມົນຕີ ວ່າດ້ວຍການປະດັບຫຼຽນກາແຮງານ ໃຫ້ນາຍ ແລະ ພົນທະຫານ ຢູ່ກອງພັນໃຫຍ່ 279 ໃນນີ້ໄດ້ຮັບຫຼຽນກາແຮງງານ ຈຳນວນ 79 ສະຫາຍ ແລະ ມອບໃບຍ້ອງຍໍລັດຖະບານ ຈຳນວນ 272 ສະຫາຍ, ຜ່ານຂໍ້ຕົກລົງ ຂອງກະຊວງປ້ອງກັນ ວ່າດ້ວຍການມອບຫຼຽນໄຊພິລະອາດຫານ ແລະ ໃບຍ້ອງຍໍ ເພື່ອຍ້ອງຍໍສັນລະເສີນຜົນງານ ໃຫ້ແກ່ຄະນະຊີ້ນຳຝຶກຊ້ອມກອບກູ້ໄພພິບັດກອງທັບປະຊາຊົນລາວ ທີ່ມີຜົນງານດີເດັ່ນໃນການເຂົ້າຮ່ວມຫັດແອບຝຶກຊ້ອມກອບກູ້ໄພພິບັດຮ່ວມລະຫວ່າງ 3 ກອງທັບ, ກອງທັບປະຊາຊົນລາວ- ກອງທັບຣາຊະອານາຈັກກຳປູເຈຍ-ກອງທັບປະຊາຊົນຫວຽດນາມ ປີ 2025 ແລະ ຜົນງານປ້ອງກັນຊ້ອມຮົບ ລາວໂຣດ ລາວ-ລັດເຊຍ ໃນໄລຍະຜ່ານມາ ກະຊວງປ້ອງກັນປະເທດ ຕົກລົງ ມອບຫຼຽນໄຊພິລະອາດຫານຊັ້ນ III ໃຫ້ກອງພັນໃຫຍ່ 279 ຈຳນວນ 18 ສະຫາຍ ແລະ ມອບໃບຍ້ອງຍໍກະຊວງປ້ອງກັນປະເທດ ຈຳນວນ 34 ສະຫາຍຢ່າງສົມກຽດ.
ໂດຍ: ສາຄອນ ສຸລິເຍດ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
