ວັນອັງຄານ, ວັນທີ 21 ກໍລະກົດ 2026
ນາຍົກລັດຖະມົນຕີ ຊູແອດ ຕ້ອນຮັບ ທ່ານ ຫວາງຢີ້
ເວລາອອກຂ່າວ: 2026-07-09 09:30:16 | ຜູ້ຂຽນ : admin3 | ຈຳນວນຄົນເຂົ້າຊົມ: 209 | ຄວາມນິຍົມ: 
ເມື່ອຕົ້ນອາທິດນີ້, ຢູ່ນະ ຄອນຫຼວງສະຕັອກໂຮມ ຂອງຊູແອດ, ທ່ານ ອູລຟ໌ ຄຣີສເຕີສັນ ນາຍົກລັດຖະມົນຕີຊູແອດ ໄດ້ຕ້ອນຮັບການເຂົ້າຢ້ຽມຄຳນັບຂອງທ່ານ ຫວາງຢີ້ ກຳມະການກົມການເມືອງສູນກາງພັກກອມມູນິດຈີນ ທັງເປັນ ລັດຖະມົນຕີກະຊວງການຕ່າງປະເທດ ສປ ຈີນ.
ໂອກາດນີ້, ທ່ານ ອູລຟ໌ ຄຣີສເຕີສັນ ໄດ້ຝາກຄຳອວຍພອນໄຊອັນປະເສີດຜ່ານ ທ່ານ ຫວາງຢີ້ ເຖິງຜູ້ນຳຈີນ, ແລະ ກ່າວວ່າ: ການແລກປ່ຽນກັນດ້ວຍໄມຕີຈິດມິດຕະພາບ ລະຫວ່າງ ຊູແອດ ແລະ ຈີນ ກໍຄືປະຊາຊົນສອງຊາດມີປະຫວັດສາດຍາວນານ, ຊູແອດ ຊື່ນຊົມຕໍ່ວັດທະນະທຳ ແລະ ຈິດໃຈການປະດິດສ້າງໃໝ່ຂອງຈີນ, ທັງຍ້ອງຍໍຊົມເຊີຍຕໍ່ຈີນທີ່ໄດ້ຮັບໝາກຜົນໃນການພັດທະນາອັນໂດດເດັ່ນ. ລັດຖະບານຊູແອດ ຍຶດໝັ້ນນະໂຍບາຍປະເທດຈີນດຽວ, ຍິນດີເພີ່ມທະວີການສົນທະນາກັບຈີນ, ເປີດກວ້າງຄວາມຮັບຮູ້ທີ່ເປັນເອກະພາບກັນອັນສຳຄັນລະຫວ່າງສອງຝ່າຍ, ຊຸກຍູ້ການຮ່ວມມືແບບຕ່າງຝ່າຍຕ່າງໄດ້ຮັບຜົນປະໂຫຍດ ແລະ ມີອະນານົດອັນສົດໃສໃນຂົງເຂດຕ່າງໆ. ຊູແອດ ສະໜັບສະໜູນການເພີ່ມທະວີການສົນທະນາກັນລະຫວ່າງສະຫະພາບເອີຣົບ-ຈີນ ເພື່ອແກ້ໄຂຄວາມເຫັນທີ່ຂັດແຍ້ງກັນ ລະຫວ່າງ ສອງຝ່າຍໃຫ້ເໝາະສົມ.
ທ່ານ ຫວາງຢີ້ ກ່າວວ່າ: ພັກກອມມູນິດຈີນ ສາມາດນຳພາປະຊາຊົນຈີນ 1,4 ຕື້ກວ່າຄົນຫຼຸດພົ້ນອອກຈາກຄວາມທຸກຍາກຢ່າງສິ້ນເຊີງ ແລະ ກ້າວຂຶ້ນສູ່ເສັ້ນທາງແຫ່ງຄວາມທັນສະໄໝ. ນີ້ແມ່ນໝາກຜົນອັນຍິ່ງໃຫຍ່ຂອງການພັດທະນາທີ່ກ້າວໜ້າຂອງມວນມະນຸດ. ຈີນສຸມກຳລັງເດີນຕາມເສັ້ນທາງການພັດທະນາໂດຍສັນຕິ, ເປັນປະເທດໃຫຍ່ທີ່ມີການບັນທຶກທີ່ດີທີ່ສຸດໃນດ້ານຂົງເຂດສັນຕິພາບ ແລະ ຄວາມໝັ້ນຄົງ. ຈີນເປີດກວ້າງການເປີດປະຕູສູ່ພາຍນອກໃນລະດັບສູງຢ່າງຕໍ່ເນື່ອງ, ແບ່ງປັນຜົນປະໂຫຍດຈາກຕະຫຼາດຈີນກັບປະເທດຕ່າງໆ, ເປັນເຄື່ອງຈັກຕົ້ນຕໍໃນການເຕີບໂຕຂອງໂລກ. ຈີນ ເດັດດ່ຽວປົກປ້ອງລັດທິຫຼາຍຝ່າຍ ແລະ ການຄ້າເສລີ, ສະໜັບສະໜູນປະເທດຕ່າງໆ ເດີນຕາມເສັ້ນທາງການພັດທະນາທີ່ສອດຄ່ອງກັບສະພາບແຫ່ງຊາດຂອງປະເທດຕົນ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
