ວັນອັງຄານ, ວັນທີ 21 ກໍລະກົດ 2026
ອີຣານ ທຳລາຍ “ກຸ່ມກໍ່ການຮ້າຍ ແລະ ຫົວຮຸນແຮງ” ທີ່ກ່ຽວຂ້ອງກັບຝ່າຍກົງກັນຂ້າມ
ເວລາອອກຂ່າວ: 2026-07-09 09:27:44 | ຜູ້ຂຽນ : admin3 | ຈຳນວນຄົນເຂົ້າຊົມ: 183 | ຄວາມນິຍົມ: 
ເມື່ອບໍ່ດົນມານີ້, ອົງການຂ່າວລັບອີຣານ ອອກຖະແຫຼງ ການວ່າ: ພາກສ່ວນປ້ອງກັນຄວາມໝັ້ນຄົງຂອງອີຣານ ໄດ້ທຳລາຍ “ກຸ່ມກໍ່ການຮ້າຍ ແລະ ຫົວຮຸນແຮງ” 4 ກຸ່ມ ທີ່ກ່ຽວຂ້ອງກັບອົງການຂ່າວລັບຂອງອາເມຣິກາ ແລະ ອິດສະຣາແອນ.
ຖະແຫຼງການດັ່ງກ່າວລະບຸວ່າ: ອົງການຂ່າວລັບອີຣານ ຮ່ວມມືກັບກອງປ້ອງກັນການປະຕິວັດອິສລາມອີຣານ ແລະ ກອງຕຳຫຼວດແຫ່ງຊາດອີຣານ ດຳເນີນການເຄື່ອນໄຫວຫຼາຍເທື່ອຢູ່ນະຄອນຊາເຮດານ ເທສະບານແຂວງຊິສຕານ-ບາລຸເຊສຕານ ແລະ ສະຖານທີ່ອື່ນໆຂອງອີຣານ ໂດຍໄດ້ຈັບກຸມສະມາຊິກ ຫຼັກຂອງໜ່ວຍງານການເຄື່ອນ ໄຫວ 5 ຄົນ ພ້ອມທັງສັງຫານຜູ້ປະກອບອາວຸດ 2 ຄົນ. ນອກນັ້ນ, ຍັງໄດ້ຄົ້ນພົບ ແລະ ທຳລາຍອີກໜ່ວຍງານການເຄື່ອນໄຫວທີ່ປະກອບດ້ວຍ 5 ຄົນ ເຊິ່ງຖືກສົງໄສເຂົ້າຮ່ວມການໂຈມຕີພາກສ່ວນການທະຫານ ແລະ ອົງການຕຸລາການ.
ປັດຈຸບັນ, ທາງການອີຣານ ລາຍງານວ່າ ກຳລັງຢູ່ໃນໄລຍະໄວ້ທຸກ ຫຼື ພິທີສົ່ງສະການຂອງອະດີດຜູ້ນຳສູງສຸດດ້ານຈິດວິນຍານ ພ້ອມພັນລະຍາ ແລະ ລູກຫຼານ ທີ່ເສຍຊີວິດໃນບັ້ນຫຼອນໂຈມຕີຂອງ ອາເມຣິກາ ແລະ ອິດສະຣາແອນ, ເມື່ອຄັ້ງວັນທີ 28 ກຸມພາ ທີ່ຜ່ານມາ, ເຊິ່ງພິທີແຫ່ສົບຈະເດີນທາງໄປຫຼາຍເມືອງ ແລະ ຫຼາຍສະຖານທີ່ ຈະໃຊ້ເວລາເປັນອາທິດຈິ່ງຈະສຳເລັດ. ດັ່ງນັ້ນ, ໃນໄລຍະນີ້ ອີຣານ ຈະບໍ່ມີການດຳເນີນການສົນທະນາເຈລະຈາໃດໆ ກັບ ອາເມຣິກາ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
