POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 13 ກໍລະກົດ 2026

ສິບຕີ ເອີດ ທຳມະວົງພອນ ນັກຮົບຜູ້ດຸໝັ່ນ ເພີ່ມພູນຜະລິດຜົນ ສາມາດສ້າງລາຍຮັບໄດ້ 60-70 ລ້ານກີບຕໍ່ປີ
ເວລາອອກຂ່າວ: 2026-07-09 09:15:02 | ຜູ້ຂຽນ : admin1 | ຈຳນວນຄົນເຂົ້າຊົມ: 211 | ຄວາມນິຍົມ:

ເມື່ອເວົ້າເຖິງການປູກຝັງ-ລ້ຽງສັດ ແມ່ນອາຊີບໜຶ່ງທີ່ມີຄວາມສຳຄັນ, ໝັ້ນຄົງ ແລະ ແທດ ເໝາະກັບການດຳລົງຊີວິດໃນຍຸກ ເສດຖະກິດຕະຫຼາດ. ໃນຖັນແຖວກອງທັບປະຊາຊົນລາວ ເວົ້າລວມ, ເວົ້າສະເພາະແມ່ນການປັບປຸງຊີວິດການເປັນຢູ່ຂອງພະ ນັກງານ-ນັກຮົບໃຫ້ດີຂຶ້ນ, ນາຍ ແລະ ພົນທະຫານ ທຸກສະຫາຍ ຕ່າງກໍໄດ້ຕັ້ງໜ້າບຸກບືນສູ້ຊົນທຳການຜະລິດ ໂດຍສະເພາະ ແມ່ນການຈັດຕັ້ງປະຕິບັດຕາມທິດນຳ “4 ປູກ 4 ລ້ຽງ” ທີ່ກົມໃຫຍ່ພະ ລາທິການກອງທັບວາງອອກ ເພື່ອພັດທະນາຊີວິດການເປັນຢູ່ຂອງຕົນ ໃຫ້ດີຂຶ້ນເທື່ອລະກ້າວ ໂດຍອີງໃສ່ເງື່ອນໄຂ, ທ່າແຮງບົ່ມຊ້ອນ ແລະ ຄວາມມັກຮັກຂອງແຕ່ລະຄົນ. ສະຫາຍ ສິບຕີ ເອີດ ທຳມະວົງພອນ ສັງກັດໝວດສຳ ນັກງານກອງພັນ 163 ທີ່ຂຶ້ນກັບກອງບັນຊາການທະຫານແຂວງຫົວພັນ ນອກຈາກໄດ້ຕັ້ງໜ້າປະ ຕິບັດຄຳສັ່ງຂອງຂັ້ນເທິງ, ເຮັດ ລ້ອນໜ້າທີ່ວິຊາສະເພາະ ແລະ ປະຕິບັດ 7 ລະບອບ 18 ວຽກຂອງ ກອງທັບຢ່າງເຂັ້ມງວດແລ້ວ ສະ ຫາຍ ຍັງມີຄວາມດຸໝັ່ນເພີ່ມພູນຜະລິດຜົນ ປູກຝັງ-ລ້ຽງສັດ ເພື່ອສ້າງລາຍຮັບເພີ່ມໃສ່ເງິນເດືອນ ແລະ ແກ້ໄຂຊີວິດການເປັນຢູ່ ໃຫ້ດີຂຶ້ນເທື່ອລະກ້າວ. ຍ້ອນສະພາບເສດຖະກິດໃນປັດຈຸບັນ ມີຄວາມຫຍຸ້ງຍາກ, ຄ່າຄອງຊີບສູງຂຶ້ນ, ສະຫາຍ ຈຶ່ງມີແນວຄິດສ້າງສັນ ບໍ່ຫວັ່ນໄຫວຕໍ່ຄວາມຫຍຸ້ງຍາກດັ່ງກ່າວ, ຫັນມາຊອກແຫຼ່ງລາຍຮັບເພີ່ມ ທີ່ຖືກຕ້ອງຕາມລະບຽບກົດໝາຍ. ສະຫາຍ ສິບຕີ ເອີດ ທຳມະວົງພອນ ໄດ້ໃຫ້ຮູ້ວ່າ: ສະພາບເສດຖະກິດຄອບຄົວໃນເມື່ອກ່ອນແມ່ນພໍກຸ້ມຢູ່ກຸ້ມກິນ, ລາຍຮັບ ແລະ ການໃຊ້ຈ່າຍຍັງມີຄວາມຈຳກັດ ເມື່ອເຫັນວ່າ ກົມກອງມີ ທ່າແຮງດ້ານສະຖານທີ່ ເຊິ່ງເປັນໂອກາດທີ່ດີໃນການສ້າງເສດ ຖະກິດ, ຕົນເອງຈຶ່ງໄດ້ຕັດສິນໃຈ ນຳເອົາເງິນເດືອນທີ່ສະສົມໄວ້ ນຳມາລົງທຶນຊື້ສັດ ແລະ ແນວພັນພືດຕ່າງໆ ມາທຳການຜະລິດໃນຂອບເຂດດິນທີ່ກົມກອງແບ່ງໃຫ້. ດ້ວຍຄວາມດຸໝັ່ນຂະຫຍັນພຽນ ແລະ ຄວາມມັກຮັກໃນການປູກຝັງ-ລ້ຽງສັດ, ສະຫາຍ ໄດ້ເອົາໃຈໃສ່ບົວລະບັດຮັກສາຢ່າງໃກ້ຊິດ ເຮັດໃຫ້ຜົນຜະລິດ ໄດ້ຮັບຜົນດີ ແລະ ຂະຫຍາຍຕົວຂຶ້ນເລື້ອຍໆ. ປັດຈຸບັນ, ສະຫາຍໄດ້ລ້ຽງເປັດຈຳນວນ 100 ກວ່າໂຕ, ໄກ່ 100 ກວ່າໂຕ ແລະ ມີພືດຜັກ ສວນຄົວຊະນິດຕ່າງໆ, ໃນແຕ່ລະປີສາມາດຂາຍເປັດໄດ້ເຖິງ 700-800 ກິໂລຕໍ່ປີ, ໃນລາຄາ 80.000 ກີບຕໍ່ກິໂລ, ສ້າງລາຍຮັບໄດ້ປະມານ 56-64 ລ້ານກີບ, ຂາຍໄກ່ໄດ້ປະມານ 200-300 ກິໂລຕໍ່ປີ, ໃນລາຄາ 130.000 ກີບຕໍ່ກິໂລ, ສ້າງລາຍຮັບໄດ້ປະມານ 26-39 ລ້ານ ກີບ, ສາມາດເກັບກູ້ ແລະ ຈຳໜ່າຍ ຜົນຜະລິດພືດຜັກ ສວນຄົວ ໄດ້ປະມານ 500-600 ກິໂລຕໍ່ປີ, ສ້າງລາຍຮັບໄດ້ 9-10 ລ້ານກີບ. ໂດຍລວມແລ້ວສະຫາຍ ສາມາດສ້າງລາຍຮັບຈາກການປູກຝັງ-ລ້ຽງສັດໄດ້ 60-70 ລ້ານກີບຕໍ່ປີ. ເມື່ອບວກໃສ່ກັບເງິນ ເດືອນແລ້ວ ລາຍຮັບທັງໝົດນີ້ ໄດ້ກາຍເປັນທຶນສຳຄັນ ທີ່ຊ່ວຍ ໃຫ້ການດຳລົງຊີວິດການເປັນຢູ່ດີຂຶ້ນ, ທັງສາມາດແບ່ງເບົາພາ ລະ ແລະ ຈູນເຈືອຄອບຄົວ ໄດ້ອີກດ້ວຍ. ສະຫາຍ ສິບຕີ ເອີດ ທຳມະວົງພອນ ຄືໜຶ່ງໃນບຸກຄົນຕົວ ແບບ ທີ່ມີຄວາມຮັບຜິດຊອບຕໍ່ ໜ້າທີ່ວິຊາສະເພາະ ແລະ ມີຫົວ ຄິດປະດິດສ້າງໃນການເພີ່ມພູນຜະລິດຜົນ. ຜົນງານຂອງສະຫາຍ ບໍ່ພຽງແຕ່ສ້າງລາຍຮັບໃຫ້ຕົນເອງ ແລະ ແກ້ໄຂຊີວິດການເປັນຢູ່ຂອງຄອບຄົວເທົ່ານັ້ນ, ແຕ່ຍັງເປັນການປຸກລະດົມຈິດໃຈ “ເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ” ໃຫ້ແກ່ພະນັກງານ-ນັກຮົບໃນທົ່ວກົມກອງໄດ້ເປັນຢ່າງດີ. ໂດຍ: ແກ້ວ ໄຊມະນີພອນ

news to day and hot news