ວັນຈັນ, ວັນທີ 13 ກໍລະກົດ 2026
ເປີດອົບຮົມ-ຫັດແອບ ໄລຍະສັ້ນ ໃຫ້ລັດຖະກອນປ້ອງກັນຊາດ ຊຸດທີ I ປະຈຳປີ 2026
ເວລາອອກຂ່າວ: 2026-07-09 09:12:52 | ຜູ້ຂຽນ : admin1 | ຈຳນວນຄົນເຂົ້າຊົມ: 205 | ຄວາມນິຍົມ: 
ວັນທີ 6 ກໍລະກົດ 2026 ນີ້, ກອງບັນຊາການທະຫານແຂວງຈຳປາສັກ ໄດ້ເປີດອົບຮົມ-ຫັດແອບ ການທະຫານ, ການເມືອງ, ພະລາທິການ-ເຕັກນິກ ແລະ ເຝິກຝົນຫຼໍ່ຫຼອມກຳລັງແຮງກາຍ ໃຫ້ຄູອາສາສະໝັກ ເຂົ້າເປັນລັດ ຖະກອນປ້ອງກັນຊາດ ຊຸດທີ I ປະຈຳປີ 2026, ໂດຍການເປັນປະທານຂອງ ສະຫາຍ ພັນເອກ ສິດປະເສີດ ນວນມະນີວົງ ຫົວໜ້າການທະຫານ ກອງບັນຊາການທະຫານແຂວງຈຳປາສັກ, ມີສະຫາຍ ສົມຈິດ ແພງສະຫວັດ ເລຂາຄະນະບໍລິຫານງານພັກເມືອງ, ມີຄະນະພັກ-ຄະນະບັນຊາອົງການ 6 ຫ້ອງ, ພະແນກການ, ຄະນະອຳນວຍການໂຮງຮຽນການທະຫານທ້ອງຖິ່ນ, ຄະນະຮັບຜິດຊອບ, ພະນັກງານຄູ-ອາ ຈານ, ແຂກຖືກເຊີນ ຕະຫຼອດຮອດ ລັດຖະກອນປ້ອງກັນຊາດ ເຂົ້າຮ່ວມ.
ສະຫາຍ ພັນໂທ ພູທອງ ໄຊຍະຊຳ ຮອງຫົວໜ້າຫ້ອງເສ ນາທິການທະຫານ ກອງບັນຊາ ການທະຫານແຂວງຈຳປາສັກ ໄດ້ຜ່ານຂໍ້ຕົກລົງ ຂອງກອງບັນ ຊາການທະຫານແຂວງຈຳປາສັກ ວ່າດ້ວຍການອະນຸມັດເປີດ ອົບຮົມ-ຫັດແອບ ການທະຫານ, ການເມືອງ ແລະ ວຽກງານພະລາ ທິການ-ເຕັກນິກ ໃຫ້ຄູອາສາສະ ໝັກ ເຂົ້າເປັນລັດຖະກອນປ້ອງ ກັນຊາດ ປະຈຳປີ 2026. ຈາກນັ້ນ, ສະຫາຍ ພັນໂທ ຈັນທາ ແກ້ວພົມ ຫົວໜ້າພະແນກອົບຮົມ ຫ້ອງເສນາທິການກອງບັນຊາການທະຫານແຂວງ ໄດ້ຜ່ານແຜນການອົບຮົມ-ຫັດແອບ ຈຸດ ປະສົງ ກໍເພື່ອເປັນການຍົກລະດັບຄວາມຮູ້ຄວາມສາມາດທາງດ້ານ ສິລະປະຍຸດ-ຍຸດທະວິທີ ໃຫ້ຄູອາສາສະໝັກ, ທັງເປັນການປູກຈິດສຳນຶກໃຫ້ເຂົາເຈົ້າ ມີນ້ຳໃຈຮັກຊາດ, ຮູ້ສ້າງແຜນການ-ແບບ ແຜນວິທີເຮັດວຽກ ແລະ ຮູ້ນຳໃຊ້ອາວຸດ-ຍຸດໂທປະກອນ ເຂົ້າໃນວຽກງານຕົວຈິງ. ສຳລັບເນື້ອໃນເອກະສານ ທີ່ນຳມາອົບຮົມ-ຫັດແອບ ມີພາກການເມືອງ, ພາກສິ ລະປະຍຸດ, ພາກຍຸດທະວິທີ, ກຳ ນົດເວລາອົບຮົມ ທັງໝົດ 42 ວັນ.
ໂອກາດນີ້, ສະຫາຍ ພັນເອກ ສິດປະເສີດ ນວນມະນີວົງ ໄດ້ມີຄຳເຫັນໂອ້ລົມ ເຊິ່ງກ່ອນອື່ນສະຫາຍໄດ້ຍົກໃຫ້ເຫັນຄວາມໝາຍ, ຄວາມສຳຄັນຂອງວຽກງານອົບຮົມ-ຫັດແອບ ແລະ ໄດ້ເນັ້ນໜັກໃຫ້ຄູອາສາສະໝັກປ້ອງກັນຊາດ ຈົ່ງພ້ອມກັນກຳແໜ້ນເນື້ອໃນບົດຮຽນແຕ່ລະພາກວິຊາ ເພື່ອນຳໄປຈັດຕັ້ງປະຕິບັດໃຫ້ຖືກ ຕ້ອງຕາມຫຼັກການ ແລະ ຮັບປະ ກັນຄວາມປອດໄພ 100%.
ໂດຍ: ນາງ ສີລິຄານ ສີດາວົງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
