ວັນຈັນ, ວັນທີ 13 ກໍລະກົດ 2026
ເປີດຮຽນສະໜັບສະໜູນ ແລະ ກົດລະບຽບພັກ ໃຫ້ມະຫາຊົນຜູ້ກ້າວໜ້າ ເປົ້າໝາຍຈະເຂົ້າເປັນສະມາຊິກພັກ ທົ່ວກົມໃຫຍ່ການເມືອງກອງທັບ ຄັ້ງທີ II ປີ 2026
ເວລາອອກຂ່າວ: 2026-07-09 09:10:56 | ຜູ້ຂຽນ : admin1 | ຈຳນວນຄົນເຂົ້າຊົມ: 205 | ຄວາມນິຍົມ: 
ໃນລະຫວ່າງວັນທີ 6 ກໍລະກົດ 2026 ນີ້, ຫ້ອງການ ເມືອງ ກົມໃຫຍ່ການເມືອງກອງ ທັບ ໄດ້ເປີດຮຽນເອກະສານສະ ໜັບສະໜູນ ແລະ ກົດລະບຽບພັກໃຫ້ມະຫາຊົນຜູ້ກ້າວໜ້າ, ເປົ້າໝາຍຈະເຂົ້າເປັນສະມາຊິກພັກ ຢູ່ບັນດາກົມ, ຫ້ອງການ, ກອງ ໃນທົ່ວກົມໃຫຍ່ການເມືອງກອງທັບ, ໂດຍການບັນຍາຍເອກະສານ ຂອງສະຫາຍ ພັນໂທ ສອນໄຊ ອິນທະວົງ ກຳມະການຄະນະໜ່ວຍພັກ, ຮອງຫົວໜ້າຫ້ອງການເມືອງ ກົມໃຫຍ່ການເມືອງກອງທັບ, ມີມະຫາຊົນຜູ້ກ້າວໜ້າ ເປົ້າໝາຍຈະເຂົ້າເປັນສະມາຊິກພັກ ໃນທົ່ວກົມໃຫຍ່ການເມືອງກອງທັບ ຈຳນວນ 61 ສະຫາຍ, ຍິງ 26 ສະຫາຍ ເຂົ້າຮ່ວມ.
ສະຫາຍ ພັນໂທ ສຸກສາຄອນ ຈັນຍາຫານ ຫົວໜ້າພະແນກໂຄສະນາອົບຮົມ ຫ້ອງການເມືອງ ກົມໃຫຍ່ການເມືອງກອງທັບ ໄດ້ຜ່ານມະຕິຕົກລົງ ຂອງຄະນະປະຈຳພັກກົມໃຫຍ່ການເມືອງກອງທັບ ວ່າດ້ວຍການອະນຸມັດເປີດຮຽນສະໜັບສະໜູນ ແລະ ວ່າດ້ວຍການອະນຸມັດເປີດຮຽນກົດລະບຽບພັກໃຫ້ມະຫາຊົນຈະຂະຫຍາຍເຂົ້າເປັນສະມາຊິກພັກ ຢູ່ ກົມໃຫຍ່ການເມືອງກອງທັບ ຄັ້ງທີ I ປີ 2026 ໂດຍປະຕິບັດຕາມກົດລະບຽບພັກປະຊາຊົນປະຕິວັດລາວ ສະໄໝທີ XI ໝວດທີ I ມາດຕາ 2 ວ່າດ້ວຍລະບຽບການຂະຫຍາຍພັກ ໃນນີ້, ມີມະ ຫາຊົນຜູ້ກ້າວໜ້າເຂົ້າຮຽນສະ ໜັບສະໜູນ 30 ສະຫາຍ, ຍິງ 9 ສະຫາຍ ແລະ ມີມະຫາຊົນຜູ້ກ້າວໜ້າເຂົ້າຮຽນກົດລະບຽບພັກ 31 ສະຫາຍ, ຍິງ 17 ສະຫາຍ.
ສຳລັບເອກະສານທີ່ນຳມາເປີດຮຽນໃຫ້ເປົ້າໝາຍທີ່ຈະຂະຫຍາຍເຂົ້າພັກຄັ້ງນີ້ ມີເອກະສານຮຽນສະໜັບສະໜູນພັກ ແລະ ເອກະສານກົດລະບຽບພັກປະຊາ
ຊົນປະຕິວັດລາວ ສະໄໝທີ XI ເພື່ອຮັບປະກັນໃຫ້ແກ່ເປົ້າໝາຍທີ່ຈະຂະຫຍາຍເຂົ້າເປັນສະມາຊິກພັກ ມີຄວາມຮັບຮູ້ເຂົ້າໃຈແຈ້ງຢ່າງເລິກເຊີ່ງ ແລະ ກຳແໜ້ນບັນດາເນື້ອໃນສຳຄັນ ເປັນຕົ້ນແມ່ນ ຮັບຮູ້ໄດ້ມາດຖານເງື່ອນ ໄຂ, ສິດ ແລະ ຂໍ້ຫ້າມຂອງສະມາ ຊິກພັກ ຂອງພັກປະຊາຊົນປະຕິ ວັດລາວ.
ໂດຍ: ຄຳແພງ ພົມມະສອນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
