ວັນຈັນ, ວັນທີ 13 ກໍລະກົດ 2026
ພະແນກສະຫະພັນແມ່ຍິງໂຮງຮຽນກໍ່ສ້າງນາຍສິບ ເລກ 1 ສະຫຼຸບວຽກງານຮອບດ້ານ
ເວລາອອກຂ່າວ: 2026-07-09 09:08:32 | ຜູ້ຂຽນ : admin1 | ຈຳນວນຄົນເຂົ້າຊົມ: 89 | ຄວາມນິຍົມ: 
ໃນບໍ່ດົນຜ່ານມານີ້, ພະແນກສະຫະພັນແມ່ຍິງໂຮງຮຽນກໍ່ສ້າງນາຍສິບເລກ 1 ສະຫຼຸບ ວຽກງານຮອບດ້ານ ແລະ ວຽກງານ ຂະບວນການແຂ່ງຂັນ 3 ດີ ປະຈຳ 6 ເດືອນຕົ້ນປີ ແລະ ວາງທິດທາງແຜນການ 6 ເດືອນທ້າຍປີ 2026 ໂດຍການເປັນປະທານຂອງ ສະຫາຍ ພັນໂທ ບຸນຮຽງ ພິມະວົງ ຫົວໜ້າຫ້ອງການເມືອງ ໂຮງຮຽນກໍ່ສ້າງນາຍສິບເລກ 1, ມີອົງການ 5 ຫ້ອງ, 4 ກອງພັນນັກຮຽນ, ອົງການຈັດຕັ້ງມະຫາຊົນ ຕະຫຼອດຮອດສະມາຊິກແມ່ຍິງທົ່ວໂຮງ ຮຽນເຂົ້າຮ່ວມ.
ສະຫາຍ ພັນໂທ ນາງ ຟອງຄຳ ອະພົງສັກ ຫົວໜ້າພະແນກສະຫະພັນແມ່ຍິງໂຮງຮຽນກໍ່ສ້າງນາຍສິບເລກ 1 ໄດ້ສະຫຼຸບຕີລາຄາຄືນໃນຂົງເຂດວຽກງານ
ຕ່າງໆໃນໄລຍະຜ່ານມາ ຄະນະແມ່ຍິງພວກເຮົາໄດ້ເອົາໃຈໃສ່ວຽກງານສຶກສາອົບຮົມການ ເມືອງນຳພາແນວຄິດໃຫ້ເອື້ອຍນ້ອງແມ່ຍິງໃນທົ່ວໂຮງ ຮຽນ ດ້ວຍການເຂົ້າຮ່ວມເຊື່ອມຊຶມບັນດາມະຕິ, ຄຳສັ່ງ ແລະ ເອກະສານສຳຄັນຕ່າງໆຂອງພັກ ຂອງລັດ ຂອງກອງທັບ ແລະ ຂອງສູນກາງສະຫະພັນແມ່ຍິງລາວວາງອອກ ເຮັດໃຫ້ເອື້ອຍນ້ອງແມ່ຍິງມີແນວຄິດການເມືອງໜັກແໜ້ນ ພ້ອມນີ້ກໍໄດ້ເອົາໃຈໃສ່ວຽກງານແກ້ໄຂຊີວິດການເປັນຢູ່ດ້ວຍການປູກຝັງ-ລ້ຽງສັດ ເພື່ອເຮັດໃຫ້ຊີວິດການເປັນຢູ່ ຂອງເອື້ອຍນ້ອງແມ່ຍິງມີຊີວິດ ດີຂຶ້ນ ນອກນັ້ນ ຍັງໄດ້ປະຕິບັດວຽກງານນະໂຍບາຍ-ຍ້ອງຍໍຕໍ່ ກັບແມ່ຍິງ ໃນເວລາເຈັບເປັນ, ເກີດລູກ ຖືກຕ້ອງຕາມລະບຽບການຂອງຂັ້ນເທິງວາງອອກ, ພ້ອມທັງເຮັດວຽກງານປົກປ້ອງສິດຜົນປະໂຫຍດຂອງ ແມ່ຍິງ-ເດັກນ້ອຍ, ສົ່ງເສີມຄວາມກ້າວ ໜ້າ ແລະ ຄວາມສະເໝີພາບຍິງ-ຊາຍ, ພ້ອມນີ້, ພະແນກພວກເຮົາຍັງໄດ້ສ້າງກຸ່ມທ້ອນເງິນ ພັດທະນາແມ່ຍິງ 1 ກຸ່ມ ມີສະມາຊິກ 487 ສະຫາຍ ມີເງິນທ້ອນ 27.140.000 ກີບ, ນອກຈາກສ້າງກຸ່ມທ້ອນເງິນພັດທະນາຂອງແມ່ຍິງແລ້ວ ຍັງໄດ້ສ້າງກຸ່ມເງິນທ້ອນ ຊ່ວຍເຫຼືອເຊິ່ງກັນ ແລະ ກັນ ຂອງບັນດາໜ່ວຍ ສະຫະພັນແມ່ຍິງຈຳນວນ 10 ກຸ່ມມີສະມາຊິກ 235 ສະຫາຍ ມີເງິນທ້ອນ 180.704.000 ກີບ,
ໃນຄັງສະຫວັດດີການຂອງກຸ່ມມີເງິນສະສົມຈຳນວນ 4.862.000 ກີບ, ຜ່ານການເຄື່ອນໄຫວເຮັດວຽກງານຕົວຈີງໃນໄລຍະຜ່ານມາສາມາດຄັດເລືອກບຸກຄົນ 3 ດີ ປະເພດ I ມີ 168 ສະຫາຍ,ປະເພດ II ມີ 1 ສະຫາຍ, ໄດ້ຮັບການຢັ້ງ
ຢືນເປັນໜ່ວຍ 3 ດີ ມີ 10 ໜ່ວຍ ແລະ ກົມກອງນຳພາ-ຊີ້ນຳດີເດັ່ນ ມີ 5 ກົມກອງ. ຈາກນັ້ນ, ສະຫາຍ ພັນໂທ ນາງ ສີດາວັນ ເພັດດາລາ ຮອງຫົວໜ້າພະແນກສະຫະພັນແມ່ຍິງໂຮງຮຽນກໍໄດ້ຂຶ້ນຜ່ານ ບົດວິໄສທັດພັດທະນາແມ່ຍິງ 5 ປີ(2026-2030) ຕາມທິດທາງລວມ, ເປົ້າໝາຍ, ຄາດໝາຍ ແລະ ແຜນວຽກຈຸດສຸມ ແຜນພັດທະນາແມ່ຍິງ ໂຮງຮຽນກໍ່ສ້າງນາຍສິບທະຫານຮາບເລກ 1 ຮອດປີ 2035.
ຂ່າວ: ອາລຸນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
