POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 13 ກໍລະກົດ 2026

ຫ້ອງການບໍລິຫານ ກົມໃຫຍ່ການເມືອງກອງທັບ ເປີດບັ້ນອົບຮົມວຽກງານການເມືອງ-ແນວຄິດ
ເວລາອອກຂ່າວ: 2026-07-08 09:08:52 | ຜູ້ຂຽນ : admin1 | ຈຳນວນຄົນເຂົ້າຊົມ: 150 | ຄວາມນິຍົມ:

ວັນທີ 7 ກໍລະກົດ 2026 ນີ້, ຫ້ອງການບໍລິຫານ ກົມໃຫຍ່ການເມືອງກອງທັບ (ກມທ) ໄດ້ເປີດບັ້ນອົບຮົມວຽກງານການເມືອງ-ແນວຄິດ ໃຫ້ພະນັກງານ-ນັກຮົບ ປະຈຳປີ 2026, ໂດຍການເປັນປະທານຂອງ ສະຫາຍ ພັນເອກ ໄມທອນ ແກ້ວລໍວັນເຮືອງຫົວໜ້າຫ້ອງການບໍລິຫານ ກມທ, ມີຄະນະຫ້ອງການບໍລິຫານ ພ້ອມດ້ວຍ ພະນັກງານ-ນັກຮົບ ເຂົ້າຮ່ວມ. ສະຫາຍ ພັນເອກ ບຸນຊົມ ໄຊຍະວົງ ຮອງຫົວໜ້າຫ້ອງການບໍລິຫານ ກມທ ໄດ້ຂຶ້ນຜ່ານແຜນການອົບຮົມວຽກງານການເມືອງ-ແນວຄິດ ໃຫ້ພະນັກງານ-ນັກຮົບ ທົ່ວຫ້ອງການບໍລິຫານ ກມທ ເພື່ອເປັນການຈັດຕັ້ງເຊື່ອມຊຶມ ແລະ ຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XII ຂອງພັກປະຊາຊົນປະຕິວັດລາວ, ແຜນພັດທະນາເສດຖະກິດ-ສັງຄົມ 5 ປີ ຄັ້ງທີ X ເຂົ້າໃນທຸກຂົງເຂດວຽກງານ ໃນໄລຍະຕົ້ນສະໄໝ ແລະ ເພື່ອເປັນການຊຸກຍູ້ການເຄື່ອນໄຫວວຽກງານດ້ານຕ່າງໆ ໂດຍປິ່ນອ້ອມ 4 ໜ້າທີ່ໃຫຍ່ 26 ແຜນງານ ທີ່ຄະນະພັກກະຊວງປ້ອງກັນປະເທດວາງອອກ ໃຫ້ມີໝາກຜົນຕົວຈິງ ແລະ ທັງຮັບປະກັນດ້ານ ຄຸນນະພາບ ເພື່ອສຶກສາອົບຮົມການເມືອງ-ແນວຄິດ ໃຫ້ພະນັກງານສະມາຊິກພັກ-ນັກຮົບ ເຊື່ອມຊຶມກຳແໜ້ນແນວທາງແຜນນະໂຍບາຍ, ມະຕິຄຳສັ່ງຕ່າງໆ ຂອງພັກ, ຂໍ້ກຳນົດກົດລະບຽບຂອງກອງທັບ, ກົດໝາຍຂອງລັດ, ມູນເຊື້ອຂອງຊາດ, ຂອງພັກ ແລະ ຂອງກອງທັບ ໃຫ້ທົ່ວເຖິງ ທັງເປັນການປັບປຸງກົມກອງ ໃຫ້ມີຄວາມໜັກແໜ້ນທາງດ້ານການເມືອງ-ແນວຄິດ, ເຂັ້ມແຂງທາງດ້ານ ການຈັດຕັ້ງ, ຍົກສູງທັດສະນະຫຼັກໝັ້ນ, ຄຸນທາດການເມືອງ, ຄຸນສົມບັດສິນທຳປະຕິວັດ, ເປັນການປັບປຸງແບບແຜນວິທີເຮັດວຽກ, ເຊີດຊູຄວາມຮັບຜິດຊອບການເມືອງ ຂອງພະນັກງານ-ສະມາຊິກພັກ ແລະ ນັກຮົບ ໃຫ້ນັບມື້ສູງຂຶ້ນ. ສຳລັບເນື້ອໃນອົບຮົມປະກອບມີ: ເອກະສານປັດຊະຍາມາກ-ເລນິນ, ວຽກງານພັກ-ວຽກງານການເມືອງ ໃນກອງທັບປະຊາຊົນລາວ, ເຝິກຝົນຫຼໍ່ຫຼອມຄຸນສົມບັດ-ສິນທຳປະຕິວັດ ຂອງພະນັກງານ-ນັກຮົບ ໃນໄລຍະໃໝ່, ແນວທາງປ້ອງກັນຊາດ-ປ້ອງກັນຄວາມສະຫງົບ ແລະ ການຕອບຕ້ານຍຸດທະສາດຫັນປ່ຽນໂດຍສັນຕິ ແລະ ເອກະສານວຽກງານສຶກສາອົບຮົມການ ເມືອງແນວຄິດ ໃຫ້ພະນັກງານ-ນັກຮົບ. ເຊິ່ງບັ້ນເຝິກອົບຮົມຈະດຳເນີນໄປເປັນເວລາ 2 ວັນ ຈຶ່ງສຳເລັດ.

news to day and hot news