ວັນຈັນ, ວັນທີ 13 ກໍລະກົດ 2026
ພະແນກສະຫະພັນແມ່ຍິງທະຫານແຂວງໄຊຍະບູລີ ປິດຊຸດອົບຮົມວຽກງານພິທີການ ແລະ ມາລະຍາດໃນສັງຄົມ
ເວລາອອກຂ່າວ: 2026-07-08 09:07:33 | ຜູ້ຂຽນ : admin1 | ຈຳນວນຄົນເຂົ້າຊົມ: 140 | ຄວາມນິຍົມ: 
ໃນບໍ່ດົນຜ່ານມານີ້, ພະແນກສະຫະພັນແມ່ຍິງກອງບັນຊາການທະຫານ ແຂວງໄຊຍະບູລີ ໄດ້ ປິດຊຸດອົບຮົມວຽກງານພິທີການ ແລະ ມາລະຍາດໃນສັງຄົມ ໂດຍການເຂົ້າຮ່ວມເປັນປະທານຂອງສະຫາຍ ພັນເອກ ສີປະເສີດ
ສອນພັນ ຫົວໜ້າຫ້ອງການເມືອງ ກອງບັນຊາການທະຫານແຂວງໄຊຍະບູລີ, ມີຄະນະຄູເຝິກ, ແຂກຖືກເຊີນ ພ້ອມດ້ວຍນັກສຳມະນາກອນເຂົ້າຮ່ວມ.
ສະຫາຍ ນາງ ແສງອາລຸນ ແກ້ວບົວ ຫົວໜ້າຂະແໜງພັດທະນາແມ່ຍິງ ແລະ ເຝິກອົບຮົມວິຊາຊີບ ຫ້ອງການສະຫະພັນແມ່ຍິງແຂວງ ໄຊຍະບູລີ ໄດ້ສະ
ຫຼຸບຕີລາຄາຄືນຜ່ານການຈັດຕັ້ງອົບຮົມໄລຍະສັ້ນ ຜ່ານມາ ເຊິ່ງນັກເຝິກອົບຮົມແຕ່ລະສະຫາຍໄດ້ຍົກສູງຄວາມ ຮັບຜິດຊອບຂອງຕົນເຂົ້າໃນບັ້ນອົບຮົມ ເປັນຕົ້ນການປະຕິບັດຂໍ້ກຳນົດກົດລະບຽບວາງອອກໄດ້ຢ່າງເຂັ້ມງວດ ມີຄວາມສາມັກຄີຊ່ວຍ ເຫຼືອເຊິ່ງກັນ ແລະ ກັນ ກຳໄດ້ບັນດາທິດສະດີຫຼັກການ ແລະ ພາກປະຕິບັດຕົວຈິງ ໃນນັ້ນໄດ້ຮຽນມາລະຍາດໃນການວາງທ່າຕ່າງໆ, ມາລະຍາດໃນການຍ່າງ, ມາລະຍາດໃນການຈັບມື, ການນົບໄຫວ້ຕາມຮີດຄອງປະເພນີລາວ, ການແຕ່ງກາຍ, ການສື່ສານ, ມາລະຍາດໃນການນັ່ງໂຕະອາຫານ, ການນັ່ງ-ການຮັບປະທານອາຫານ, ການຈັດວາງອຸປະກອນ, ການຈັດພຸ່ມດອກໄມ້ ແລະ ອື່ນໆ ອັນເຮັດໃຫ້ບັ້ນອົບຮົມຄັ້ງນີ້ໄດ້ຮັບຜົນສຳເລັດຕາມຄາດໝາຍທີ່ວາງໄວ້ ແລະ ສາມາດຕີລາຄາຜົນໄດ້ຮັບ ໃນຄວາມຮັບຮູ້ ແລະ ເຂົ້າໃຈຂອງນັກເຝິກອົບຮົມໄດ້ 80%.
ໂອກາດນີ້ ສະຫາຍ ພັນເອກ ສີປະເສີດ ສອນພັນ ໄດ້ສະແດງຄວາມ ຍ້ອງຍໍຊົມເຊີຍຕໍ່ຜົນສຳເລັດໃນບັ້ນອົບຮົມຄັ້ງນີ້ ພ້ອມທັງຮຽກຮ້ອງໃຫ້ນັກເຝິກອົບຮົມຈົ່ງພ້ອມກັນນຳເອົາບົດຮຽນ ທີ່ໄດ້ຮຽນມາໄປໝູນໃຊ້ເຂົ້າໃນໜ້າທີ່ວຽກງານຕົວຈິງ ຢູ່ກົມກອງໃຫ້ໄດ້ຮັບໝາກຜົນສູງ.
ໂດຍ: ໄຊຍະສັກ ມະນີວັນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
