ວັນພຸດ, ວັນທີ 15 ກໍລະກົດ 2026
ຄະນະກວດກາການກໍ່ສ້າງໜ່ວຍພັກ ປອດໃສ ເຂັ້ມແຂງ ໜັກແໜ້ນ ກົມ 213 ເຮັດວຽກ ຢູ່ ກອງພັນ 233
ເວລາອອກຂ່າວ: 2026-06-17 09:02:25 | ຜູ້ຂຽນ : admin1 | ຈຳນວນຄົນເຂົ້າຊົມ: 165 | ຄວາມນິຍົມ: 
ໃນວັນທີ 11 ມິຖຸນາ 2026, ຄະນະກວດກາການກໍ່ສ້າງ ໜ່ວຍພັກ ປອດໃສ ເຂັ້ມແຂງ ໜັກແໜ້ນ ກົມ 213 ໄດ້ລົງເຄື່ອນໄຫວເຮັດວຽກ ຢູ່ ກອງພັນ 233, ໂດຍການເປັນປະທານຂອງ ສະຫາຍ ພັນເອກ ໄພວັນ ຄຳສິງສະຫວັດ ຮອງຫົວໜ້າກົມ 213, ມີສະຫາຍ ພັນໂທ ອິນຖາ ເພັດແສງທອງ ຫົວໜ້າ
ຫ້ອງການເມືອງ ກົມ 213, ສະຫາຍ ພັນໂທ ຈັນທະວົງ ພົມສະຫວັນ ຫົວໜ້າການເມືອງກອງພັນ 233, ບັນດາເລຂາໜ່ວຍພັກທັງ 10 ໜ່ວຍ ຕະຫຼອດຮອດຄະນະວິຊາການຮັບຜິດຊອບ ເຂົ້າຮ່ວມ.
ສະຫາຍ ພັນໂທ ຈັນທະວົງ ພົມສະຫວັນ ໄດ້ຜ່ານບົດສະຫຼຸບ ການປັບປຸງກໍ່ສ້າງໜ່ວຍພັກ ປອດໃສ ເຂັ້ມແຂງ ໜັກແໜ້ນ 6 ເດືອນຕົ້ນປີ 2026 ແລະ ການປະເມີນຜົນໃນການກໍ່ສ້າງ ໜ່ວຍພັກ ປອດໃສ ເຂັ້ມແຂງ ໜັກແໜ້ນ ໃຫ້ທາງຄະນະກວດກາການກໍ່ສ້າງໜ່ວຍພັກ ປອດໃສ ເຂັ້ມແຂງ ໜັກແໜ້ນ ໄດ້ຮັບຊາບ.
ສະຫາຍ ພັນເອກ ໄພວັນ ຄຳສິງສະຫວັດ ໄດ້ເນັ້ນໜັກໃຫ້ຄະນະພັກ-ຄະນະບັນຊາແຕ່ລະຂັ້ນ ຈົ່ງເປັນເຈົ້າການ ສຶກສາອົບຮົມການເມືອງ-ນຳພາແນວຄິດ ໃຫ້ພະນັກງານ-ນັກຮົບຂອງຕົນ ເຂົ້າໃຈແນວທາງນະໂຍບາຍຂອງ ພັກ-ກົດໝາຍຂອງລັດ ແລະ ມະຕິກອງປະຊຸມໃຫຍ່ຄັ້ງທີ 12 ຂອງພັກ, ພ້ອມກັນນຳເອົາ 4 ໜ້າທີ່ໃຫຍ່ 26 ແຜນງານຂອງກະຊວງປ້ອງກັນປະເທດໄປຈັດຕັ້ງພັນຂະຫຍາຍໃຫ້ແຕກດອກອອກຜົນ ສ້າງກົມກອງໃຫ້ເປັນກົມກອງວັດທະນະທຳ- ນັກຮົບ ວັດທະນະທຳ, ເປັນກົມກອງ 3 ປອດ ແລະ ໜ່ວຍພັກ ປອດໃສ ເຂັ້ມແຂງ ແໜັກແໜ້ນ.
ໂດຍ: ໄມ່ບຸນຫົນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
