POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 13 ກໍລະກົດ 2026

ກອງບັນຊາການທະຫານແຂວງຈຳປາສັກ ປິດຊຸດອົບຮົມວຽກງານຂ່າວສານສື່ມວນຊົນ ຄັ້ງທີ II
ເວລາອອກຂ່າວ: 2026-06-12 12:00:08 | ຜູ້ຂຽນ : admin2 | ຈຳນວນຄົນເຂົ້າຊົມ: 1476 | ຄວາມນິຍົມ:

ໃນວັນທີ 12 ມິຖຸນາ 2026 ນີ້, ຢູ່ທີ່ສະໂມສອນ ກອງບັນຊາການທະຫານແຂວງຈຳປາສັກ ໄດ້ຈັດພິທີປິດຊຸດອົບຮົມວຽກງານຂ່າວສານສື່ມວນຊົນ ຄັ້ງທີ II ໃຫ້ແກ່ພະນັກງານ-ນັກຮົບ ທີ່ເຮັດວຽກງານຂ່າວສານຢູ່ບັນດາກົມກອງທີ່ຂຶ້ນກັບກອງບັນຊາການທະຫານແຂວງ, ໂດຍການເປັນປະທານຂອງ ສະຫາຍ ພົນຈັດຕະວາ ວິລະຕູ່ ວໍລະຈິດ ກຳມະການຄະນະປະຈຳພັກແຂວງ ຫົວໜ້າການເມືອງ ກອງບັນຊາການທະຫານແຂວງຈຳປາສັກ. ມີຄະນະພັກ-ຄະນະບັນຊາ ອົງການ 6 ຫ້ອງ, ພະແນກການ, ຄູ-ອາຈານທີ່ມາຈາກ ກົມໂຄສະນາອົບຮົມ ກົມໃຫຍ່ການເມືອງກອງທັບ ພ້ອມດ້ວຍນັກສໍາມະນາກອນ ເຂົ້າຮ່ວມຢ່າງພ້ອມພຽງ. ໃນພິທີ, ສະຫາຍ ພັນໂທ ຈັນທະລາ ແກ້ວສີຫາວົງ ຫົວໜ້າພະແນກໂຄສະນາອົບຮົມ ຫ້ອງການເມືອງ ກອງບັນຊາການທະຫານແຂວງຈຳປາສັກ ໄດ້ຜ່ານບົດສະຫຼຸບການຈັດຕັ້ງອົບຮົມ ໃນຄັ້ງນີ້ ໄດ້ດຳເນີນມາເປັນເວລາ 5 ວັນ (8-12 ມິຖຸນາ 2026) ເຊິ່ງມີນັກສໍາມະນາກອນ ຈາກບັນດາກົມກອງທີ່ຂຶ້ນກັບກອງບັນຊາການທະຫານແຂວງ ເຂົ້າຮ່ວມທັງໝົດ 28 ສະຫາຍ. ຜ່ານການອົບຮົມເຫັນວ່ານັກສຳມະນາກອນແຕ່ລະສະຫາຍ ໄດ້ຍົກສູງຄວາມຮັບຜິດຊອບ, ເອົາໃຈໃສ່ປະຕິບັດຕາມຂໍ້ກຳນົດກົດລະບຽບຂອງຊຸດອົບຮົມຢ່າງເຂັ້ມງວດ, ຕັ້ງໜ້າຄົ້ນຄວ້າຮ່ຳຮຽນ, ຍາດແຍ່ງເອົາຄວາມຮູ້-ບົດຮຽນ ພ້ອມທັງສົນທະນາແລກປ່ຽນຄວາມຄິດເຫັນນຳຄູ-ອາຈານ ຢ່າງກົງໄປກົງມາ. ນອກຈາກການຮຽນຮູ້ທາງດ້ານພາກທິດສະດີຫຼັກການ ພື້ນຖານການຂຽນຂ່າວ, ການເກັບກຳຂໍ້ມູນ, ຄວາມຮູ້ເບື້ອງຕົ້ນກ່ຽວກັບຂ່າວອອນລາຍ, ການຂຽນຂ່າວ ແລະ ການລາຍງານຂ່າວວິທະຍຸທາງໂທລະສັບແລ້ວ; ຄູ-ອາຈານ ຍັງໄດ້ນຳພານັກສຳມະນາກອນລົງພາກປະຕິບັດຕົວຈິງ ຢູ່ບັນດາກົມກອງອ້ອມຂ້າງຕື່ມອີກ. ທັງນີ້, ກໍເພື່ອສ້າງພື້ນຖານຄວາມຮູ້ຄວາມສາມາດ ໃຫ້ນັກສຳມະນາກອນນຳໄປໝູນໃຊ້ເຂົ້າໃນການຜະລິດ ແລະ ເຜີຍແຜ່ຂໍ້ມູນຂ່າວສານ ໃຫ້ມີຄວາມວ່ອງໄວ, ຖືກຕ້ອງ ແລະ ທັນເຫດການ ຢູ່ໃນກົມກອງຂອງຕົນເອງ. ຜ່ານການອົບຮົມຕົວຈິງສາມາດຕີລາຄາຜົນໄດ້ຮັບບັນລຸໄດ້ແຜນການຕາມຄາດໝາຍທີ່ວາງໄວ້. ຈາກນັ້ນ, ສະຫາຍ ພັນເອກ ພູເວີນ ສູນນີວົງ ກຳມະການຄະນະປະຈຳພັກ ຫົວໜ້າຫ້ອງການເມືອງ ກອງບັນຊາການທະຫານແຂວງຈຳປາສັກ ໄດ້ໃຫ້ກຽດມອບໃບຢັ້ງຢືນໃຫ້ແກ່ນັກສຳມະນາກອນ ທີ່ສຳເລັດການອົບຮົມຄັ້ງນີ້ ຈຳນວນ 28 ສະຫາຍ. ໂອກາດນີ້, ສະຫາຍ ພົນຈັດຕະວາ ວິລະຕູ່ ວໍລະຈິດ ໄດ້ມີຄຳໂອ້ລົມ, ສະແດງຄວາມຍ້ອງຍໍຊົມເຊີຍຕໍ່ຜົນສຳເລັດຂອງບັ້ນຊຸດອົບຮົມ ແລະ ໄດ້ເນັ້ນໜັກໃຫ້ທຸກສະຫາຍທີ່ສຳເລັດການອົບຮົມຄັ້ງນີ້ ຈົ່ງນຳເອົາບົດຮຽນ, ທິດສະດີ ແລະ ເຕັກນິກວິຊາສະເພາະ ທີ່ໄດ້ຖອດຖອນຈາກຄູ-ອາຈານໃນຄັ້ງນີ້ ໄປໝູນໃຊ້ເຂົ້າໃນການປະຕິບັດໜ້າທີ່ຕົວຈິງຢູ່ກົມກອງຂອງຕົນໃຫ້ປະກົດຜົນເປັນຈິງ, ຍົກສູງບົດບາດການເປັນກະບອກສຽງອັນແຫຼມຄົມ ໃນວຽກງານຂ່າວສານສື່ມວນຊົນ ໃຫ້ກາຍເປັນອາວຸດທາງດ້ານແນວຄິດອັນແຫຼມຄົມໜຶ່ງຂອງກອງທັບ ກໍ່ຄືກົມກອງ. ສະນັ້ນ, ນັກຂ່າວທຸກສະຫາຍຕ້ອງເປັນເຈົ້າການໃນການໂຄສະນາເຜີຍແຜ່ແນວທາງນໂຍບາຍຂອງພັກ, ກົດໝາຍຂອງລັດ, ມູນເຊື້ອອັນດີງາມຂອງກອງທັບ ແລະ ຜົນງານການເຄື່ອນໄຫວຂອງກົມກອງຕົນເອງ ອອກສູ່ສັງຄົມໃຫ້ມີຄວາມຮັບຮູ້ຢ່າງກວ້າງຂວາງ, ຮັບປະກັນຄວາມວ່ອງໄວ, ຖືກຕ້ອງ ແລະ ທັນເຫດການ: ໃນຍຸກດິຈິຕອນ ແລະ ຂໍ້ມູນຂ່າວສານອອນລາຍ, ນັກຂ່າວຂອງກອງທັບຕ້ອງມີຄວາມສະດຸ້ງໄວ, ຕອບໂຕ້ຫາງສຽງທີ່ບໍ່ດີ, ຂ່າວປອມ (Fake News) ທີ່ບິດເບືອນຄວາມຈິງຢ່າງທັນການ, ພ້ອມທັງສະໜອງຂໍ້ມູນຂ່າວສານທີ່ຖືກຕ້ອງ, ຊັດເຈນ ໃຫ້ແກ່ສັງຄົມ.

news to day and hot news