ວັນຈັນ, ວັນທີ 13 ກໍລະກົດ 2026
ກອງປະຊຸມພົບປະລະຫວ່າງ ຄະນະປະຕິບັດງານພິເສດ ແຂວງບໍລິຄຳໄຊ ແລະ ຄະນະປະຕິບັດງານພິເສດ ແຂວງຮ່າຕິງ
ເວລາອອກຂ່າວ: 2026-06-08 15:41:06 | ຜູ້ຂຽນ : admin3 | ຈຳນວນຄົນເຂົ້າຊົມ: 140 | ຄວາມນິຍົມ: 
ກອງປະຊຸມພົບປະລະຫວ່າງ ຄະນະປະຕິບັດງານພິເສດ ແຂວງບໍລິຄຳໄຊ ແລະ ຄະນະປະຕິບັດງານພິເສດ ແຂວງຮ່າຕິງ ສສ ຫວຽດນາມ ໄດ້ດຳເນີນໃນບັນ ຍາກາດແຫ່ງຄວາມສາມັກຄີ, ໄມຕີຈິດມິດຕະພາບອັນດູດດື່ມ ແລະ ຄວາມເຂົ້າໃຈເຊິ່ງກັນ ແລະ ກັນ ເຊິ່ງແຂວງບໍລິຄຳໄຊ ນຳໂດຍ ສະຫາຍ ສົມໃຈ ຄຸນພະໄຊ ຮອງປະທານຄະນະກຳມະການປົກ ຄອງແຂວງ, ຫົວໜ້າຄະນະປະຕິ ບັດງານພິເສດແຂວງບໍລິຄຳໄຊ, ຝ່າຍແຂວງຮ່າຕິງ ນຳໂດຍ ສະ ຫາຍ ນາງ ຫງວຽນຖີ້ຫງວຽດ ຮອງປະທານຄະນະກຳມະການປະຊາຊົນ, ຫົວໜ້າຄະນະປະຕິບັດງານພິເສດແຂວງຮາຕິງ ພ້ອມດ້ວຍຄະນະປະຕິບັດງານພິເສດທັງສອງຝ່າຍ ເຂົ້າຮ່ວມ.
ໃນກອງປະຊຸມ, ສະຫາຍ ສົມໃຈ ຄຸນພະໄຊ ໄດ້ລາຍງານສະພາບການຈັດຕັ້ງປະຕິບັດວຽກງານໃນສົກປີ 2025-2026 ມີບຸກຄະລາກອນ ເຂົ້າຮ່ວມຂຸດຄົ້ນອັດຖິທັງໝົດ 31 ສະຫາຍ ໃນນັ້ນ, ໜ່ວຍປະຕິບັດງານພິເສດຫວຽດນາມ ມີ 27 ສະຫາຍ ແລະ ຝ່າຍລາວ ມີ 4 ສະຫາຍ, ເຊິ່ງ ໄດ້ແບ່ງອອກເປັນ 2 ຈຸ ເພື່ອເຄື່ອນໄຫວວຽກງານດັ່ງກ່າວ, ປະຈຳຢູ່ເມືອງປາກຊັນ 17 ສະຫາຍ ແລະ ເມືອງວຽງທອງ 14 ສະ ຫາຍ, ທັງສອງໜ່ວຍໄດ້ເລີ່ມຈັດ ຕັ້ງປະຕິບັດຕົວຈິງ ແຕ່ວັນທີ 17 ຕຸລາ 2025 ເຖິງວັນທີ 24 ພຶດສະພາ 2026 ລວມເວລາຊອກຄົ້ນທັງໝົດ 157 ວັນ, ມີ 43 ຄັ້ງ, ມາຮອດປັດຈຸບັນ ການຂຸດຄົ້ນອັດຖິທະຫານອາສາສະໝັກ ແລະ ຊ່ຽວຊານຫວຽດນາມ ຕາມພື້ນຖານຂໍ້ມູນຕົວຈິງ ສາມາດຂຸດຄົ້ນໄດ້ 8 ອັດຖິໃນທົ່ວແຂວງບໍລິຄຳໄຊ, ຂຸດຄົ້ນໄດ້ພາຍໃນເຂດເມືອງວຽງທອງ ຖ້າທຽບໃສ່ ແຜນແມ່ນສາມາດປະຕິບັດໄດ້ຕາມແຜນທີ່ໄດ້ກຳນົດໄວ້.
ຈາກນັ້ນ, ທັງສອງຝ່າຍໄດ້ຮ່ວມກັນຕີລາຄາຄືນ ຜົນການຈັດຕັ້ງປະຕິບັດວຽກງານຂຸດຄົ້ນອັດຖິທະຫານອາສາສະໝັກ ແລະ ຊ່ຽວຊານຫວຽດນາມ ທີ່ເສຍສະຫຼະຊີວິດໃນປາງສົງຄາມ ຢູ່ ສປປ ລາວ ເວົ້າສະເພາະແມ່ນຢູ່ແຂວງບໍລິຄຳໄຊ ໃນໄລຍະຜ່ານມາ ພ້ອມທັງແລກປ່ຽນບົດຮຽນ, ຂໍ້ສະດວກ ແລະ ຂໍ້ຫຍຸ້ງຍາກ ໃນການດຳເນີນວຽກງານຕົວຈິງ. ໜ່ວຍງານຂຸດຄົ້ນອັດຖິ ທັງສອງຝ່າຍ ຍັງໄດ້ຮ່ວມກັນກຳນົດທິດທາງ, ແຜນການ ແລະ ມາດຕະ ການ ໃນການສືບຕໍ່ຄົ້ນຫາ, ຂຸດ ຄົ້ນ ແລະ ເກັບກຳຂໍ້ມູນອັດຖິໃຫ້ ມີຄວາມລະອຽດ, ຖືກຕ້ອງ ແລະ ມີປະສິດທິຜົນສູງ ເພື່ອນຳອັດ ຖິຂອງບັນດາທະຫານອາສາສະໝັກ ແລະ ຊ່ຽວຊານຫວຽດ ນາມ ກັບຄືນສູ່ມາຕຸພູມຢ່າງສົມກຽດ.
ໃນກອງປະຊຸມ ຍັງໄດ້ມອບໃບຍ້ອງຍໍໃຫ້ກົມກອງ ແລະ ບຸກຄົນທີ່ມີຜົນງານດີເດັ່ນວຽກງານການຂຸດຄົ້ນອັດຖິ ສົກປີ 2025-2026 ໃຫ້ແຕ່ລະສະຫາຍ, ຄະນະປະຕິ ບັດງານພິເສດ ແຂວງຮ່າຕິງ ຍັງໄດ້ມອບເງິນຊ່ວຍເຫຼືອໃຫ້ ຄະນະປະຕິບັດງານພິເສດ ແຂວງບໍລິຄຳໄຊ ຈຳນວນ 300 ລ້ານດົງ ແລະ 60 ລ້ານດົງ ໃຫ້ກອງບັນຊາການທະຫານແຂວງບໍລິຄຳໄຊ ແລະ ຍັງມີພິທີລົງນາມເຊັນບົດບັນທຶກຮ່ວມກັນ ລະຫວ່າງ ຄະນະປະຕິບັດງານພິເສດ ແຂວງບໍລິຄຳໄຊ ແລະ ຄະນະປະຕິບັດງານພິ ເສດ ແຂວງຮ່າຕິງ ເພື່ອເປັນຂໍ້ຕົກ ລົງໃນການສືບຕໍ່ປະສານງານ, ຮ່ວມມື ແລະ ຊ່ວຍເຫຼືອເຊິ່ງກັນ ແລະ ກັນ ໃນການປະຕິບັດວຽກງານຂຸດຄົ້ນອັດຖິໃຫ້ບັນລຸຜົນຕາມແຜນການທີ່ວາງໄວ້.
ໂດຍ: ວັນ ນ້ອຍວິໄລ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
