ວັນຈັນ, ວັນທີ 13 ກໍລະກົດ 2026
ກອງພັນ 435 ສຳເລັດການອົບຮົມ-ຫັດແອບຍິງເປົ້າໝາຍດ້ວຍລູກປືນແທ້
ເວລາອອກຂ່າວ: 2026-06-08 15:26:30 | ຜູ້ຂຽນ : admin3 | ຈຳນວນຄົນເຂົ້າຊົມ: 131 | ຄວາມນິຍົມ: 
ວັນທີ 27 ພຶດສະພາ 2026 ຜ່ານມາ, ກອງພັນ 435 ກອງພົນທີ 1 ໄດ້ຈັດຕັ້ງປະຕິບັດປະສານສຽງແຕກຫັດແອບຍິງເປົ້າໝາຍດ້ວຍລູກປືນແທ້ ພາກສິລະປະຍຸດ ປະຈຳ 06 ເດືອນຕົ້ນປີ 2026. ໂດຍການເຂົ້າຮ່ວມຂອງ ສະຫາຍ ພັນໂທ ນວນຈັນ ເທບສະຫວັນ ຫົວໜ້າພະແນກຕີພິເສດ, ມີສະ ຫາຍ ພັນໂທ ພູມີ ວຽງທະລັງສີ ຫົວໜ້າການເມືອງ ກອງພັນ 435, ມີພະແນກການທີ່ກ່ຽວ ຂ້ອງ, ຄະນະພັກ-ຄະນະບັນຊາ ແລະ ພະນັກງານ-ນັກຮົບ ທົ່ວກົມກອງ ເຂົ້າຮ່ວມ.
ໂດຍປະຕິບັດຕາມແຜນການອົບຮົມ-ຫັດແອບ ປະຈຳ 06 ເດືອນຕົ້ນປີ 2026; ສະຫາຍ ຮ້ອຍເອກ ຄຳຈັນ ໄຊນິວັນ ຄະນະຮັບຜິດຊອບການອົບຮົມ-ຫັດແອບຍິງລູກປືນແທ້ ໄດ້ຜ່ານແຜນຮ່າງບົດຍິງເບຍເຂດພູຜາປ່າດົງ ກາງເວັນ ແລະ ບົດຍິງເບຍກ້າວ 1 ກາງຄືນຂອງເຫຼົ່າຮົບຕີພິເສດ; ເພື່ອໃຫ້ພະນັກງານ-ນັກຮົບຊາບຊຶມເປົ້າໝາຍ ແລະ ໜ້າທີ່ຂອງແຕ່ລະພາກສ່ວນ. ການປະຕິບັດຍິງລູກປືນແທ້ໃນຄັ້ງນີ້ກໍເພື່ອກວດ ກາຄຸນນະພາບໃນການອົບຮົມ-ຫັດແອບຕົວຈິງຂອງກົມກອງ, ຄວາມຮັບຮູ້, ຄວາມເຂົ້າໃຈກ່ຽວກັບທິດສະດີ, ຫຼັກການສິລະປະຍຸດ-ຍຸດທະວິທີເຫຼົ່າຮົບຕີພິເສດຂອງພະນັກງານ-ນັກຮົບໃນການຮ່ຳຮຽນໄລຍະຜ່ານມາ ສາມາດໝູນໃຊ້ໃນພູມີປະເທດຕົວຈິງ ໃຫ້ມີຄວາມຊິນເຄີຍຊຳນິຊຳນານຄ່ອງແຄ້ວໃນການນຳໃຊ້ອາວຸດຍຸດໂທປະກອນ ເມື່ອຂັ້ນເທິງຕ້ອງການສາມາດເຮັດສຳເລັດໜ້າທີ່ການເມືອງຂອງຕົນ. ຜ່ານການຈັດຕັ້ງຫັດແອບຍິງເປົ້າໝາຍດ້ວຍລູກປືນແທ້ແມ່ນບັນລຸຄາດໝາຍສູງ ແລະ ມີຄວາມຮັບປະກັນປອດໄພ 100%.
ໃນຕອນທ້າຍ ສະຫາຍ ພັນໂທ ນວນຈັນ ເທບສະຫວັນ ໄດ້ຍ້ອງຍໍຊົມເຊີຍຕໍ່ຄະນະພັກ-ຄະນະບັນຊາ, ພະນັກງານ ຄູ-ອາຈານ ທີ່ໄດ້ເອົາໃຈໃສ່ໃນການອົບຮົມ-ຫັດແອບດ້ວຍຄວາມຮັບຜິດຊອບສູງ ເຮັດໃຫ້ການອົບຮົມຄັ້ງນີ້ສຳເລັດໄປຕາມຈຸດປະສົງ, ຄາດໝາຍທີ່ວາງໄວ້. ຈາກນັ້ນ, ສະຫາຍຍັງໄດ້ຮຽກຮ້ອງໃຫ້ພະນັກງານ-ນັກຮົບຈົ່ງພ້ອມກັນເອົາໃຈໃສ່ເຝິກຝົນຫຼໍ່ຫຼອມຕົນເອງຂຶ້ນຕື່ມ ແລະ ພ້ອມກັນນຳເອົາບົດຮຽນຄັ້ງນີ້ໄປຈັດຕັ້ງປະຕິບັດເຂົ້າໃນໜ້າທີ່ວຽກງານຂອງກົມກອງໃຫ້ດີຂຶ້ນເປັນກ້າວໆ.
ໂດຍ: ອິນພອນ ພັນຕະການ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
