POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 08 ມິຖຸນາ 2026

ເຜີຍແຜ່ແຜນການຫັດແອບປະສານສຽງແຕກ ໃຫ້ແກ່ນັກຮຽນກໍ່ສ້າງຊັ້ນກາງທະຫານຊາຍແດນ ຊຸດທີ III
ເວລາອອກຂ່າວ: 2026-06-04 10:03:28 | ຜູ້ຂຽນ : admin2 | ຈຳນວນຄົນເຂົ້າຊົມ: 204 | ຄວາມນິຍົມ:

ວັນທີ 2 ມິຖຸນາ 2026 ນີ້, ໂຮງຮຽນທະຫານຊາຍແດນ 712 ຈັດຕັ້ງເຜີຍແຜ່ແຜນການຫັດແອບລວບລວມປະສານສຽງແຕກກອງຮ້ອຍທະຫານຊາຍແດນສູ້ຮົບຈັ້ງທ່າ, ໝວດປະຕິບັດຍິງລູກປືນແທ້ ໃຫ້ແກ່ນັກຮຽນກໍ່ສ້າງຊັ້ນກາງ ຊຸດທີ III ປະຈໍາສົກຮຽນ 2025-2026, ໂດຍເປັນປະທານຂອງສະຫາຍ ພັນເອກ ຂຽນທອງ ໄຊສົມບູນ ຫົວໜ້າການທະຫານ ໂຮງຮຽນທະຫານຊາຍແດນ 712, ມີຄະນະພັກ-ຄະນະອຳນວຍການໂຮງຮຽນ, ພະນັກງານ-ນັກຮົບ, ຄູ-ອາຈານ ແລະ ນັກຮຽນກໍ່ສ້າງຊັ້ນກາງ ເຂົ້າຮ່ວມ. ສະຫາຍ ພັນໂທ ກອງມີ ໄຊຍະຫວັດ ຮອງຫົວໜ້າພະແນກອົບຮົມໂຮງຮຽນທະຫານຊາຍແດນ 712 ໄດ້ຂຶ້ນຜ່ານແຜນການຫັດແອບລວບລວມປະສານສຽງແຕກກອງຮ້ອຍທະຫານຊາຍແດນສູ້ຮົບຈັ້ງທ່າ ແລະ ໝວດປະຕິບັດຍິງລູກປືນແທ້ ໃຫ້ແກ່ນັກຮຽນກໍ່ສ້າງຊັ້ນກາງ ຊຸດທີ III ເພື່ອເປັນການ ສັງລວມຄືນບົດຮຽນທີ່ນັກຮຽນໄດ້ຮໍ່າຮຽນຜ່ານມາໃນໄລຍະ 2 ປີ ແລະ ເພື່ອເຮັດໃຫ້ນັກຮຽນກໍາໄດ້ເນື້ອໃນບົດຮຽນ ແລະ ຮູ້ໜູນໃຊ້ພູມມີປະເທດຕົວຈິງ ທັງເປັນການຕີລາຄາໝາກຜົນ, ຜົນໄດ້ຮັບ, ຄວາມຮູ້ຄວາມສາມາດຂອງນັກຮຽນ ແລະ ເພື່ອແນໃສ່ປັບປຸງໂຄງການຫຼັກສູດ, ເນື້ອໃນບົດສອນ ແລະ ວິທີສິດສອນຂອງຄູ-ອາຈານ ໃຫ້ນັບມື້ນັບດີຂຶ້ນເລື້ອຍໆ. ເຊີ່ງຈະໄດ້ຫັດແອບເນື້ອໃນວຽກງານຄຸ້ມຄອງປ້ອງກັນຊາຍແດນ ຄື: ລາຍງານແຜນການປ້ອງກັນຊາຍແດນ, ໜ່ວຍລາດຕະເວນເຂົ້າກວດກາຫຼັກໝາຍຊາຍແດນ, ໜ່ວຍລາດຕະເວນຢຽບມິນຖືກບາດເຈັບ, ໜ່ວຍລາດຕະເວນປະກົດເຫັນເປົ້າໝາຍຂົນສົ່ງຢາເສບຕິດມີອາວຸດ ແລະ ໜ່ວຍລາດຕະເວນປະກົດເຫັນເປົ້າໝາຍຂົນສົ່ງເງິນປອມຂ້າມຊາຍແດນ; ຫັດແອບເນື້ອໃນວຽກງານການເມືອງ ປະກອບມີ: ກອງຮ້ອຍເຮັດວຽກງານສຶກສາອົບຮົມການເມືອງ-ແນວຄິດ ໃນໄລຍະພັກທັບຊົ່ວຄາວ ແລະ ກອງຮ້ອຍເຮັດວຽກງານການເມືອງ-ແນວຄິດ, ວຽກງານນະໂຍບາຍ ແລະ ຈັດຕັ້ງສົ່ງສະການໃນໄລຍະຈັດຕັ້ງກໍລະນີສູ້ຮົບຈັ້ງທ່າສຳເລັດ; ຫັດແອບເນື້ອໃນວຽກງານສືບຂ່າວຊາຍແດນ ຄື: ໜ່ວຍຈັດຕັ້ງປ້ອງກັນສະຖານທີ່ເກີດເຫດ, ກໍລະນີມີຄົນຕາຍ ແລະ ຫັດແອບເນື້ອໃນຍຸດທະວິທີປ້ອງກັນຊາຍແດນ ຈະໄດ້ຫັດແອບ ການອາແລັກປ່າວເຫດ ຫັນປ່ຽນພາວະສູ້ຮົບຈາກພາວະເພີ່ມທະວີຂຶ້ນເປັນພາວະຄົບຖ້ວນ, ຫັດແອບບັນຊາຮູບແຖວເຄືອນຍ້າຍກໍາລັງໄປເຂດເຕົ້າລວມປິດລັບ, ຫັດແອບເຄື່ອນທັບຜ່ານພູມມີປະເທດ ແລະ ແກ້ໄຂກໍລະນີຕາມເສັ້ນທາງ, ຫັດແອບສູ້ຮົບຈັ້ງທ່າຍິງລູກປືນແທ້ ແລະ ຈັດຕັ້ງຍິງລູກປືນແທ້. ໃນນັ້ນ ກໍານົດເວລາ 5 ວັນ ຈຶ່ງຈະສໍາເລັດການຫັດແອບ. ໃນພິທີ ຍັງໄດ້ຜ່ານຂໍ້ຕົກລົງ ວ່າດ້ວຍການແຕ່ງຕັ້ງຄະນະຮັບຜິດຊອບຊີ້ນໍາ ແລະ ພາກສ່ວນຮັບປະກັນໃຫ້ແກ່ການຫັດແອບລວບລວມປະສານສຽງແຕກກອງຮ້ອຍທະຫານຊາຍແດນສູ້ຮົບຈັ້ງທ່າ ແລະ ໝວດປະຕິບັດຍິງລູກປືນແທ້ ໃຫ້ແກ່ນັກຮຽນກໍ່ສ້າງຊັ້ນກາງ ຊຸດທີ III ຕື່ມອີກ. ໂອກາດນີ້, ສະຫາຍ ພັນເອກ ຂຽນທອງ ໄຊສົມບູນ ໄດ້ເນັ້ນໜັກໃຫ້ແຕ່ລະພາກສ່ວນທີຖືກແຕ່ງຕັ້ງ ແລະ ເຂົ້າຮ່ວມປະຕິບັດແຜນການໃນຄັ້ງນີ້ ຈົ່ງຍົກສູງຄວາມຮັບຜິດຊອບຂອງຕົນ ເຂົ້າໃນວຽກງານການກະກຽມເຄືື່ອນທັບປະສານສຽງແຕກໃນຄັ້ງນີ້ ໃຫ້ມີຜົນສໍາເລັດຢ່າງຈົບງາມ, ເອົາໃຈໃສ່ປະຕິບັດຂໍ້ກໍານົດກົດລະບຽບໃນການເຄືອນທັບ ແລະ ພາກສະໜາມ, ຮັກສາໄດ້ດ້ານຈໍານວນພົນ, ອາວຸດຢຸດໂທປະກອນ ທີ່ໄດ້ປະກອບບໍ່ໃຫ້ເປ່ເພ, ເສຍຫາຍ ແລະ ຮັບປະກັນຄວາມປອດໄພໄດ້ 100%. ໂດຍ: ພິລະສອນ ວັນວິໄຊ.

news to day and hot news