ວັນເສົາ, ວັນທີ 13 ມິຖຸນາ 2026
ນອກແວ ລົງນາມຂໍ້ຕົກລົງຄວາມຮ່ວມມື CAVS ເພື່ອກຽມຊື້ຍານເກາະ Patria 6x6
ເວລາອອກຂ່າວ: 2026-06-03 09:31:25 | ຜູ້ຂຽນ : admin1 | ຈຳນວນຄົນເຂົ້າຊົມ: 218 | ຄວາມນິຍົມ: 
ເວັບໄຊ ການທະຫານປ້ອງກັນຊາດ ເອີຣົບ ກ່າວກາງ ເດືອນ ພຶດສະພານີ້ວ່າ: ນອກແວໄດ້ລົງນາມໃນຂໍ້ຕົກລົງສຳລັບໂຄງການລະບົບຍານເກາະຮ່ວມ (CAVS) ທີ່ນຳໂດຍ ບໍລິສັດ Patria ຂໍ້ຕົກລົງນີ້ນັບເປັນຂັ້ນຕອນຕໍ່ໄປ ໃນການກະ ກຽມສຳລັບການຈັດຫາຍານເກາະ Patria CAVS 6x6 ຈຳນວນຫຼາຍຂອງ ນອກແວ.
ນອກແວ ເຂົ້າຮ່ວມໂຄງການ CAVS ໃນປີ 2025 ພ້ອມກັບສະຫະລາຊະອານາຈັກ ໂດຍໂຄງການນີ້ເປີດຕົວໃນປີ 2020 ຜ່ານຄວາມຮ່ວມມືລະຫວ່າງ ແຟງລັງ ແລະ ລັດເວຍ, ໂຄງການ CAVS ມີເປົ້າໝາຍໃນການສົ່ງມອບລະບົບຍານເກາະ 6x6 ທີ່ທັນສະໄໝ ໂດຍໃຊ້ພື້ນຖານຈາກບໍລິສັດ Patria 6x6 ຍານເກາະຮຸ່ນນີ້ ຖືກອອກແບບມາເພື່ອຕອບສະໜອງຄວາມຕ້ອງການດ້ານການປະຕິບັດພາລະກິດຂອງປະ ເທດໃນຢູໂຣບ ແລະ NATO. ປັດຈຸບັນ ບໍລິສັດ
Patria ໄດ້ສົ່ງມອບຍານເກາະໃຫ້ແກ່ຫຼາຍປະເທດສະມາຊິກ ພາຍໄຕ້ ໂຄງການ CAVS ແລ້ວ ລວມທັງແຟັງລັງ, ຊູແອັດ, ລັດເວຍ, ດານມາກ ແລະ ເຢຍລະມັນ, ໂດຍຍານເກາະເຫຼົ່ານີ້ຍັງຖືກນຳໃຊ້ໃນສະໜາມຮົບຂອງ ອູແກຣນ ຂະນະທີ່ກຳລັງເຈລະຈາຂັ້ນຕອນຕໍ່ໄປກັບສະຫະລາຊະອານາຈັກ.
“ການທີ່ ນອກແວ ລົງນາມໃນກອບຄວາມຮ່ວມມື ພາຍໃຕ້ໂຄງການ CAVS ຖືເປັນອີກກ້າວສຳຄັນທີ່ເປັນຮູບປະທຳ ສຳລັບຄວາມຮ່ວມມືໃນລະດັບນານາຊາດ” “ກອບຄວາມຮ່ວມມືນີ້ ຊ່ວຍໃຫ້ປະເທດສະມາຊິກສາມາດດຳເນີນການໄດ້ຢ່າງວ່ອງໄວ ຈັດຊື້ໄດ້ຢ່າງສະຫຼາດ ແລະ ຮັກສາຄວາມຍືນຍົງໃນລະດັບທ້ອງຖິ່ນ ສົ່ງຜົນໃຫ້ເກີດຂີດຄວາມສາມາດໃນການເຄື່ອນທີ່ຢ່າງປອດໄພ ສອດຄ່ອງກັນ ແລະ ໃຊ້ງານຮ່ວມກັນໄດ້ ພ້ອມທັງເສີມສ້າງຄວາມມັ່ນຄົງດ້ານຫ່ວງໂສ້ອຸປະທານ ຜ່ານຄວາມຮ່ວມມືທາງອຸດສາຫະກຳ” ເຊິ່ງໂຄງການ CAVS ນີ້ຊ່ວຍໃຫ້ປະເທດທີ່ເຂົ້າຮ່ວມ ສາມາດຈັດຫາລົດຫຸ້ມເກາະທັນສະໄໝໄດ້ຢ່າງທັນເວລາ ແລະ ຄຸ້ມຄ່າ ແນວ ທາງນີ້ຍັງສະໜັບສະໜູນການຈັດຊື້ຮ່ວມກັນ ການພັດທະນາຜະລິດຕະພັນແບບປະສານງານ ແລະ ການບໍລິຫານວົງຈອນຊີວິດຜະລິດຕະພັນຢ່າງມີປະສິດທິຜົນ. ທ່ານ ຢຸສຊິ ຢາຣວິນເນນ ຮອງປະທານບໍລິຫານຝ່າຍທຸລະກິດຍານເກາະຂອງ ບໍລິສັດ Patria ກ່າວ.
ບໍລິສັດ Patria ລະບຸວ່າ ໂຄງການນີ້ຍັງເປີດຮັບສະມາຊິກປະເທດໃນຢູໂຣບ ແລະ NATO ທີ່ມີຄວາມສົນໃຈ ແລະ ຕ້ອງການລົດຫຸ້ມເກາະ 6x6 ໃນລະດັບໃກ້ຄຽງກັນ ການທີ່ ນອກແວ ລົງນາມໃນກອບຂໍ້ຕົກລົງນີ້ ຈະເຮັດໃຫ້ມີຄວາມສາມາດດຳເນີນການຈັດຊື້ແບບຕໍ່ເນື່ອງ ພາຍໃຕ້ໂຄງການ CAVS ພາຄີໄດ້ງ່າຍຂື້ນ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
