ວັນຈັນ, ວັນທີ 08 ມິຖຸນາ 2026
ກອງບັນຊາການທະຫານແຂວງຄຳມ່ວນ ປະກາດລຸລ່ວງໃຫ້ນາຍທະຫານພັກການເພື່ອກຽມຮັບບຳນານ
ເວລາອອກຂ່າວ: 2026-06-03 08:48:34 | ຜູ້ຂຽນ : admin1 | ຈຳນວນຄົນເຂົ້າຊົມ: 207 | ຄວາມນິຍົມ: 
ວັນທີ 29 ພຶດສະພາ 2026 ນີ້, ກອງບັນຊາການທະຫານແຂວງຄຳມ່ວນ ໄດ້ຈັດພິທີປະ ກາດລຸລ່ວງໃຫ້ນາຍທະຫານພັກການເພື່ອກຽມຮັບບຳນານ, ໂດຍການເປັນປະທານຂອງ ສະຫາຍ ພັນເອກ ພັນມະຫາ ຈູມມະນີ ຫົວໜ້າຫ້ອງການເມືອງ ກອງບັນຊາການທະຫານແຂວງຄຳມ່ວນ, ມີຄະນະພັກ-ຄະນະບັນຊາ, ພະແນກການທີ່ກ້ຽວຂ້ອງ ແລະ ນາຍທະຫານທີ່ພັກການ ເພື່ອກຽມຮັບບຳນານເຂົ້າຮ່ວມ.
ສະຫາຍ ພັນໂທ ແອັນນາ ໝັ້ນລະດີ ຮອງຫົວໜ້າພະແນກພະນັກງານ ກອງບັນຊາການທະຫານແຂວງຄຳມ່ວນ ກໍໄດ້ຂຶ້ນຜ່ານຂໍ້ຕົກລົງ ຂອງກະຊວງປ້ອງກັນປະເທດ ແລະ ຂໍ້ຕົກລົງຂອງກົມໃຫຍ່ການເມືອງກອງທັບ ວ່າດ້ວຍການອະນຸມັດ ໃຫ້ນາຍທະຫານຢູ່ກອງບັນຊາການທະ ຫານແຂວງຄຳມ່ວນ ພັກການເພື່ອກຽມຮັບບຳນານ ຈຳນວນ 26 ສະຫາຍ.
ໂອກາດນີ້, ສະຫາຍ ພັນເອກ ພັນມະຫາ ຈູມມະນີ ໄດ້ມີຄຳເຫັນໂອ້ລົມຕໍ່ນາຍທະຫານທີ່ໄດ້ພັກການລໍຖ້າກຽມຮັບບຳນານ, ເຊິ່ງກ່ອນອື່ນສະຫາຍໄດ້ສະ ແດງຄວາມຍ້ອງຍໍຊົມເຊີຍ ແລະ ສະແດງຄວາມຮູ້ບຸນຄຸນຕໍ່ບັນດາສະຫາຍ ທີ່ໄດ້ອຸທິດເຫື່ອແຮງ ແລະ ສະຕິປັນຍາ ປະກອບສ່ວນເຂົ້າໃນພາລະກິດປົກປັກຮັກສາ ແລະ ສ້າງສາປະເທດຊາດ, ເວົ້າລວມ ເວົ້າສະເພາະແມ່ນການປະກອບສ່ວນທັງ ແຮງກາຍ ແລະ ສະຕິປັນຍາ ເຂົ້າໃນການພັດທະນາກົມກອງໃຫ້ມີຄວາມເຂັ້ມ ແຂງ, ໜັກແໜ້ນ ແລະ ເຮັດສຳເລັດໜ້າທີ່ການເມືອງທີ່ການຈັດ ຕັ້ງມອບໝາຍໃຫ້ເປັນຢ່າງດີ, ພ້ອມທັງ ເນັ້ນໜັກໃຫ້ສືບຕໍ່ເປັນແບບຢ່າງທີ່ດີໃຫ້ແກ່ພະນັກງານ -ນັກຮົບຮຸ່ນສືບທອດ, ເປັນເຈົ້າການສຶກສາອົບຮົມລູກຫຼານໃຫ້ປະຕິບັດລະບຽບກົດໝາຍຢ່າງເຂັ້ມງວດ, ເພື່ອປະກອບສ່ວນເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດໃຫ້ຈະເລີນຮຸ່ງເຮືອງ ແລະ ສີວິໄລຢ່າງບໍ່ຢຸດຢັ້ງ.
ໂດຍ: ເກດມະນີ ສຸວັນນະລາດ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
