ວັນເສົາ, ວັນທີ 13 ມິຖຸນາ 2026
ທີມຊາດລາວ ຈັບສະຫຼາກຢູ່ກຸ່ມ H ຮ່ວມກັບ ອົດສະຕຣາລີ, ມາເລເຊຍ ແລະ ອິນໂດເນເຊຍ ເຕະບານຊາຍ U20 ປີ ຊີງແຊັມອາຊີ 2027 ຮອບຄັດເລືອກ
ເວລາອອກຂ່າວ: 2026-06-02 09:23:36 | ຜູ້ຂຽນ : admin1 | ຈຳນວນຄົນເຂົ້າຊົມ: 230 | ຄວາມນິຍົມ: 
ຜົນຈັບສະຫຼາກໃນວັນທີ 28 ພຶດສະພານີ້, ທີ່ສຳນັກງານໃຫຍ່ຂອງສະຫະພັນບານເຕະອາ ຊີ ຫຼື ເອເອັຟຊີ ນະຄອນຫຼວງກົວລາລຳເປີ ປະເທດມາເຊຍປະກົດວ່າ: ທີມຊາດລາວ ຢູ່ກຸ່ມ H ຮ່ວມກັບຊາດທີ່ແຂ່ງຂັນໃນອາຊຽນດ້ວຍກັນຄື: ອົດສະຕຣາລີ, ມາເລເຊຍ ແລະ ອິນໂດເນເຊຍ.
ຮອບຄັດເລືອກກຸ່ມນີ້ ສປປ ລາວ ຖືກເລືອກໃຫ້ເປັນເຈົ້າພາບ ໂດຍຈະແຂ່ງຂັນໃນລະຫວ່າງວັນທີ 25 ສິງຫາ-6 ກັນຍາ 2026.
ຮອບຄັດເລືອກຄັ້ງນີ້ ມີ 44 ເຂົ້າຮ່ວມ, ແບ່ງອອກເປັນ 11 ກຸ່ມ, 8 ກຸ່ມ ແມ່ນຄັດເອົາທີມທີ່ອັນດັບ 1-32 ຂອງທະວີບ ຫຼື ເອີ້ນວ່າ: ຂັ້ນ Qualification phase ທີ່ໄດ້ສີດຄັດເລືອກລຸ້ນໄປແຂ່ງຂັນຮອບສຸດທ້າຍ ໂດຍຈະແຂ່ງພົບກັນໝົດໃນກຸ່ມ ແລ້ວຄັດເອົາທີ 1 ຂອງກຸ່ມ ແລະ ທີ 2 ດີສຸດ 7 ທີມ ເຂົ້າຮອບສຸດທ້າຍ, ສ່ວນທີມອັນດັບສຸດທ້າຍຕົກໄປຫຼິ້ນລະດັບ Development phase ໃນຄັ້ງຕໍ່ໄປ.
ສ່ວນອີກ 3 ກຸ່ມ ແມ່ນບັນດາທີມອັນດັບ 33-44 ຂອງທະວີບ ຫຼື ເອີ້ນວ່າ: ຂັ້ນ Development phase ແຂ່ງຄັດເພື່ອເລື່ອນຂຶ້ນຂັ້ນ Qualification phase ແຕ່ບໍ່ໄດ້ສິດໄປແຂ່ງຂັນຮອບສຸດທ້າຍ ໂດຍຮູບແບບການແຂ່ງຂັນ ແມ່ນພົບກັນໝົດ ແລ້ວຄັດເອົາທີ 1 ແລະ ທີ 2 ຂອງກຸ່ມ ເລື່ອນຂັ້ນສູ່ລະດັບ Qualification phase.
ສ່ວນຮອບສຸດທ້າຍຈະແຂ່ງ ຂັນຢູ່ປະເທດຈີນ ໃນເດືອນມີນາ ປີ 2027.
ສຳລັບຜົນງານຜ່ານມາຂອງ U20 ປີ ທີມຊາດລາວ ໃນການເຂົ້າຮ່ວມລາຍການນີ້ ເຄີຍຜ່ານການຄັດເລືອກໄປແຂ່ງຂັນຮອບສຸດທ້າຍ 5 ຄັ້ງຄື: 1969 ທີ່ປະ ເທດໄທ, ປີ 1970 ທີ່ຟີລິບປິນ, ປີ 1972 ແລະ 1974 ທີ່ປະເທດໄທ, ປີ 2020 ທີ່ປະເທດອຸສເບ ກິສຖານ ແຕ່ຖືກຍົກເລີກ ຍ້ອນພະ ຍາດ ໂຄວິດ-19, ສ່ວນ 2 ຄັ້ງຫຼັງສຸດ ບໍ່ຜ່ານຮອບຄັດເລືອກ, ຄັ້ງຜ່ານມາປີ 2025 ທີ່ຕົນເອງເປັນເຈົ້າພາບ ຮອບຄັດເລືອກ 3 ນັດ ຊະນະ 1 ເສຍ 2.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
