ວັນເສົາ, ວັນທີ 13 ມິຖຸນາ 2026
ທ່ານ ຈ້າວເລີ້ຈີ້ ຢ້ຽມຢາມສັນທະວະໄມຕີ ກາຊັກສະຖານ ຢ່າງເປັນທາງການ
ເວລາອອກຂ່າວ: 2026-06-02 09:20:50 | ຜູ້ຂຽນ : admin1 | ຈຳນວນຄົນເຂົ້າຊົມ: 110 | ຄວາມນິຍົມ: 
ໂດຍຕອບສະໜອງຕາມຄຳເຊີນຂອງ ທ່ານ ເຢລານ ໂຄຊານົຟ ປະທານສະພາຕໍ່າ ກາຊັກສະຖານ, ທ່ານ ຈ້າວເລີ້ຈີ້ ປະທານສະພາປະຊາຊົນແຫ່ງຊາດຈີນ ໄດ້ເດີນທາງຢ້ຽມຢາມສັນທະວະໄມຕີ ກາຊັກສະຖານ ຢ່າງເປັນທາງການ ໃນລະຫວ່າງວັນທີ 25-27 ພຶດສະພາ ຜ່ານມານີ້, ຢູ່ນະຄອນຫຼວງອັດສະຕານາ ຂອງກາຊັກສະຖານ, ທ່ານໄດ້ເຂົ້າຢ້ຽມຄຳນັບ ທ່ານ ຄາຊິມ ໂຈມາດ ໂຕຄາເຢັຟ ປະທານາທິບໍດີກາຊັກສະຖານ ແລະ ໄດ້ພົບປະເຈລະຈາສອງຝ່າຍກັບ ທ່ານ ມາວເລັນ ອາຊິມບາເຢັຟ ປະທານສະພາສູງ ຕາມລຳດັບ.
ພາຍຫຼັງສຳເລັດການພົບປະ, ທ່ານປະທານາທິບໍດີ ໂຕຄາເຢັຟ ໄດ້ປະດັບຫຼຽນໄຊມິດຕະພາບຊັ້ນໜຶ່ງໃຫ້ ທ່ານ ຈ້າວເລີ້ຈີ້. ທ່ານ ຈ້າວເລີ້ຈີ້ ກ່າວຢືນຢັນສະແດງຄວາມຫວັງຢາກລົງເລິກການຮ່ວມມືແບບຕ່າງຝ່າຍຕ່າງໄດ້ຮັບຜົນປະໂຫຍດ, ຊຸກຍູ້ການຮ່ວມກັນສ້າງ “ໜຶ່ງແລວໜຶ່ງເສັ້ນທາງ” ໃຫ້ໄດ້ຮັບໝາກຜົນອັນໃໝ່. ນອກນີ້, ທ່ານຍັງໄດ້ເດີນທາງໄປຢ້ຽມຢາມສູນລູປ່ານກົ່ງຝ້າງ ຂອງມະຫາວິທະຍາໄລແຫ່ງຊາດເອີຣົບອາຊີ ແລະ ໄດ້ກ່າວຄໍາເຫັນໂດຍເນັ້ນໜັກວ່າ: ຄວນເພີ່ມທະວີການແລກປ່ຽນດ້ານວັດທະນະທຳຢ່າງແໜ້ນແຟ້ນ ແລະ ຮັດແໜ້ນ ພື້ນຖານທີ່ໄດ້ຮັບການສະໜັບສະໜູນຈາກປະຊາຊົນ ເພື່ອມິດຕະພາບລະຫວ່າງສອງປະເທດ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
