POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 08 ມິຖຸນາ 2026

ສະຫະພັນນັກຮົບເກົ່າ ແຂວງໄຊຍະບູລີ ຖືເອົາການກໍ່ສ້າງໜ່ວຍພັກ ປອດໃສ ເຂັ້ມແຂງ ໜັກແໜ້ນ ເປັນສຳຄັນ
ເວລາອອກຂ່າວ: 2026-06-02 09:08:49 | ຜູ້ຂຽນ : admin1 | ຈຳນວນຄົນເຂົ້າຊົມ: 155 | ຄວາມນິຍົມ:

ການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ຢູ່ບັນດາກຳລັງຫຼວງ-ກຳລັງທ້ອງຖິ່ນໃນທົ່ວປະເທດແມ່ນເຫັນວ່າເພີ່ມຂຶ້ນທາງດ້ານຈຳນວນ ແລະ ຄຸນນະພາບ. ໃນນີ້, ເວົ້າສະເພາະຢູ່ໜ່ວຍພັກ ນັກຮົບເກົ່າແຂວງໄຊຍະບູ ລີ ກໍແມ່ນໜ່ວຍພັກໜຶ່ງທີ່ເຄື່ອນໄຫວຕາມພາລະບົດບາດຂອງຕົນຕາມການຊີ້ນຳຂອງອົງຄະນະພັກແຂວງໄຊຍະບູລີ. ສະຫາຍ ພົນຈັດຕະວາ ກູດພົມມາ ເລຂາໜ່ວຍພັກ ປະ ທານສະຫະພັນນັກຮົບເກົ່າແຂວງໄຊຍະບູລີ ໃຫ້ຮູ້ວ່າ: ໜ່ວຍພັກສະຫະພັນນັກຮົບເກົ່າແຂວງເປັນ ໜ່ວຍພັກຮາກຖານໜຶ່ງທີ່ຢູ່ພາຍໃຕ້ການນຳພາ-ຊື້ນຳຂອງຄະນະປະຈຳພັກແຂວງ, ເປັນແກນນຳໃນສະຫະພັນນັກຮົບເກົ່າແຂວງທີ່ມີສະມາຊິກນັກຮົບເກົ່າດຳເນີນຊີວິດການເມືອງ ແລະ ປັດຈຸບັນມີສະມາຊິກພັກທັງໝົດ 19 ສະ ຫາຍ, ຍິງ 9 ສະຫາຍ, ມີພະນັກ ງານທັງໝົດ 21 ສະຫາຍ, ຍິງ 9 ສະຫາຍ, ໃນນີ້ ພະນັກງານບຳ ນານ 4 ສະຫາຍ, ຍິງ 1 ສະ ຫາຍ, ພະນັກງານທະຫານ 8 ສະຫາຍ, ຍິງ 3 ສະຫາຍ, ພະ ນັກງານຕຳຫຼວດ 1 ສະຫາຍ, ລັດຖະກອນ 8 ສະຫາຍ, ຍິງ 5 ສະຫາຍ, ມີ 3 ຂະແໜງການຄື: ຂະແໜງບໍລິຫານ, ຂະແໜງຈັດຕັ້ງ-ກວດກາ ແລະ ຂະແໜງ ໂຄສະນາ-ອົບຮົມ, ໃນໄລຍະ 1 ປີ ຜ່ານມາ ໜ່ວຍພັກສະຫະພັນນັກ ຮົບເກົ່າແມ່ນໄດ້ນຳພາສະມາຊິກພັກ ແລະ ພະນັກງານຈັດຕັ້ງປະ ຕິບັດໜ້າທີ່ການເມືອງ ແລະ ວິ ຊາສະເພາະ ຮັບປະກັນເຮັດໃຫ້ວຽກງານເດີນແມ່ນແລນສະດວກດີ ແລະ ໄດ້ຮັບຜົນສຳເລັດຫຼາຍດ້ານ ເຊິ່ງສະແດງອອກໄດ້ນຳ ພາກົມກອງ, ສະມາຊິກນັກຮົບເກົ່າ ປະຕິບັດຂໍ້ແຂ່ງຂັນ 3 ດີ 6 ຮັກສາຂອງນັກຮົບເກົ່າແຫ່ງຊາດລາວ ຕິດພັນກັບຂໍ້ແຂ່ງຂັນຮັກຊາດ ແລະ ພັດທະນາ ເຊິ່ງມີສະມາຊິກນັກຮົບເກົ່າທັງໝົດ 2.522 ສະຫາຍ ໃນນີ້ ໄດ້ປະເພດແຂງ 2.186 ສະຫາຍ ເທົ່າກັບ 86% ໜ່ວຍສະຫະພັນນັກຮົບ ເກົ່າບ້ານໄດ້ປະເພດແຂງ 50 ໜ່ວຍ ເທົ່າກັບ 86%, ສະຫະພັນນັກຮົບເກົ່າເມືອງ ໄດ້ປະເພດແຂງ 11 ເມືອງ ເທົ່າກັບ 86%, ນອກນັ້ນຍັງມີກອງທຶນຊ່ວຍເຫຼືອເຊິ່ງກັນ ແລະ ກັນ 2 ກອງທຶນຄື: ກອງທຶນພັດທະນາ ແລະ ກອງທຶນຊ່ວຍເຫຼືອເຊິ່ງກັນ ແລະ ກັນ ທັງສອງກອງທຶນມີສະມາຊິກທັງໝົດ 2.000 ກວ່າສະຫາຍ, ມີເງິນກອງທຶນ 3 ຕື້ກີບ, ຕໍ່ກັບຜົນງານດັ່ງກ່າວສາມາດຕີລາຄາແບ່ງປະເພດຂອງສະມາຊິກພັກ ໄດ້ປະເພດແຂງ 19 ສະຫາຍ, ຍິງ 9 ສະຫາຍ; ມະຫາຊົນໄດ້ປະເພດດີ 2 ສະຫາຍ, 3 ຂະແໜງການ ແລະ 3 ອົງການຈັດຕັ້ງແມ່ນໄດ້ ປະເພດແຂງ, ການນຳພາຂອງ ໜ່ວຍພັກຕາມ 5 ເນື້ອໃນຄື: ດ້ານການເມືອງປະຕິບັດໄດ້ 9 ຄະ ແນນ, ດ້ານແນວຄິດປະຕິບັດໄດ້ 9 ຄະແນນ, ດ້ານການຈັດຕັ້ງປະຕິບັດໄດ້ 9 ຄະແນນ, ດ້ານແບບແຜນວິທີເຮັດວຽກປະຕິບັດໄດ້ 9 ຄະແນນ ແລະ ດ້ານການນຳພາປະຕິບັດໜ້າທີ່ການເມືອງປະຕິບັດໄດ້ 9 ຄະແນນ ແລະ ໜ່ວຍພັກໄດ້ຮັບຮອງເປັນໜ່ວຍພັກປອດໃສ ເຂັ້ມແຂງ ໜັກແໜ້ນ ປະຈຳປີ 2025. ສະຫາຍ ພົນຈັດຕະວາ ກູດພົມມາ ຍັງກ່າວຕື່ມອີກວ່າ: ນອກຈາກນັ້ນຍັງໄດ້ປົກປ້ອງສິດ ຜົນປະໂຫຍດອັນຊອບທຳຂອງນັກຮົບເກົ່າ ແລະ ຕິດຕາມຊຸກຍູ້, ການປະຕິບັດເງິນນະໂຍບາຍຕ່າງໆເປັນຕົ້ນແມ່ນນະໂຍບາຍຕໍ່ວິລະຊົນແຫ່ງຊາດ, ນັກຮົບແຂ່ງຂັນ, ນະໂຍບາຍແກ້ໄຂບຳ ນານ, ນະໂຍບາຍປຸກສ້າງເຮືອນ ໃຫ້ນັກຮົບເກົ່າຜູ້ທີ່ທຸກຍາກປ່ຽວ ພອຍ, ຍາດແຍ່ງທຶນຊ່ວຍເຫຼືອ ຜ່າຕັດແກ່ນຕາຂຸ້ນໃຫ້ນັກຮົບເກົ່າພາຍໃນແຂວງ, ເມືອງ, ບ້ານ ແລະ ວຽກງານນະໂຍບາຍອື່ນໆໃຫ້ສອດຄອງຕາມແນວທາງນະໂຍບາຍຂອງພັກ-ລັດ ກໍຄືກອງທັບ ແລະ ຕຳຫຼວດ; ພ້ອມ ນັ້ນຍັງໄດ້ປັບປຸງກົງຈັກການຈັດ ຕັ້ງສະຫະພັນນັກຮົບເກົ່າຂັ້ນເມືອງ, ບ້ານ; ວຽກງານການສ້າງເສດຖະກິດແກ້ໄຂຊີວິດການເປັນຢູ່ ແລະ ແກ້ໄຂຄວາມທຸກຍາກສະຫະພັນນັກຮົບເກົ່າແຕ່ລະຂັ້ນໄດ້ຖືເອົາການຜະລິດກະສິກຳ ປູກຝັງ-ລ້ຽງສັດ, ການບໍລິການ ຕ່າງໆຕາມເງື່ອນໄຂທ່າແຮງບົ່ມຊ້ອນຂອງແຕ່ລະຄອບຄົວນັກຮົບເກົ່າຜູ້ທີ່ທຸກຍາກກໍໄດ້ຮັບການພັດທະນາ ແລະ ປັບປຸງຕົນເອງລຸດພົ້ນອອກຈາກຄວາມທຸກ ຍາກ; ວຽກງານພົວພັນຮ່ວມມືກັບຕ່າງປະເທດ ໄດ້ມີການພົວ ພັນ, ຮ່ວມມືກັບສະມາຄົມນັກ ຮົບເກົ່າ ສສ ຫວຽດນາມເປັນຕົ້ນແມ່ນແຂວງທີ່ໄກຄຽງຕາມແນວ ທາງການຕ່າງປະເທດຂອງພັກຍາດແຍງເອົາທຶນການຊ່ວຍເຫຼືອເພື່ອມາພັດທະນານັກຮົບເກົ່າໃຫ້ນັບມື້ດີຂຶ້ນ. ໂດຍ: ວັນໄຊ ໄຊສະຫວັດ

news to day and hot news