ວັນຈັນ, ວັນທີ 08 ມິຖຸນາ 2026
ເຄື່ອນໄຫວຊຸກຍູ້ຂະບວນການ 3 ດີ ແລະ 4 ບຸກ ຕິດພັນກັບກິດຈະກຳຖາມ-ຕອບຄວາມຮູ້ຮອບຕົວ
ເວລາອອກຂ່າວ: 2026-06-02 09:07:57 | ຜູ້ຂຽນ : admin1 | ຈຳນວນຄົນເຂົ້າຊົມ: 158 | ຄວາມນິຍົມ: 
ສະຫາຍ ພັນໂທ ສົມພອນ ພາລາດີ ຮອງຫົວໜ້າຫ້ອງການ ເມືອງກອງພົນທີ 5, ຜູ້ຊີ້ນຳອົງການຈັດຕັ້ງມະຫາຊົນກອງພົນທີ 5 ພ້ອມດ້ວຍພະແນກສະຫະພັນແມ່ຍິງ ແລະ ພະແນກຊາວໜຸ່ມ ໄດ້ເຄື່ອນໄຫວຊຸກຍູ້ຂະບວນການ 3 ດີ ແລະ 4 ບຸກຕິດພັນກັບກິດ ຈະກຳ ຖາມ-ຕອບຄວາມຮູ້ຮອບຕົວ ຢູ່ກອງພັນ 429, ມີຄະນະບໍລິຫານງານຊາວໜຸ່ມ-ໜ່ວຍສະຫະພັນແມ່ຍິງ ຕະຫຼອດຮອດພະນັກງານ-ນັກຮົບເຂົ້າຮ່ວມ.
ໂດຍປະຕິບັດຕາມແຜນການ ເຄື່ອນໄຫວຊຸກຍູ້ຂະບວນການຊາວໜຸ່ມ-ແມ່ຍິງທົ່ວກອງພົນທີ 5 ຕິດພັນກັບສ້າງຂະບວນການກິດຈະກຳ ຖາມ-ຕອບຄວາມຮູ້ຮອບຕົວ ທີ່ກ່ຽວກັບຂໍ້ກຳນົດ, ກົດລະບຽບຂອງກອງທັບ ທີ່ຂັ້ນເທິງອະນຸມັດ ສະບັບເລກທີ 01 ລົງວັນທີ 9 ກຸມພາ 2026. ການສ້າງຂະບວນການຄັ້ງນີ້ ກໍເພື່ອກວດກາ-ຕິດຕາມການເຄື່ອນໄຫວຂະບວນການດ້ານຕ່າງໆ ຢູ່ບັນດາກົມກອງຂອງອົງການຈັດຕັ້ງມະຫາຊົນ. ເພື່ອເປັນການຊຸກຍູ້, ຍົກສູງຄວາມຮັບຜິດຊອບໃນການຊີ້ນຳ-ນຳພາຂອງຄະນະບໍ ລິຫານງານຊາວໜຸ່ມ-ໜ່ວຍສະຫະພັນແມ່ຍິງກົມກອງໃຫ້ຖືກຕ້ອງຕາມພາລະບົດບາດ ແລະ ໜ້າທີ່ ທີ່ຂັ້ນເທິງມອບໝາຍໃຫ້, ທັງນີ້ກໍເພື່ອຂຸດຄົ້ນທ່າແຮງບົ່ມຊ້ອນຂອງມະຫາຊົນຢູ່ອົງການ ກົມກອງດ້ານຄວາມຮູ້, ຄວາມສາມາດຂອງພະນັກງານ-ນັກຮົບ, ສະມາຊິກຊາວໜຸ່ມ-ແມ່ຍິງ ເພື່ອປະກອບສ່ວນເຂົ້າໃນພາລະກິດປົກປັກຮັກສາ ແລະ ສ້າງສາປະເທດຊາດ ຕາມ
ພາລະບົດບາດຂອງຕົນ, ສະມາຊິກຊາວໜຸ່ມ-ແມ່ຍິງໄດ້ແຂ່ງຂັນກັນຕອບຄຳຖາມຢ່າງເປັນຂະບວນການຟົດ ຟື້ນ, ເພື່ອຍາດຊີງເອົາລາງວັນດ້ວຍບັນຍາກາດຄຶກ
ຄື້ນມ່ວນຊື່ນ ເນື້ອໃນກິດຈະກຳ ຖາມ-ຕອບທີ່ໄດ້ຈັດຕັ້ງສ້າງຂະບວນການຄັ້ງນີ້ ມີຄຳຖາມທີ່ກ່ຽວຂ້ອງກັບຂໍ້ກຳນົດ ກົດລະບຽບທີ່ກອງທັບວາງອອກ ແລະ ຄວາມ
ຮູ້ຮອບຕົວ ເຊິ່ງໃນການດຳເນີນຂະບວນການກິດຈະກຳຖາມ-ຕອບສາ ມາດຍາດໄດ້ລາງວັນທີ 1 ຈຳ ນວນ 3 ສະຫາຍ, ຍິງ 1 ສະຫາຍ, ລາງວັນທີ 2 ຈຳນວນ 3 ສະຫາຍ, ຍິງ 1 ສະຫາຍ, ລາງວັນທີ 3 ຈຳນວນ 3 ສະຫາຍ, ຍິງ 1 ສະຫາຍ.
ສະຫາຍ ພັນໂທ ສົມພອນ ພາລາດີ ກໍໄດ້ໂອ້ລົມຕໍ່ພະນັກ ງານ-ນັກຮົບ ກ່ອນອື່ນສະຫາຍກໍໄດ້ຍ້ອງຍ້ອງຍໍບັນດາຜົນງານການເຄື່ອນໄຫວຂອງອົງການຈັດ
ຕັ້ງມະຫາຊົນກົມກອງໃນໄລຍະຜ່ານມາ ແລະ ຍັງໄດ້ເນັ້ນໜັກໃຫ້ຄະນະບໍລິຫານຊາວໜຸ່ມ-ໜ່ວຍສະຫະພັນແມ່ຍິງ ເອົາໃຈໃສ່ສຶກສາອົບຮົມການເມືອງ-ແນວຄິດໃຫ້ແກ່ສະມາຊິກຊາວໜຸ່ມ- ແມ່ຍິງ ຮັກສາຄວາມສາມັກຄີຢ່າງແໜ້ນແຟ້ນ, ມີຄວາມຮັບຜິດຊອບສູງຕໍ່ໜ້າທີ່ ທີ່ການຈັດຕັ້ງມອບໝາຍໃຫ້, ເຂົ້າຮ່ວມທຸກຂະບວນການຂອງກົມກອງ ໂດຍສະເພາະແມ່ນດ້ານຂະບວນການສ້າງກອງວັດ
ທະນະທຳ-ນັກຮົບວັດທະນະທຳ, ສືບຕໍ່ເອົາໃຈໃສ່ເຜີຍແຜ່ວຽກງານປະຕິບັດຂໍ້ແຂ່ງ ຂັນ 4 ບຸກຂອງຊາວໜຸ່ມ, 3 ດີ ຂອງສະຫະພັນແມ່ຍິງຢ່າງທົ່ວເຖິງ, ເອົາໃຈໃສ່ຕິດຕາມຊຸກຍູ້, ຖອດຖອນບົດຮຽນລາຍງານຂັ້ນເທິງຖັດຕົນເປັນປົກກະຕິ, ປະຕິບັດຕາມຄຳສັ່ງຂອງຂັ້ນເທິງຢ່າງເຂັ້ມງວດ, ຖືກຕ້ອງຕາມກຳນົດ, ເປັນຕົ້ນແມ່ນເສຍເງິນສະຕິ, ເງິນກອງທຶນ, ຮຽກຮ້ອງສະ ມາຊິກຊາວໜຸ່ມຕ້ານ ແລະ ສະ ກັດກັ້ນ ບັນຫາຢາເສບຕິດ ແລະ ປະກົດການຫຍໍ້ທໍ້ຕ່າງໆທີ່ເກີດຂຶ້ນໃນສັງຄົມ.
ໂດຍ: ສີສະຫວັນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
