ວັນເສົາ, ວັນທີ 13 ມິຖຸນາ 2026
ອາວຸດເຂັ້ມແຂງ ແນວຄິດໜັກແໜ້ນ ຈິດໃຈເສຍສະຫຼະ ໜ້າທີ່ຈຶ່ງສຳເລັດ
ເວລາອອກຂ່າວ: 2026-05-27 10:09:42 | ຜູ້ຂຽນ : admin3 | ຈຳນວນຄົນເຂົ້າຊົມ: 294 | ຄວາມນິຍົມ: 
ການຮຽນ “ທິດສະດີການເມືອງ-ແນວຄິດ” ແມ່ນການສຶກສາເພື່ອໃຫ້ເຂົ້າໃຈແນວທາງການເມືອງ, ຫຼັກການນຳພາ, ອຸດົມການ ແລະ ແນວຄິດທາງສັງຄົມ ຂອງພັກ ຫຼື ລັດ ເພື່ອໃຫ້ຜູ້ຮຽນມີຄວາມເຂົ້າໃຈດ້ານການເມືອງ, ມີຈຸດຍືນ ແລະ ຄວາມຄິດທີ່ຖືກຕ້ອງເຂົ້າໃຈແຈ້ງກ່ຽວກັບ ປະຫວັດການເມືອງ ແລະ ການປະຕິວັດ, ອຸດົມການ ແລະ ແນວຄິດທາງການເມືອງ, ໜ້າທີ່ຂອງພົນລະເມືອງ ແລະ ຄວາມຮັກຊາດ, ລະບຽບວິໄນ, ຈັນຍາບັນ ແລະ ຈິດໃຈຮັບໃຊ້ປະຊາຊົນ, ນະໂຍບາຍ ແລະ ແນວທາງການພັດທະນາປະເທດ ໂດຍສະເພາະໃນກຳລັງປະກອບອາວຸດ ຕ້ອງເຂົ້າໃຈແຈ້ງຕໍ່ໜ້າທີ່ ຄວາມຈົງຮັກພັກດີຕໍ່ ພັກ ຕໍ່ປະເທດຊາດ ແລະ ຕໍ່ປະຊາຊົນ ມີຈິດໃຈເສຍສະຫຼະ ຄວາມສາມັກຄີ ແລະ ມີລະບຽບວິໄນ.
ການຮຽນທິດສະດີການເມືອງ-ແນວຄິດ ໃຫ້ເຂົ້າໃຈຢ່າງເລິກເຊິ່ງ ຄວນເລີ່ມຈາກ “ພື້ນຖານຄວາມຄິດ ແລະ ຄວາມເຂົ້າໃຈສັງຄົມ” ກ່ອນ ເພາະຖ້າບໍ່ເຂົ້າໃຈພື້ນຖານ ກໍຈະຍາກທີ່ຈະເຂົ້າໃຈອຸດົມການ ຫຼື ແນວຄິດການເມືອງໄດ້ເລິກເຊິ່ງ. ຄຳວ່າ “ການເມືອງ” ແມ່ນການບໍລິຫານ ແລະ ນຳພາສັງຄົມ ແນວຄິດ ແມ່ນຫຼັກຄວາມຄິດ ຫຼື ອຸດົມການທີ່ນຳທາງການປະຕິບັດ ສຶກສາປະຫວັດສາດຂອງປະ
ເທດ, ການຕໍ່ສູ້, ການປະຕິວັດ ແລະ ການພັດທະນາ ຈະຊ່ວຍໃຫ້ຮູ້ວ່າເຫດໃດຈຶ່ງເກີດແນວຄິດຕ່າງໆ ເຊັ່ນ: ຄວາມຮັກຊາດ, ຄວາມສາມັກຄີ, ວິໄນ, ຄວາມຮັບຜິດຊອບ ເປັນຮາກຖານຂອງແນວຄິດການເມືອງ, ບໍ່ພຽງແຕ່ຈື່ ແຕ່ຕ້ອງຮູ້ຈັກ
ວິເຄາະວ່າ: ເຫດໃດຈຶ່ງເກີດນະໂຍບາຍນັ້ນ, ມີຜົນດີ-ຜົນເສຍແນວໃດ, ສົ່ງຜົນຕໍ່ສັງຄົມແນວໃດ.
ສຳລັບ ການຮຽນທິດສະດີການເມືອງ-ແນວຄິດ ໃນກຳລັງປະກອບອາວຸດ ແມ່ນຂະບວນການສຶກສາອົບຮົມທີ່ມີຄວາມສຳຄັນຫຼາຍ ເພື່ອສ້າງກຳລັງພົນໃຫ້ມີຄວາມເຂັ້ມແຂງທັງດ້ານແນວຄິດ, ຈິດໃຈ ແລະ ວິໄນ. ບໍ່ແມ່ນພຽງແຕ່ການຮຽນທິດສະດີຕາມໜັງສືເທົ່ານັ້ນ ແຕ່ເປັນການປູກຝັງອຸດົມການ, ຄວາມຮັກຊາດ, ຄວາມສາມັກຄີ ແລະ ຄວາມຈົງຮັກຕໍ່ໜ້າທີ່ ເພື່ອໃຫ້ ກຳລັງປະກອບອາວຸດ ສາມາດປະຕິບັດພາລະກິດໄດ້ຢ່າງຖືກຕ້ອງ ແລະ ໜັກແໜ້ນ. ໃນກຳລັງປະກອບອາວຸດ ການຮຽນທິດສະດີການເມືອງ-ແນວຄິດ ແມ່ນເປັນພື້ນຖານສຳຄັນຂອງການສ້າງກຳລັງພົນ ເພາະກຳລັງປະກອບອາວຸດ ບໍ່ໄດ້ມີພຽງແຕ່ຄວາມສາມາດດ້ານການຮົບ ຫຼື ການໃຊ້ອາວຸດເທົ່ານັ້ນ ແຕ່ຕ້ອງມີຈິດໃຈທາງການເມືອງທີ່ໜັກ ແໜ້ນ, ຮູ້ຈັກໜ້າທີ່ ແລະ ຄວາມຮັບຜິດຊອບຂອງຕົນຕໍ່ຊາດ ແລະ ປະຊາ
ຊົນ. ການຮຽນນີ້ຊ່ວຍໃຫ້ກຳລັງພົນມີຈຸດຍືນທີ່ຊັດເຈນ, ຮູ້ຖືກ-ຜິດ, ເຂົ້າໃຈແນວທາງ ແລະ ນະໂຍບາຍຂອງພັກ-ລັດ ພ້ອມທັງມີຄວາມສາມາດຕ້ານທານແນວຄິດ ຫຼື ຂ່າວສານທີ່ບິດເບືອນ. ນອກຈາກນັ້ນ ການຮຽນທິດສະດີການເມືອງ-ແນວຄິດ ຍັງມີບົດບາດໃນການສ້າງລະບຽບວິໄນ ແລະ ຄວາມສາມັກຄີພາຍໃນ ເປັນກຳລັງທີ່ມີແນວຄິດຮູ້ຈັກເຄົາລົບລະບຽບ, ເສຍສະຫຼະເພື່ອສ່ວນລວມ, ມີຈິດໃຈຊ່ວຍເຫຼືອ ແລະ ມີຄວາມອົດທົນຕໍ່ຄວາມຫຍຸ້ງຍາກ. ສິ່ງເຫຼົ່ານີ້ເປັນປັດໄຈສຳຄັນທີ່ເຮັດໃຫ້ກຳລັງປະກອບອາວຸດມີຄວາມເຂັ້ມແຂງ ແລະ ສາມາດປະຕິບັດພາລະກິດໄດ້ຢ່າງມີປະສິດທິພາບ.
ອີກດ້ານໜຶ່ງ, ການຮຽນຍັງເຝິກໃຫ້ຮູ້ຈັກຄິດວິເຄາະ ແລະ ມີສະຕິໃນການຮັບຂ່າວສານ. ໃນຍຸກທີ່ຂໍ້ມູນຂ່າວສານເຜີຍແຜ່ໄດ້ໄວ ການມີພື້ນຖານແນວຄິດໜັກແໜ້ນ ຈະຊ່ວຍໃຫ້ສາມາດວິເຄາະຂໍ້ມູນທີ່ຖືກຕ້ອງ ແລະ ບໍ່ຫຼົງເຊື່ອຂ່າວລື ຫຼື ການປຸກປັ່ນທີ່ສົ່ງຜົນກະທົບຕໍ່ຄວາມໝັ້ນຄົງຂອງຊາດ.
ໂດຍ: ໂຊເລ້ ບຸນເຮືອງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
