ວັນພຸດ, ວັນທີ 17 ມິຖຸນາ 2026
ໂຮງຮຽນວັດທະນະທຳຊົນເຜົ່າກອງທັບ ເຄົາລົບທຸງຊາດ ປະຈຳເດືອນ ພຶດສະພາ
ເວລາອອກຂ່າວ: 2026-05-20 09:20:13 | ຜູ້ຂຽນ : admin1 | ຈຳນວນຄົນເຂົ້າຊົມ: 181 | ຄວາມນິຍົມ: 
ໃນບໍ່ດົນຜ່ານມານີ້, ໂຮງຮຽນວັດທະນະທຳຊົນເຜົ່າກອງ ທັບ ໄດ້ຈັດພິທີເຄົາລົບທຸງຊາດ ປະຈຳເດືອນພຶດສະພາ, ໂດຍການເປັນປະທານຂອງ ສະຫາຍ ພັນເອກ ຄຳສິງ ບຸດຈັນແພງ ຮັກສາການ ຫົວໜ້າການເມືອງ, ຫົວໜ້າຫ້ອງການເມືອງ ໂຮງຮຽນວັດ ທະນະທຳຊົນເຜົ່າກອງທັບ, ມີຄະນະພັກ-ຄະນະອຳນວຍການ, ຄະນະຫ້ອງ, ກອງພັນ ຕະຫຼອດຮອດ ພະນັກງານ-ນັກຮົບ ແລະ ນັກຮຽນທົ່ວໂຮງຮຽນ ເຂົ້າຮ່ວມ.
ພາຍຫຼັງ ເຄົາລົບທຸງຊາດ ແລະ ຜ່ານຄຳປະຕິຍານ 8 ຂໍ້ສຳ ເລັດ, ສະຫາຍ ພັນເອກ ຄຳສິງ ບຸດຈັນແພງ ໄດ້ສະຫຼຸບຫຍໍ້ການ ເຄື່ອນໄຫວວຽກງານ ໃນ 1 ເດືອນຜ່ານມາ ແລະ ວາງທິດທາງແຜນການໃນຕໍ່ໜ້າ, ໂດຍປີ່ນອ້ອມ 4 ໜ້າທີ່ໃຫຍ່ 26 ແຜນງານ ທີ່ຄະນະພັກກະຊວງປ້ອງກັນປະເທດວາງອອກ ເປັນຕົ້ນແມ່ນວຽກງານສຶກສາອົບຮົມການເມືອງ-ນຳພາແນວຄິດ, ວຽກງານວິຊາສະເພາະ, ການຮຽນ-ການສອນ, ການປະຕິບັດຂໍ້ກຳນົດ, ກົດລະບຽບຂອງກອງ ທັບ ເວົ້າລວມ, ເວົ້າສະເພາະ ກໍຄືຂອງກົມກອງ ເພື່ອເຮັດໃຫ້ໂຮງຮຽນ ມີຄວາມສະຫງົບປອດ ໄພ. ທັ້ງນີ້, ກໍເພື່ອເປັນການປະ ຕິບັດ ຕາມລະບຽບການເຄົາລົບທຸງຊາດ ປະຈຳເດືອນ ທີ່ຂັ້ນເທິງ ໄດ້ກຳນົດໄວ້ ໃຫ້ມີຄວາມເຂັ້ມ ແຂງດ້ານລະບຽບວິໄນ ກໍຄືການປະຕິບັດ 7 ລະບອບ 18 ວຽກ ໃນມື້ໜຶ່ງຂອງກອງທັບ.
ໂອກາດນີ້, ສະຫາຍ ພັນເອກ ຄຳສິງ ບຸດຈັນແພງ ໄດ້ໂອ້ລົມ ພ້ອມທັງເນັ້ນໜັກໃຫ້ຄະນະພັກ- ຄະນະບັນຊາແຕ່ລະຂັ້ນສືບຕໍ່ດຳ ເນີນວຽກງານສຶກສາອົບຮົມການ ເມືອງແນວຄິດ ເຮັດໃຫ້ພະນັກ ງານ-ນັກຮົບ ແລະ ນ້ອງນັກຮຽນ ເຊື່ອໝັ້ນຕໍ່ການນຳພາຂອງພັກ-ລັດ, ມີຄຸນທາດການເມືອງໜັກແໜ້ນ, ມີຄຸນສົມບັດ ສິນທຳປະ ຕິວັດ ແລະ ຫ້າວຫັນຕໍ່ໜ້າທີ່ວຽກງານ ສາມາດເຮັດສຳເລັດທຸກໜ້າ ທີ່ ທີ່ໄດ້ຮັບການມອບໝາຍຈາກ ຂັ້ນເທິງ. ຈາກນັ້ນ, ຍັງໄດ້ຮັບຊົມ ການສວນສະໜາມ ຂອງພະນັກ ງານ-ນັກຮົບ ແລະ ນັກຮຽນ ຕື່ມອີກ.
ໂດຍ: ໂອລິນ ມິ່ງມີໄຊ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
