POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພຸດ, ວັນທີ 17 ມິຖຸນາ 2026

ເຫຼົ່າຮົບຊ່າງແສງ ສຸມໃສ່ກໍ່ສ້າງສະໜາມເຝີກຊ້ອມ ໃຫ້ແກ່ບັ້ນຊ້ອມຮົບຮ່ວມ ລາວ-ຣັດເຊຍ "ພາຍໃຕ້ລະຫັດ ໃຕ້ຝຸ່ນ ແລະ ລາໂຣດ 2026"
ເວລາອອກຂ່າວ: 2026-05-15 10:18:33 | ຜູ້ຂຽນ : admin3 | ຈຳນວນຄົນເຂົ້າຊົມ: 196 | ຄວາມນິຍົມ:

ວຽກງານການກໍ່ສ້າງສະໜາມ ຖືເປັນວຽກງານໜຶ່ງທີ່ສຳຄັນ ແລະ ຖືເປັນວຽກງານທີ່ມີພາລະບົດບາດຍຸດທະສາດທີ່ເຫຼົ່າຮົບຊ່າງແສງຕ້ອງໄດ້ປະຕິບັດຢ່າງຕັ້ງໜ້າ ເພື່ອສ້າງ “ພື້ນຖານ” ໃຫ້ແກ່ທຸກບາດກ້າວ, ທຸກພາກສ່ວນໃນການສ້າງທ່າສະໜາມເຝີກຊ້ອມຮົບຮ່ວມ ລາວ-ຣັດເຊຍ ພາຍໃຕ້ລະຫັດ “ ໃຕ້ຝຸ່ນ ແລະ ລາໂຣດ 2026 ‘’. ສະຫາຍ ຮ້ອຍໂທ ແກ້ວຂວັນໃຈ ບຸດສະໝາຍ ວິຊາການຊີ້ນຳກໍ່ສ້າງ ກົມຊ່າງແສງ ໃຫ້ຮູ້ວ່າ: ພາຍຫຼັງໄດ້ຮັບຄຳສັ່ງຈາກຂັ້ນເທິງ ໃຫ້ກະກຽມເຂົ້າກວດກູ້ ແລະ ສ້າງສະໜາມຢູ່ທີ່ສະໜາມວິທະຍາຄານນາຍທະຫານບົກກົມມະດຳ ພາກ ສ່ວນທີ່ໄດ້ຮັບມອບໝາຍແມ່ນໄດ້ກວດກາພະຫະນະຮັບໃຊ້ພາກສະໜາມ ເພື່ອເຂົ້າກວດກາ ແລະ ກໍ່ສ້າງສະໜາມເຝີກຊ້ອມ ໃຫ້ແກ່ການຊ້ອມຮົບຮ່ວມລາວ-ຣັດເຊຍ ໃນຊື່ລະຫັດ “ ໃຕ້ຝຸ່ນ ແລະ ລາໂຣດ “ປີ 2026 ເຫຼົ່າຮົບຊ່າງແສງແຕ່ລະສະຫາຍທີ່ໄດ້ຮັບມອບໝາຍໜ້າທີ່ໄດ້ເອົາໃຈໃສ່ຍົກສູງສະຕິຄວາມຮັບຜິດຊອບຂອງຕົນ, ກະກຽມ, ສ້າງແຜນວຽກແຕ່ລະວຽກ ແຕ່ລະໄລຍະດ້ວຍຄວາມເອົາໃຈໃສ່, ຄວາມຮັບຜິດຊອບສູງ. ກະກຽມ ແລະ ເຂົ້າປະຈຳສະໜາມ ໂດຍສະເພາະແມ່ນກຳລັງທີ່ເຂົ້າກວດກູ້ ເພື່ອເປີດທາງໃຫ້ພາກສ່ວນສ້າງສະໜາມ ເຊິ່ງເລີ່ມເຂົ້າມາ ແຕ່ວັນທີ 23 ເມສາ 2026. ເຊິ່ງໜ້າວຽກໃນເບື້ອງຕົ້ນແມ່ນມີ 2 ໄລຍະຄື: ໄລຍະທີ 1 ເລີ່ມສ້າງສະໜາມຫັດແອບຂອງເຫຼົ່າຮົບຕີພິເສດຂອງ “ ໃຕ້ຝຸ່ນ “ 2026 ເຊິ່ງເລີ່ມເຂົ້າສ້າງມາໄດ້ໄລຍະໜຶ່ງ ສາມາດເຮັດສຳ ເລັດ ແລະ ຮອງຮັບໃຫ້ແກ່ການຊ້ອມໄດ້. ຈາກນັ້ນ, ໄລຍະທີ 2 ໄດ້ເຂົ້າກໍ່ສ້າງສະໜາມຫັດແອບຊ້ອມຮົບຮ່ວມ ລາວ-ຣັດເຊຍ ກໍຄື “ ຣາໂຣດ 2026’’ ເຊິ່ງປັດຈຸບັນກຳລັງສ້າງຈະປະກອບມີຢູ່ຫຼາຍສະໜາມຄື: ສະໜາມຫັດແອບຕໍ່ຕ້ານໂດຣນ, ສະໜາມຫັດແອບບິນໂດຣນ, ສະໜາມຫັດແອບພົນຊຸ້ມຍິງປືນຍິງດຽວ, ສະໜາມຫັດແອບລົດສີ່ຄິງ, ລົດສະເກມ ແລ້ວກໍສະໜາມຫັດແອບທາງນ້ຳຂອງເຫຼົ່າຮົບຕີພິເສດ ແລະ ສຸດທ້າຍກໍຄືສະໜາມຫັດແອບບຸກຄົນ, ຫັດແອບແບບຈຸໂຈມຕີສັດຕູ. ທີ່ປັດຈຸບັນນີ້ກຳລັງເລັ່ງສ້າງສະໜາມຕ່າງໆ ໃຫ້ສຳເລັດ ແລະ ນຳໃຊ້ໃຫ້ໄດ້ທັນກັບຄວາມຮຽກຮ້ອງຕ້ອງການຂອງວຽກງານ, ເຊິ່ງໃນເບື້ອງຕົ້ນກໍມີຄວາມຫຍຸ້ງຍາກທາງດ້ານສະພາບອາກາດທີ່ມີການປ່ຽນແປງ ຍ້ອນຢູ່ໃນໄລຍະລະດູຝົນ, ການກໍ່ສ້າງສະໜາມແມ່ນຢູ່ໃນໄລຍະເຝີກຊ້ອມຂອງນັກຮຽນຂອງກົມກອງເພື່ອນ ແຕ່ເຖິງຢ່າງໃດກໍຕາມ ດ້ວຍຄວາມເອົາໃຈໃສ່ຂອງຂັ້ນເທິງ ທີ່ລົງໃກ້ສິດຕິດແທດ ແລະ ຕອບສະໜອງ ແກ້ໄຂບັນຫາຕ່າງໆຕາມຂັ້ນຕອນ ເຮັດໃຫ້ການກໍ່ສ້າງ ໄດ້ຮັບການກໍ່ສ້າງມາເປັນແຕ່ລະໄລຍະ. ສະຫາຍ ຮ້ອຍໂທ ແກ້ວຂວັນໃຈ ບຸດສະໝາຍ ຍັງໃຫ້ຮູ້ອີກວ່າ: ການ ກໍ່ສ້າງສະໜາມ ປັດຈຸບັນແມ່ນສາມາດເວົ້າໄດ້ວ່າ: ການກໍ່ສ້າງສະໜາມບາງສະໜາມແມ່ນສາມາດສຳເລັດ ແລະ ນຳໃຊ້ໄດ້ ພ້ອມນີ້, ຈະເລັ່ງກໍ່ສ້າງສະໜາມ, ບາງຈຸດທີ່ຍັງຄົງຄ້າງໃຫ້ສຳເລັດ ແລະ ທັນກັບຄວາມຮຽກຮ້ອງຕ້ອງຂອງການນຳໃຊ້ສະໜາມໃນບັ້ນເປີດເຝີກຊ້ອມຮົບຮ່ວມ ລາວ-ຣັດເຊຍ ພາຍໃຕ້ລະຫັດ ‘’ໃຕ້ຝຸ່ນ ແລະ ລາໂຣດ 2026” ໃຫ້ທັນກັບເວລາ. ສັງລວມແລ້ວ, ເຫຼົ່າຮົບຊ່າງແສງແມ່ນເຫຼົ່າຮົບໜຶ່ງ ທີ່ມີບົດບາດສຳຄັນ ໃນການກໍ່ສ້າງທ່າສະໜາມ ບໍ່ພຽງແຕ່ເປັນການກະກຽມບ່ອນເຝິກຊ້ອມເທົ່ານັ້ນ, ແຕ່ ແມ່ນ “ການເຝີກຊ້ອມເຮັດວຽກງານໃນຕົວຈິງ”. ກໍຄືສະໜາມຮົບຕົວຈິງທີ່ເຫຼົ່າຮົບຊ່າງແສງຈະໄດ້ເປັນກຳລັງໜ້າໃນການກວດກູ້ ແລະ ເປີດທາງໃຫ້ແກ່ເຫຼົ່າຮົບ ອື່ນໆ ໃນທົ່ວກອງທັບ ໂດຍການນຳໃຊ້ກົນຈັກໜັກ, ເຕັກນິກການວາງຜັງ ແລະ ວິຊາສະເພາະ ເຂົ້າເຮັດວຽກງານກະກຽມໃນຄັ້ງນີ້ ແມ່ນເພື່ອຍົກລະດັບມາດຕະຖານການສ້າງສະໜາມຮົບໃຫ້ທັນສະໄໝ ແລະ ມີຄວາມພ້ອມສູງສຸດ ເພື່ອກຽມພ້ອມເຮັດໜ້າທີ່, ວິຊາສະເພາະຂອງເຫຼົ່າຮົບ ໃນສະເພາະໜ້າ ແລະ ຍາວນານ ໃຫ້ມີຄວາມຊຳນານ, ວ່ອງໄວແລະ ມີຄວາມຮັບຜິດຊອບສູງ. ໂດຍ: ພຸດທະພອນ

news to day and hot news