ວັນພຸດ, ວັນທີ 17 ມິຖຸນາ 2026
ກອງພັນໃຫຍ່ 202 ປິດເຝິກອົບຮົມກວດສອບເລຂາ, ຮອງເລຂາໜ່ວຍພັກ
ເວລາອອກຂ່າວ: 2026-05-15 10:12:00 | ຜູ້ຂຽນ : admin3 | ຈຳນວນຄົນເຂົ້າຊົມ: 205 | ຄວາມນິຍົມ: 
ພິທີປິດເຝີກອົບຮົມກວດສອບເລຂາ, ຮອງເລຂາໜ່ວຍພັກ ຄັ້ງ ທີ I ຢູ່ກອງພັນໃຫຍ່ 202 ກອງພົນທີ 2 ໄດ້ຈັດຂຶ້ນໃນວັນທີ 7 ພຶດສະພາ 2026 ນີ້, ໂດຍການ ເປັນປະທານຂອງ ສະຫາຍ ພັນໂທ ສົມສະຄິດ ຄຳຊຸມພູ ຮອງເລຂາ ຄະນະພັກ ຫົວໜ້າການທະຫານ ກອງພັນໃຫຍ່ 202, ມີຄະນະພັກ-ຄະນະບັນຊາ ພະແນກການ, ກອງພັນນ້ອຍ, ກອງຮ້ອຍເອກະລາດ, ອະນຸກຳມະການ ຕະຫຼອດຮອດນັກເຝີກອົບຮົມເຂົ້າຮ່ວມ.
ສະຫາຍ ພັນໂທ ອູ່ທອງ ມະໂນລາດ ຄະນະປະຈຳພັກ ຫົວ ໜ້າພະແນກການເມືອງ ກອງພັນໃຫຍ່ 202 ໄດ້ຜ່ານບົດສະຫຼຸບຕີລາຄາຜົນໄດ້ຮັບຂອງການເຝີກອົບຮົມກວດສອບເລຂາ, ຮອງເລຂາໜ່ວຍພັກ ຄັ້ງທີ I ເຊິ່ງໄດ້ຍົກໃຫ້ເຫັນດ້ານດີ, ດ້ານຄົງຄ້າງ ແລະ ບົດຮຽນທີ່ຖອດຖອນໄດ້, ຜ່ານການເຝິກອົບຮົມເຫັນວ່າ ນັກກວດສອບໄດ້ຕັ້ງໜ້າຮ່ຳຮຽນ, ກຳແໜ້ນດ້ານທິດສະດີ, ຫຼັກການ, ພຶດຕິກຳຕົວຈິງ, ທີ່ຕັ້ງ, ພາລະບົດບາດສິດ, ໜ້າທີ່ ແລະ ຄວາມຮັບຜິດຊອບຂອງເລຂາ, ຮອງເລຂາ ຮາກຖານພັກ ເພື່ອນຳໄປຈັດຕັ້ງ ຜັນຂະຫຍາຍເຂົ້າໃນວຽກງານຕົວຈິງພ້ອມທັງປັບປຸງທັດສະນະຫຼັກໝັ້ນ, ຄຸນສົມບັດສິນທຳປະຕິ ວັດ ແລະ ແບບແຜນວິທີເຮັດວຽກ ຂອງຜູ້ເປັນເລຂາ, ຮອງເລຂາ ໜ່ວຍພັກໃຫ້ມີຄວາມໜັກແໜ້ນ, ເຊື່ອໝັ້ນຕໍ່ການນຳພາຂອງພັກ, ຕັ້ງໜ້າປັບປຸງໜ່ວຍພັກຂອງຕົນໃຫ້ປອດໃສ, ເຂັ້ມແຂງ, ໜັກແໜ້ນ, ເພື່ອເປັນບ່ອນອີງໃຫ້ແກ່ການເຄື່ອນໄຫວປັບປຸງ ແລະ ກໍ່ສ້າງໜ່ວຍພັກໃຫ້ມີຄວາມປອດໃສ, ເຂັ້ມແຂງ, ໜັກແໜ້ນໃນທຸກໆດ້ານ, ມີຄວາມອົດທົນຜ່ານຜ່າຄວາມຫຍຸ້ງຍາກ, ມີຄວາມຮັບຜິດຊອບສູງ, ສຸມສະຕິປັນຍາເຂົ້າໃນການຮໍ່າຮຽນຕາມທິດທາງຂອງພັກໃນໄລຍະໃໝ່. ຜ່ານການເຝິກອົບຮົມໃນຄັ້ງນີ້, ສາມາດຕີລາຄາຄຸນນະພາບຜົນໄດ້ຮັບຂອງນັກກວດສອບ ປະເພດແຂງ 13 ສະຫາຍ, ປະເພດເກັ່ງ 50 ສະຫາຍ. ນອກນີ້, ໃນພິທີຍັງໄດ້ມີການມອບຂອງຂວັນລາງວັນໃຫ້ຜູ້ທີ່ມີຜົນງານດີເດັ່ນໃນການເຝິກອົບຮົມຈຳນວນ 13 ສະຫາຍຕື່ມອີກ.
ໂດຍ: ຄຳຊາຍ ກວ່າງຄຸນສີ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
