ວັນພຸດ, ວັນທີ 17 ມິຖຸນາ 2026
ກອງພັນ 415, 418 ຈັດຕັ້ງພິທີປະກາດການຈັດຕັ້ງ ນຳພາ-ບັນຊາຂັ້ນກອງຮ້ອຍ
ເວລາອອກຂ່າວ: 2026-05-14 10:41:29 | ຜູ້ຂຽນ : admin3 | ຈຳນວນຄົນເຂົ້າຊົມ: 127 | ຄວາມນິຍົມ: 
ໃນລະຫວ່າງວັນທີ 4-5 ພຶດສະພາ 2026 ທີ່ຜ່ານມາ, ກອງພັນນ້ອຍ 415, 418 ທີ່ຂຶ້ນກັບກອງພັນໃຫຍ່ 301 ກອງ ພົນທີ 3 ໄດ້ຈັດຕັ້ງພິທີປະກາດ ການຈັດຕັ້ງນຳພາ-ບັນຊາຂັ້ນ ກອງຮ້ອຍ, ໝວດ ແລະ ປະກາດ ການແຕ່ງຕັ້ງບົ່ງຕົວເລຂາ, ຮອງເລຂາ, ກຳມະການບັນດາ ໜ່ວຍ ພັກ, ໂດຍການເປັນປະທານຂອງ ສະຫາຍ ພັນເອກ ຄຳຫຼ້າ ພັນທະຈັກ ເລຂາຄະນະພັກ ຫົວ
ໜ້າການເມືອງກອງພັນໃຫຍ່ 301, ມີຄະນະພັກ-ຄະນະບັນຊາກອງພັນ, ກອງຮ້ອຍ, ໝວດສຳນັກງານຕະລອດຮອດພະນັກງານ-ນັກຮົບ ແລະ ຜູ້ທີໄດ້ຮັບໜ້າທີໃໝ່ ເຂົ້າຮ່ວມ.
ສະຫາຍ ຮ້ອຍເອກ ສີສະຫວ່າງ ແກ້ວເທວີ ຊ່ວຍວຽກຂະແໜງ ພະນັກງານໄດ້ຂຶ້ນຜ່ານຂໍ້ຕົກລົງ ຂອງກອງພົນທີ 3 ວ່າດ້ວຍການແຕ່ງຕັ້ງຂັ້ນກອງຮ້ອຍ, ໝວດ, ຕາມມາດຕາທີ 26 ຂອງກົດໝາຍ ວ່າດ້ວຍນາຍທະຫານກອງທັບປະຊາຊົນລາວ ອີງຕາມທິດທາງກ່ຽວກັບການປັບປຸງບູລະນະການຈັດຕັ້ງນຳພາ-
ບັນຊາໃນກຳລັງປະກອບອາວຸດໃຫ້ເຂັ້ມແຂງ, ໜັກແໜ້ນຮອບດ້ານເພື່ອເຮັດສຳເລັດໜ້າທີ່ປົກປັກຮັກສາ ແລະ ພັດທະນາປະເທດຊາດ, ຕາມການສະເໜີຂອງອົງການທີ່ກ່ຽວຂ້ອງ ແລະ ການເຫັນດີເປັນເອກກະພາບຂອງຄະນະພັກກອງ
ພົນທີ 3 ຕົກລົງແຕ່ງຕັ້ງພະນັກງານນຳພາ-ບັນຊາຂັ້ນກອງຮ້ອຍ, ໝວດ, ຮອງໝວດ ຈຳນວນ 11 ສະຫາຍ ແລະ ພັກລໍຖ້າວຽກຢູ່ໝວດສຳນັກ ກອງພັນນ້ອຍ 418 ຈຳນວນ 1 ສະຫາຍ, ຈາກນັ້ນ ສະຫາຍ ພັນໂທ ສົມຄິດ ແກ້ວສະຫວາດ ຫົວໜ້າຂະແໜງຈັດຕັ້ງພັກ ໄດ້ຂຶ້ນຜ່ານມະຕິແຕ່ງຕັ້ງບົ່ງຕົວຂອງຄະນະພັກກອງພັນໃຫຍ່ 301 ວ່າດ້ວຍການແຕ່ງຕັ້ງບົ່ງຕົວເລຂາ, ຮອງເລຂາ, ກຳມະການບັນດາໜ່ວຍພັກຕາມລະບຽບຂອງພັກປະຊາຊົນປະຕິວັດລາວ ສະໄໝທີ XI ໝວດທີ II ມາດຕາທີ 13 ວ່າດ້ວຍການແຕ່ງຕັ້ງບົ່ງຕົວເລຂາ, ຮອງເລຂາ, ກຳມະການໜ່ວຍພັກໃຫ້ຖືກຕ້ອງຕາມລະບຽບຫຼັກການຂອງພັກ, ຕາມການຊັບຊ້ອນການຈັດຕັ້ງຂັ້ນພະນັກງານນຳພາ-ບັນຊາ, ຕາມການເຫັນດີເປັນເອ
ກະພາບຂອງຄະນະພັກ-ຄະນະບັນຊາກອງພັນໃຫຍ່ 301 ແລະ ໄດ້ຕົກລົງແຕ່ງຕັ້ງບົ່ງຕົວເລຂາ, ຮອງເລຂາ, ກຳມະການ ບັນດາໜ່ວຍພັກທີ່ຂຶ້ນກັບຄະນະພັກຮາກຖານກອງພັນນ້ອຍ 415 ຈຳນວນ 8 ຕຳແໜ່ງ, ກອງພັນນ້ອຍ 418 ຈຳນວນ 4 ຕຳແໜ່ງ.
ຂ່າວ: ຄຳນ້ອຍ ແສງບຸນໄມ່
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
