ວັນຈັນ, ວັນທີ 11 ພຶດສະພາ 2026
ການພົວພັນ ຈີນ-ອາເມຣິກາ ໄດ້ຮັກສາຄວາມໝັ້ນທ່ຽງໂດຍລວມ
ເວລາອອກຂ່າວ: 2026-05-07 09:39:33 | ຜູ້ຂຽນ : admin1 | ຈຳນວນຄົນເຂົ້າຊົມ: 157 | ຄວາມນິຍົມ: 
ໃນອາທິດທີ່ຜ່ານມາ, ທ່ານຫວາງຢີ້ ລັດຖະມົນຕີກະຊວງການຕ່າງປະເທດຈີນ ໄດ້ສົນທະ ນາທາງໂທລະສັບກັບທ່ານມາໂກ ຣູບິໂອ ລັດຖະມົນຕີກະຊວງການຕ່າງປະເທດອາເມຣິກາ.
ທ່ານ ຫວາງຢີ້ ກ່າວວ່າ: ພາຍໃຕ້ການນຳພາທາງຍຸດທະສາດຂອງ ທ່ານ ສີຈິ້ນຜິງ ປະທານປະເທດຈີນ ແລະ ທ່ານ ໂດນັນ ທຣຳ ປະທານາທິບໍດີອາເມຣິກາ, ການພົວພັນຈີນ-ອາເມຣິກາໄດ້ຮັກສາຄວາມໝັ້ນທ່ຽງໂດຍລວມ ເຊິ່ງສອດຄ່ອງກັບຜົນປະ ໂຫຍດພື້ນຖານຂອງປະຊາຊົນສອງປະເທດ ແລະ ສອດຄ່ອງກັບຄວາມມຸ່ງມາດປາຖະໜາໂດຍທົ່ວໄປຂອງປະຊາຄົມໂລກ. ສອງຝ່າຍຕ້ອງຮັກສາສະພາບຄວາມໝັ້ນທ່ຽງທີ່ໄດ້ມາຢ່າງຍາກລຳບາກໃຫ້ດີ, ກະກຽມການແລກປ່ຽນທີ່ສຳຄັນລະຫວ່າງການນຳຂັ້ນສູງໃຫ້ດີ, ຄົ້ນຫາແນວທາງສ້າງການພົວພັນຈີນ-ອາເມຣິກາທີ່ມີລັກສະນະຍຸດທະສາດ, ມີລັກສະນະສ້າງສັນ ແລະ ມີຄວາມໝັ້ນທ່ຽງ.
ທ່ານ ຫວາງຢີ້ ເນັ້ນໜັກວ່າ: ບັນຫາໄຕ້ຫວັນກ່ຽວຂ້ອງກັບຜົນປະໂຫຍດແກນກາງຂອງຈີນ, ເປັນຈຸດສ່ຽງໃຫຍ່ທີ່ສຸດໃນການພົວພັນຈີນ-ອາເມຣິກາ. ອາເມຣິກາຄວນປະຕິບັດຕາມຄຳໝັ້ນສັນຍາຂອງຕົນ, ເລືອກທາງເລືອກທີ່ຖືກຕ້ອງ, ເປີດພື້ນທີ່ໃໝ່ໃຫ້ແກ່ການຮ່ວມມືລະຫວ່າງຈີນ-ອາເມຣິກາ ແລະ ສຸມຄວາມພະຍາຍາມຈົນສຸດຄວາມສາມາດເພື່ອສັນຕິພາບຂອງໂລກ.
ທ່ານ ມາໂກ ຣູບິໂອ ກ່າວວ່າ: ການທູດປະມຸກລັດເປັນແກນກາງຂອງການພົວພັນອາເມຣິກາ-ຈີນ. ສອງຝ່າຍຈະຮັກສາການແລກປ່ຽນ ແລະ ການປະສານງານ, ເຄົາລົບເຊິ່ງກັນແລະກັນ ແລະ ແກ້ໄຂຂໍ້ຂັດແຍ້ງຢ່າງສົມເຫດສົມຜົນ, ສະສົມຜົນງານເພື່ອການແລກປ່ຽນກັນລະຫວ່າງການນຳຂັ້ນສູງອາເມຣິກາ-ຈີນ ແລະ ສະແຫວງຫາຄວາມໝັ້ນທ່ຽງດ້ານຍຸດທະສາດຂອງການພົວພັນອາເມຣິກາ-ຈີນ.ສອງຝ່າຍຍັງໄດ້ແລກປ່ຽນຄວາມເຫັນກ່ຽວກັບສະຖານະການຢູ່ຕາເວັນອອກ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
