ວັນຈັນ, ວັນທີ 11 ພຶດສະພາ 2026
ໂຮງຮຽນກໍ່ສ້າງນາຍສິບ ເລກ 1 ກໍ່ສ້າງຫ້ອງການ ພະແນກການເງິນແບບຖາວອນ
ເວລາອອກຂ່າວ: 2026-05-07 09:26:23 | ຜູ້ຂຽນ : admin1 | ຈຳນວນຄົນເຂົ້າຊົມ: 73 | ຄວາມນິຍົມ: 
ສະຫາຍ ພັນໂທ ບຸນຮັກ ທູນທະວີໄຊ ຫົວໜ້າພະແນກກໍ່ ສ້າງຄຸ້ມຄອງ-ຊັບສິນ ໂຮງຮຽນກໍ່ສ້າງນາຍສິບເລກ 1 ໄດ້ໃຫ້ຮູ້ວ່າ: ການກໍ່ສ້າງຫ້ອງການ ພະແນກການເງິນແບບຖາວອນ ຂອງໂຮງຮຽນກໍ່ສ້າງນາຍສິບເລກ 1 ເປັນການປຸກສ້າງອາຄານຫຼັງໃໝ່ ເນື່ອງຈາກຫ້ອງການເກົ່າ ສະຖານທີ່ຄັບແຄບ ຈຳນວນພົນພັດຫຼາຍ, ການເຮັດວຽກພົບກັບຄວາມຫຍຸ້ງຍາກ. ສະນັ້ນ, ຄະນະພັກ-ຄະນະອຳນວຍການໂຮງຮຽນ ຈຶ່ງໄດ້ຂໍທິດຊີ້ນຳຈາກຂັ້ນເທິງ ແລະ ຂໍທຶນປຸກສ້າງຈາກກະຊວງປ້ອງກັນປະເທດ, ໂດຍເລີ່ມລົງມືກໍ່ສ້າງ ນັບແຕ່ວັນທີ 28 ຕຸລາ 2025 ເປັນຕົ້ນມາ, ຫ້ອງການດັ່ງກ່າວ ມີຂະໜາດ ກວ້າງ 8 ແມັດ, ຍາວ 16 ແມັດ, ປະກອບມີ 6 ຫ້ອງ, ເສົາເທເບຕົງ, ກໍ່ດ້ວຍດີນຈີ່, ຫຼັງຄາໂຄງໄມ້, ມຸງກະເບື້ອງ, ພື້ນເທດ້ວຍເບຕົງເສີມເຫຼັກ, ຕິດກະໂລ ລວມມູນຄ່າໃນການກໍ່ສ້າງທັງໝົດ 850.000.000 ກີບ, ໂດຍແມ່ນທຶນຂອງກະຊວງປ້ອງກັນປະເທດສະໜອງໃຫ້ 100% ແລະ ນຳໃຊ້ກຳລັງແຮງງານກໍ່ສ້າງ ພະນັກງານ-ນັກຮົບພາຍໃນກົມກອງ. ປັດຈຸບັນການກໍ່ສ້າງສຳເລັດແລ້ວ 50% ແລະ ຄາດກະຈະໃຫ້ສຳເລັດ ພາຍໃນເດືອນພຶດສະພາ 2026 ຕາມແຜນການ.
ທັງນີ້, ກໍເພື່ອເປັນການປັບປຸງກົມກອງ ໃຫ້ມີຄວາມເປັນລະບຽບຈົບງາມ ຕາມແບບແຜນຂອງກອງທັບເວົ້າລວມ, ເວົ້າສະເພາະແມ່ນ ຮັບປະກັນເຮັດໃຫ້ພະນັກງານທີ່ເຮັດວຽກງານການເງິນ ມີສະຖານທີ່ພັກເຊົາ, ມີຫ້ອງການທີ່ແໜ້ນໜາຖາວອນ, ອັນເປັນການສ້າງເງື່ອນໄຂຄວາມສະດວກ ໃນການເຮັດສຳເລັດໜ້າທີ່ການເມືອງຂອງກົມກອງ.
ໂດຍ: ນ້ອຍຈັນໄພ ແກ້ວວັນເຮືອງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
