POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 11 ພຶດສະພາ 2026

ກອງພັນໃຫຍ່ 605 ປິດບັ້ນດຳເນີນຊີວິດການເມືອງພາຍໃນພັກ
ເວລາອອກຂ່າວ: 2026-05-07 09:24:51 | ຜູ້ຂຽນ : admin1 | ຈຳນວນຄົນເຂົ້າຊົມ: 78 | ຄວາມນິຍົມ:

ໃນວັນທີ 4 ພຶດສະພາ 2026 ນີ້, ກອງພັນໃຫຍ່ 605 ໄດ້ປິດກອງປະຊຸມບັ້ນດຳເນີນຊີວິດການເມືອງປັບປຸງປົວແປງພາຍໃນພັກ ປະຈຳປີ 2026, ໂດຍການເປັນປະທານຂອງສະຫາຍ ພັນເອກ ໄມສີ ມາວັນດີ ເລຂາຄະນະພັກ, ຫົວໜ້າການເມືອງ ກອງພັນໃຫຍ່ 605, ມີຄະນະພັກກອງພັນໃຫຍ່, ຄະນະພັກຮາກຖານ, ຄະນະໜ່ວຍພັກ ແລະ ສະມາຊິກພັກ ເຂົ້າຮ່ວມ. ສະຫາຍ ພັນໂທ ສີໃສ ວິໄລພັນ ຄະນະພັກ, ຮອງຫົວໜ້າພະແນກການເມືອງ ກອງພັນໃຫຍ່ 605 ໄດ້ຜ່ານບົດລາຍງານ ການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ຂອງອົງຄະນະພັກກອງພັນໃຫຍ່ 605 ປະຈຳປີ 2026 ພ້ອມທັງໄດ້ຍົກໃຫ້ເຫັນວ່າ: ບັ້ນດຳເນີນຊີວິດການເມືອງພາຍໃນພັກ ຄັ້ງນີ້ ເປັນການເສີມຂະຫຍາຍປະຊາທິປະໄຕ ເພື່ອກວດກາຄືນການເປັນແບບຢ່າງ ຂອງພະນັກງານ-ສະມາຊິກພັກ ໃນການເຄື່ອນໄຫວປະຕິບັດໜ້າທີ່ວຽກງານວິຊາສະເພາະ, ຄວາມສາມັກຄີພາຍໃນພັກ, ເພື່ອແກ້ໄຂສະພາບປະກົດການຫຍໍ້ທໍ້ຕ່າງໆ ໃນຖັນແຖວພະນັກງານ-ສະມາຊິກພັກ, ການດຳລົງຊີວິດ, ການເຝິກຝົນຫຼໍ່ຫຼອມຕົນເອງ ທາງດ້ານການເມືອງ-ແນວຄິດ, ດ້ານການຈັດຕັ້ງ ແລະ ລະບຽບວິໄນຂອງພັກ, ແບບແຜນນຳພາ ແລະ ວິທີເຮັດວຽກຂອງຄະນະພັກ, ສະມາຊິກພັກ ແລະ ຄວາມຮັບຜິດຊອບຕໍ່ໜ້າທີ່ການເມືອງ, ການຍົກສູງບົດບາດເປັນແກນນຳໃນລະບົບການເມືອງແນວຄິດ ພ້ອມທັງ ເປັນການປັບປຸງປົວແປງພາຍໃນພັກ ໃຫ້ມີຄວາມເຂັ້ມແຂງ, ໜັກແໜ້ນ ເພື່ອຕີລາຄາແບ່ງປະເພດສະມາຊິກພັກ ແລະ ການຈັດຕັ້ງພັກ. ອົງຄະນະພັກ ກອງພັນໃຫຍ່ 605 ປະກອບມີ 8 ຄະນະພັກຮາກຖານ, ມີ 31 ໜ່ວຍພັກຂຶ້ນກັບຮາກຖານພັກ, ມີສະມາຊິກພັກ ທັງໝົດ 625 ສະຫາຍ, ສະມາຊິກພັກ ສຳຮອງ 48 ສະຫາຍ. ຜ່ານການດຳເນີນຊີວິດການເມືອງປັບປຸງປົວແປງພາຍໃນພັກ ສາມາດຕີລາຄາແບ່ງປະເພດສະມາຊິກພັກ ແຂງ 591 ສະຫາຍ, ກາງ 9 ສະຫາຍ ແລະ ບໍ່ໄດ້ຈັດປະເພດ 23 ສະຫາຍ, ຕີລາຄາແບ່ງປະເພດໜ່ວຍພັກ ແຂງ 24 ໜ່ວຍພັກ ແລະ ປະເພດກາງ 7 ໜ່ວຍພັກ. ສະຫາຍ ພັນເອກ ໄມສີ ມາວັນດີ ໄດ້ສະແດງຄວາມຍ້ອງຍໍຊົມເຊີຍ ຕໍ່ພະນັກງານ-ສະມາຊິກພັກ ທີ່ໄດ້ຍົກສູງຄວາມຮັບຜິດຊອບ ໃນການເຂົ້າຮ່ວມບັ້ນດຳເນີນຊີວິດການເມືອງພາຍໃນພັກ ຄັ້ງນີ້, ພ້ອມທັງຮຽກຮ້ອງໃຫ້ຄະນະພັກແຕ່ລະຂັ້ນ, ພະນັກງານ-ສະມາຊິກພັກແຕ່ລະສະຫາຍ ສືບຕໍ່ເອົາໃຈໃສ່ຍົກສູງວຽກງານປັບປຸບກໍ່ສ້າງໜ່ວຍພັກ ປອດໃສ ເຂັ້ມແຂງ ໜັກແໜ້ນ, ເອົາໃຈໃສ່ປະຕິບັດລະບອບດຳເນີນຊີວິດການເມືອງພາຍໃນພັກ ໃຫ້ເປັນປົກກະຕິ, ຍົກສູງການຕຳນິກໍ່ສ້າງຊ່ວຍເຫຼືອເຊິ່ງກັນ ແລະ ກັນຢ່າງເລິກເຊິ່ງເຖິງຖອງ, ຕັ້ງໜ້າປະຕິບັດ 4 ໜ້າທີ່ໃຫຍ່ 26 ແຜນງານ ທີ່ຄະນະພັກກະຊວງປ້ອງກັນປະເທດວາງອອກ, ເພີ່ມທະວີຄວາມສາມັກຄີພາຍໃນຢ່າງແໜ້ນແຟ້ນ, ພ້ອມກັນປະຕິບັດໜ້າທີ່ການເມືອງ ທີ່ການຈັດຕັ້ງມອບໝາຍ ໃຫ້ມີຜົນສຳເລັດ. ຂ່າວ: ໜູແດງ ລາດສະແກ້ວ ພາບ: ເພັງ ມະນີລະສິດ

news to day and hot news